إياد بقى متجمد في بلاصتو يعاود في لكلام ..ناض من فطنتو وراح يجري ويعيط سيلين سيلين ..وصل للضفة لقا الجماعة كامل تم متجمعين راح ليهم
إياد: سيلين ويني سيلين
فارس: اهدا إياد دك نلقاوها
الراجل: كفاه تلقاوها في ليل هدا وزيد مستحيل تتحمل لبرد تاع الما رانا في الشتاء
إياد: بلع بلع
وراح للضفة يحاول يشوف مي الظلمة جاب فارس الضو ( جابوه باه يضوو لمنطقة لي قاعدين فيها وهو كبيير والضو تاعو قاوي)
إياد: دير جهة البحر
فارس دار كما قال ومايشوف غير في إياد قفز في البحر حلو عينيه مصدوم: إياااااد
مي والو مايشوف غير في الما يتحرك
أياد قفز من خوفو يحوس يلقاها الما مجمد قعد يحوس حتى يحس بيد على جنبو دور راسو لقاها سيلين نحات يديها وغمضت عينيها أما هو حكم يدها ولصقها فيه وقعد يسبح لليابسة خرجها حطها على التراب وقعد يضرب فيها على وجهها ضربات خفيفة مي هيا لا حياة لمن تنادي تقول جثة شاف نبضها خفيف ولا يرجف معرف واش يدير شاف شفايفها زروقة يرجفو نحا فيستا تع لجين ودارها عليها جبد نفس وحط شفافو على شفافها وبدا يديرلها في تنفس الاصطناعي بقى على هديك الحالة حتى لحقت ليهم الجماعة وبقاو يشوفو فيه ونهلى ميتة بالحمصة كي راها تشوف فاياد حاط شفافو على سيلين مي تتبسم انو مستحيل تبقى عايشة بيسك البرد وقعدت مدة فوسط الما ....اياد كان يديرلها فالتنفس وقلبو يخبط خايف يخسرها وخاايف متفيقش وبينو بين نفسو قاعد يدعي باش ترجعلو ...
بعد شوي تحركت ورجعت الما كامل لي في فمها ولات تكح
سيلين: اح كح كح اه ..
إياد: سيلين نوضي
تحاول تشوف وين مي والو مقدرتش مامبا تحكي ولا تحل عينيها مليح
قاطعوهم الجماعة
فارس: سيلين راكي مليحة كفاه طحتي ....مي والو وكانو مسمعاتوش كانت ترجف وزرقة هزها اياد وداها للخيمة وقال لوحدة من لبنات تبدلها قشها خرج من تم رايح جاي لكل متوتر غير نهلى لي تتبسم وحدها ..فارس كل ماتجي عينو على نهلى يلقاها تضحك حتى ولا يربط في الأحدااث هي لي قالتلهم بلي طاحت وزيد تكره سيلين حتى شك أنو هيا لي دزتها مي لازم يلقى دليل يثبت كلامو
إياد بدل قشو مام هو مع أنو راه بردان مي مدارش قيمة وخرج لقا طفلة خرجت راح يجري دخل ليها لقاها ترجف دار عليها لغطا ويشوف في لحمى منزلتش خرج ليهم
إياد: لازم ندوها لطبيب لوكان نخلوها رح تموت
فارس: منقدروش نروحو دك شوف الليل طاح لازم الصباح نمشو
إياد: تحوسني نقعد نتفرج فيها اه
نطق واحد من تم: هاري ممرض يمكن يمكن يساعدها
هاري: ايه صح خلوني ندخل
بعدلو إيااد دخل ودخل وراه إياد لأنو مستحيل يخليه وحدو
قعد يفحص فيه وإياد رايح جاي متوتر وخايف عليها
هاري:اياد ....مع لي قالو هك قفز لعندو
اياد:قول وش بيها
هاري:جسمها متجمد وهدا طبيعي رانا فالشت وقعدت مدة فالما راها مليحة لي قعدت عايشة ومنا لمدينة بعيد ومتقدرش تتحمل وهنا معندناش دوا ولا ابرة سخانة
اياد:والحل
هاري حك راسو وقالو كاين حل واحد
اياد:لي هو مستعد نديرو
هاري:فالحقيقة وكان متردد مي اياد اصر عليه يهدر ولا تنفس وهدر
-فلحقيقة كاين حل ولي هو كاش واحد يمدلها سخانة جسمو يعني يكون قريب منها ولو كانت متزوجة كنت ننصح زوجها بعلاقة جسدية مي كفاه وهي عازبة
اياد لبو العرق فكرة انو اي واحد يمسها طيرلو عقلو مي محبش يدخلها فراسو حكم كوفيرطة لفها بيها وهزها على ظهرو ومشى ...غير شافوه جماعة هازها تشوكاو تخيلو انو كاش ماصرالها
فارس:اياد س..سيلين وش بيها
قلب اياد عينيه منو لانو شاف اهتمامو بسيلين وهدا قلقو
اياد:رح نسيي نديها لاقرب قرية هنا ...ونتم تقدرو تقعدو غير تريح نجيبها
-اياد متأكد لانو خطر عليك الغابة فهدا الوقت
اياد:هدرتي وقلتها واحد مايتبعني
واحد ماقدر يهدر لانو يعرفو اياد لما يحكي بهدي النبرة وبالنسبة لنهلى فكانت تاكل فروحها لانو خطتها فشلت وزادت قربت بينهم
اياد هزها ومشى وبما انو عميل متدرب على هدو التضاريس والغابة والظلام ...مشى بيها حتى وصل لجهة طريق مي مكان حتى قرية قريبة تكى على شجرة وشاف سيلين لي كانت وكانها ميتة لولا نبضاتها الضعيفة
اياد:سيلين نوضي متخلينيش فنص طريق اتحملي عيشك اتحملي شوي وقت رح نرجعك بخير تحملي نعرفك قوية ....خلاها ممتكية على شجرة وطلع فوق تلة يشوف كاش دار قريبة ....مع لي دار شاف كوخ فنص الغابة باين مضوي فرح وهبط يجري هزها على ظهرو ومشى باتجاه الكوخ غير لحق عيط مي مكان والو عرف بلي فارغة وتكون دار الصيادين دز الباب برجليه وخل لقى سرير تم حطها فوقو وشاف مع موقد لي تم شاف فيه شوي حطب ...حوس على كاش حاجة يشعلها بيها ملقاش ...جبد السرير جهة الموقد مع لي جبدو شاف قرعة هزها وفتحخا شمها لقاها شراب فرح وكبو على الحطب وجبد مسدسو من خصرو وطلق رصاصة شعلت نار (ههههه راني بديت نخلط روحو معايا فالخط😂) قربها لنار وخرج جاب حط من جهة الدار ورجع زاد حطو فالموقد باش يكفيهم ليلة ....راح جهتها شاف مع وجهها ازرق غاضتو متوقعش انو هو ديما يبعد فيها من الموت وسمح فمشاعرو وفلخر لقى لموت قدامها ....تفكر هدرة ماري لما قاتلو ابقى قريب منها واحميها من لموت ......قرب منها وتسند بمرفقو بجنبها وبقى يشوف فيها متتحركش بعدلها شعر من على وجها وبقى يشوف فيها تفكر هدرة صاحبو الممرض مي هو مستحيل يدير معاها هدا شي بلا رضايتها .....جبدها لعندو وحضنها مي مكان حتى رد فعل وكانو مهيش تحس بسخانة الموقد ....غمض عينيه بقوة يحاول يلقى حل مي مقدرش وخايف انو يخسرها ...ناض ونحى شوميز تاعو بقى عريان من لفوق وحضنها وبقى يبوس فيها على جبهتها حس برعشتها وكانو استجابت ليه ...طلعلها راسها يشوف فشفافها لي يرجفو من لبرد مااافاق بروحو غير وهو غاطس فيهم يبوس بكل حنانة يحوس يرجعلهم سخانة ...بقى يبوس فيها من خدودها وشفافها وهبط لرقبتها بقى يبوس فيها بوسات متقطعة ...نحالها تريكو لخشين بقات غير ببيستي خفيف بقى يشوف فيها وكاره روحو لانو هي مش فايقة لواش يدير ....حاول انو يخليها تفطن بلامايتمادى اكثر ....عاود جبدها لحضنو ودخلها فيه كان حاب يدخلها فوسط ظلوعو بدى يحس فجسمها يسخن وتروحلو ذيك البرودة .....عاود طلعلها وجهها وجبد شفافها يبوس فيهم بوسات متقطعة وامبعد جبدهم وبقى يبوس فيها مي بحنانة ...حس انو طلعتلو سخانتو ...حتى وهي بهدي الحالة قدرت تأثر فيه وتخليه يهيج عليها ....مي مش حاب يدير اي حاجة يندم عليها او يخليه يبان مش راجل .....مينكرش انو يحبها ايه يحبها وخايف انو يخسرها .....بقى يشوف فيها ويعترف بحبو ليها حتى ومش تسمع فيه ....جبدها لعندو حضنها ولف يديه عليها وكانو خايفها تهرب ....بقى على هديك الحالة مدة ....حتى حس انو نفسها رجع طبيعي وحرارتها انتظمت (ننصحكم بحضن اياد ااااجماعة 😂)رتاح وهدا وين رجع يتنفس مليح لانو رجعتلو صغرونتو وحب حياتو هدا وين يقدر يرتاح ....خلاها فحضو وتغطى معاها ودخل راسو فرقبتها وجبد نفس من ريحتها وبقى هكداك حتى رقد .......
فالصباح
ناضت وراسها يوجع فيها تحس فكتلة كبيرة شادتها ..حاولت تحل عينيها مي ثقال حاولت تعاود وش صرا آخر مرة حتى تفكرت انو طاحت فالنهار
سيلين :اااه ربي منكونش متت وراني فالقبر يامامييي🥺🥺
بعد شوي حلت عينيها وتشوف فجسم راجل عريان ومحضنها ومش باين وجهو
-يانهار اسود ياسيلين شكون هدا لي راقدة معاه يخرب بيتك يافضيحتي ...من النهر نلقى فروحي راقدة مع راجل ...بلاك نوم قرصت روحها توجعت اه ....حاولت تجبد روحها وتعرف لي تجرأ ورقد معاها بلا موافقتها واستغلها .....تململت وخرجت من بين يديه مع لي حررت روحها بقات تشوف فروحها لابسة ماعدا بيستي وكلش مبين غمضت عينيا وطلعت راسها تشوف شكون الراجل وبدات تحل فعينها بالشوي لقاتو راقد وشعرو مفرفش ومش جايب خبر تشوكات وحلت عينها لاخرى تشوف فيه عريان وراقد تبسمت لما شافتو وفرحت داخليا انو بايتة عندو مي فجأة تفكرت لقطة لي شافتو مع نهلى بعدت وحطت يدها على فمها وطاحو دموعها وهي بين عينيها غير هديك اللحظة لي قسمتلها قلبها وهدرة نهلى شافت لتحت لقات تريكوها زربت لبساتو وهي تشوف فيه وكرهت روحها وكرهاتو لانو استغلها وانو يلعب بيها يرقد معاها وقريب منها وهو فعلاقة مع نهلى هزت روحها وخرجت من هداك لكوخ وهي خارجة لباب دار صوت فطن اياد على صوتو وناض مفجوع كي ملقاش سيلين قدامو زرب لبس وخرج يشوف فيها رايحة تجري ....عيط بطووول صوتو
سيليييييين ....هي سمعت صوتو حبست من الجري وتسمرت في بلاصتها مع لي دارت شافتو جاي جيهتها
سيلين:بعدني نكرهك نكرهك بعدني وراحت تجري .....اياد تفاجأ من كلماتها مي علاه قاتلو هك زعما كي رقد معاها وتخيلها انو مسيتها؟؟؟
راح يجري موراها وبما انو ضو نهار عرفو لبلاصة ورجعت لمخيم وين كامل كانو ملمومين ومتحيرين ...مع لي طلعو راسهم شافوها وقفو مفجوعين لي يسقسي وولي يحاول يعرف بلي لباس عليها ميي هي مردتش عليهم وراحت جهة خيمتها دخلت وبدات تلم فقشها ودموعها على خدها
اياد لحقها وعرف انو راحت جهة المخيم مع اي وصل شافهم كامل حايرين ومتفاجئين كفاه رجعت لباس عليها ....
اياد:وينها سيلين
فارس:علاه كل واحد جا وحدو وش صرا
اياد:قتلك وينها بلا اسئلة
-فخيمتها
مع لي جا يمشي يشوف فيها خارجة بساكودو تاعها وماشية ومش مقيماتو اصلا
سلين:فارس معليش توصلني لدار حابة نرجع لدزاير ليوم قبل غدوة
اياد:وين بيها وش هدا القرار نورمالمو مزال على رجعتنا لدزاير سمانة ...راح جهتها وهي بعدت وش بيك وش صرالك
سيلين:فارس تديني ولا نروح وحدي
فارس:ايه نديك نجيب قشي برك
وفات على اياد طبطبلو على ظهرو وقالو متخافش انا نتكفل بيها ....اما اياد فمقدرش يتحمل وراح جهة وحدو وبقى يخبط فيدو على شجرة مش غعارف علاه صرالها هك واذا فهمت كلشي بلغالط
****
وااااااا لبنات شحااال ذرحت فهدي احلقة متأمنوش كفاه ....والله رانا في حالة جظة بلكورونا وشاكين فيا وزيد منظمين مسابقة فلفيس ولاززم نتبعهم ...علبيها طولت اسمحولي وان شاء الله نكملها عن قريب
أنت تقرأ
حب العملاء ❤وسط الانتقام🚔تأليف "سماح"(مكتملة)
Actionقد تعطيك الحياة خيبات ....قد يتولد الألم .....قد تصبح حياتك محصورة بآلام الماضي ...وتتحرر فقط بالانتقام ....ولكن لابد ان لا تنسى كيف تعيش وانت في طريقك للانتقام .....لابد ان لا تنسى كيف تحب وتضحك وتأسس حياة .....ولا ان تنسى معدنك سواء رجل او بنت...
