قد تعطيك الحياة خيبات ....قد يتولد الألم .....قد تصبح حياتك محصورة بآلام الماضي ...وتتحرر فقط بالانتقام ....ولكن لابد ان لا تنسى كيف تعيش وانت في طريقك للانتقام .....لابد ان لا تنسى كيف تحب وتضحك وتأسس حياة .....ولا ان تنسى معدنك سواء رجل او بنت...
قعدت متسطحة على سرير وتمس في شفايفها لي تنفخو من العضة -ااااخ متوحش ..يعني مقدرش يبوس كي لعباد بوستي لولى راهي 😥....ااااه وش راكي تهدري ماري راه باسك بلامايطلب منك ونتي تحوسيها بوسة ومليحة تان وشبيك اماري ضعيفة قدامو هكا ...بصح مباسنيش عضني ..اااه رح نهبل وش معناتها هدي العضة ديجا كفاه تجرأ يقرب مني وبقات تتخبط فأفكارها وأمير دار دوش بس سيرفات وجا خارج ويخمم كفاه يبررلها لي دارو هو وحاير في روحو علاه دارها تنهد من أعماق قلبو وخرج فات على شمبرتها ديجا توخرو على تمارين راهي7ومزال مبداوش دقدق هي تنفضت من بلاصتها جات واقفة وقلبها يدق بقوة .....دخل وبقى يشوف في شواربها كفاه تنفخو وطراس تاع العضة بااينة عجباتو واستغرب هدوئها متوقعش انو تبقى ساكتة كي تشوفو ...فاق مع روحو وبرد اعصابو علخر .. أمير:هيا تمارين تستنى معندناش نهار كامل ومزال ماعدا يومين وتلحق الحفلة ماري متوقعتش انو يتعامل وكأنو ماصرا والو بقات تشوف فيه كفاه يحكي ...وتهدر فقلبها بففف متكبر مي ملازمش يستغلني هك رح تشوف وش تقدر ماري تدير يا سي أمير ماري:اوك ني واجدة ...وبخصوص لي صرا قبيل نتمنى ميتعاودش منيش من لبنات لي تعرفهم فهمت وطلعت صبعها تحذر فيها أمير :حتى انا استغربت كفاه محكيتيش لدك ...بففف شحال تهدري المهم حبيت نقلك هدي طريقتي باش نسكتك منا وجاي وغمزها 😉 جات رح تنطق هو قرب منا وبدا يتبسم ويشوف في شفافها .....فكتفات بالسكات وحطت يدها على فمها (الخلعة وش دير هههه)....شاخ على رد فعلها وشد ضحك بالسيف أمير::ممممم هكا متفاهمين ....وظك هيا ديجا راح لحال على تمارين وزيد ندرسو شوي تفاصيل على مهمتنا بقالنا غير غدوة ولي بعدو رح نكونو نوجدو فرواحنا منتلهاوش بتمارين ماري:اوك ... هبطو وبداو يتمرنو وهي مزالت متغزلة من برودو وتصرفو معاها ومتغزلة من روحها كتر لانو مراهيش قادرة تبعدو وانو تبقى جامدة وهو قريب منها في الجزائر سيفدا وصلت مروى وراحت وصلت نزلت دخلت لقاتو قاعد رجل فوق رجل غاطس في تلفون راحت ليه شافها ومبعد شاف في الساعة وطلع حاجبو فهد: واش خنفوسة أنتي لي محتاجاتيني ولا أنا سيفدا: ههه والله خدمة صاحبي فهد: امم سيفدا: هاك طلبت قهوة مقلتش نستناها فهد: اها قهوة باه نصحصح بيها لواحد غابن روحو في الخدمة نتع *** سيفدا: واه عندك الحق وعيطت لسارفور طلبت كاس كابتشينو فهد: سيفدا راك مليحة سيفدا: اممم فهد حبيت نطلب منك طلب فهد: واش جبدت تلفون من جيبها وراتلو الطوموبيل لي صورتها الصباح فهد: وشنو هاد سيفدا: نحوسك تجيبلي صاحب هاد الطوموبيل وعنوانو فهد: اوك معليش غدوة يكون عندك سيفدا: وحاجة أخرى فهد: امم سيفدا: جيبلي تفاصيل على عايلة المالكي طلع راسو مستغرب مي محبش يسألها ادا تحوس عليهم أكيد مرتبطين بأمها فهد: اوكي قاعدين يحكو ومبعد عيطت لسارفور سيفدا: ملات عليه لحوايج لي تحبهم وقاتلو أعطيني حق شخصين السارفور : اوك فهد: شكون عندك سيفدا: صديقتي طلع راسو يتبسم : أنا خوك العاقل سيفدا: واه نعرف مي ماش هيا ولات عندها فوبيا من الرجال الطفلة مسكينة كانو رح يزوجوها من راجل أكبر من بوها غير سمع هكداك رجع القهوة فهد: واشنو 😰 سيفدا: راك تشوف من اليوم رح تعيش عندي فهد: درتي الصح وبلاك مطولش عندك ويديها سيد الرجال 🙂 سيفدا: ايه حتى هيا زين وطاي ياخويا ياخويا لي يديها محظوظ فهد غير قاتلو سيفدا هكدا مالا أكيد بومبة ادا سيفدا قالت عليها هكدا وتبسم سيفدا: ميروحش بالك لبعيد صاحبي وقحرتلو فهد: هاي ماقلت والو ياطفلة اصلا ني رايح يا خنفوسة سيفدا: مام أنا باي حضارات 🖐🖐 فهد ضابط فالشرطة مسؤول على مكافحة المخدرات ...شخصيتو قوية زل بمعنى الكلمة ...حكاية لبنات عندو ليلة وفايتة يسما مش سيريو من جيهتهم ومزال ملقاش طفلة لي توالمو لانو كامل لي عرفهم يهمهم غير لمال ...هو صديق سيفدا من سنين وهو ميرفضلهاش طلب لانو سيفدا ديما تقدملو لمساعدات وعندها دين عليه رفدت صاشي بعد مجابهملها سارفور وراحت لدار تعشاو ورقدو أما عند خولة وجاك جاك عرف المجموعة مزال غير يوقعهم في شباكو وكل يوم يزيد يتعلق بخولة وخولة أكثر منو بعد ماكانت تكره أنو تروح للجامعة ولات متقدرش أنو متروحش حتى لو كانت مريضة غير باه تشوفو ومننساوش منال لي كل يوم بخطة باه دمرها وصلت حتى شوهتلها سمعتها مي جاك وقف معاها وجابلها حقها وهدا لي زاد من غيرة منال تجاه خولة وبقات تراقب فيهم فكل خطوات وتستنى غير وكتاه ميكونش جاك معاها باش دير رايها فيها أما عند إياد وسيلين في ليامات لي فاتو بعد ماراحو لآمريكا إياد يعلم في سيلين كفاه دافع على نفسها وعقبوها تدريبات وفي نفس الوقت ماش حاب أنو تشارك في هاد المهمة فهي خطيرة ورح يدخلو في وسط المافيا هو ماش خايف على نفسو خايف على سيلين لانو ماش موالفة تدير مهمات مثل هكدا كانت خدمتها غير في الجزائر مي دك في بلاد أجنبية وعالم لمافيا يلي مايرحمش أما سيلين فكانت تحاول كل لي عندها باه تنجح هاد المهمة وتثبت نفسها واهتمام إياد صنفاتو أنو شفقة وانو ماتقدر تنجح في هاد المهمة ودائما يقلها انسحبي من المهمة لانو خايف عليها مي هيا اعتبرتها اهانة وأنو يقلها أنتي وحدة فاشلة ومكانك ماشي لهنا ورح تحاول دير أي شي باه تثبتلهم أنو قادرة وقوية لوكان على حساب موتها وكل يوم تحاول تنسى إياد لانو عرفت مستحيل انو يحبها مي متعرفش أنو هو يعشقها ويخاف عليها حتى من نفسو ...وهي باش تسيي تنساه كانو عندها اصدقاء فأمريكا بصفة انو كانت تجي تعقب عطلاتها هنا ...كانو مخلطين بنات ورجال وفهدو ليامات بدات تخرج معاهم وإياد رح يهبل وكانو تتحدى فرجولتو وغيرتو كان مينداك يصمطلها ويديها من وسطهم ومرات يتحججلها بلي عندهم تدريب المهم يبعدها عليهم ...كانت حاجة تغلي فقلبو عليها يحسها لازم تكون معاه هو برك ...ومن جهة اخرى خايف عليها منو ...بصح لي معلبالوش انو الوحيدة لي قادرة تبعدو على شعور الوحدة وتملا حياتو هي سيلين ...وسيلين لي كل ماتبعد وهو يقرب تخلطت مشاعرها كلما تهرب منو وهو يرجعها ليه ...وكلما تقرب هو يبعد ...مي دك هدفها هو انو تنجح فالمهمة وتبرز اسمها فالمجموعة وتبني شخصيتها قدام إياد لي تحس انو ديما ينقص من قيمتها هي معلبالهاش بلي حاب يحميها وبرك ....وهدي كانت ليامات بيناتهم ديما تمرين وكي تخرج يكرهلها حياتها واذا قعدت معاه يتجاهلها زعما وش مصير هدو زوج وزعما يجي نهار ويكونو كوبل ويأسسو عايلة كيما كامل الناس وانو سيلين تنجح في مهمتها لي تحسبها مهمة المافيا مي هي مهمة كسب إياد ليها
سيفدا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
***** اااااه قلبي كتبت 3بارت في يوم وكامل طوال انا الله يسهل دك تعطوني رايكم ولا نرجع نكتب بلبارت ومتابعة ممتعة واعطوني ارائكم وزعما وش يصرا منبعد
