كرونيك:🔥🔫عقدة _رجل🔫🔥

🔥24🔥

الحلقة 24:
نضت صباح ناشطة ..#Manel نخدم اليوم .. لبست .. لحقني ميساج من عند ايمن ..
ايمن: عمري روحي وحدك اليوم راني ف الخدمة .. خرجت بكري محبيتش نوضك نحبك ..
حسيت روحي مزوجة .. تبسمت .. رفدت صاكي .. و خرجت..ف الخدمة الروتين مازلت حاصلة مع القضية .. دار عملتو و هرب .. معندي حتى .. اشارة توصلني ل السيد لي دار العملة .. H شكون هو .. و علاه يتحدا فيا انا بالضبط .. قطع حبل افكاري .. سي محمد و معاه .. عبد وحدوخر ملامحو ماشي غريبة عليا .. اما ماعرفتوش ..
انا: سي محمد تفضل اقعد
محمد : يزيد فضلك بنتي ..
قعدو ل الزوج و انا معاهم ..
محمد : بلا ما نكثرو الهدرة بنتي .. هدا امير راح يخدم معاك ف القضية
انا: يخدم معايا ف القضية .. بصح ايمن راه يخدم معايا ..
محمد : ايه كان .. خاطرش عيطولو من الجيش عندو خدمة اهم .. و تعرفي مرتبتو عالية يسحقوه .. جبنا المحقق امير يقدر يعاونك .. و ايمن الوقت لي يحب يقدر يدخل مزالت عندو الرخصة
انا: امم فهمت .. مرحبا بيك امير ..
مديتلو يدي .. شدني ب زوج يدين ..
امير : و بيك ..
خرج محمد و خلاه معايا ..
انا: وجهك ماشي غريب عليا ..
امير : خاطر تلاقينا قبل زوج مرات
انا : صح وين !!
امير : المرة اللولة في قضية علبة الحلوى .. اول قضية ليك حسب ما نتذكر .. و ثاني مرة عندها تقريبا شهر .. نهار مدولك هاد القضية جيت مع إلين
تبسمتلوا ..
انا: مع إلين .. راحت هي بعثوك نتا مليح
امير: هههه شاكة فيا ..
انا: نشك في روحي حتى
امير: ايه سر النجاح ..
درتلوا حركة بوجهي و سكت نخمم ..
امير: احم .. عندي هادو باللك يهموك ..
مدلي رزمة تاع رسائل ..شديتها و انا مستغربة ..
فتحتهم .. صبتهم ممضيين ب H .. حتى الخط نفسو .. مع الرسالة لي لحقتني .. فتحت القجر جبدت الرسائل تاوعي نقارن .. حتى نوعية الورق كيف كيف و غالية ..#Manel.. ماشي اي واحد يشريها و يبذرها هكا .. انا : مغسي يفيدوني ..
امير: اقرايهم بالاك حاجة تفيدك
انا: امم راح نقرا ..
بديت نقرا .. كلها رسائل معندهاش معنها على العايلة و اسرار العايلة ..هدا عبد يعرف مليح الين .. و كامل اسرار عايلتها .. و رسالة تقولها على التفجير و وين و وينتا .. الحاجة لي مفهمتهاش علاه يبعثو رسائل في عصر التطور .. لي شد انتباهي الرسالة التالية ..
انا: قريت هادي .. تهدر على لحوم فاسدة باش يدخلوها من ميناء وهران ..
امير: قريتهم كامل .. مفهمتش واش دخل الارهاب في اللحم الفاسد ..
انا: يحبو يسسمو الشعب باينة .. بصح ميقدروش يدخلوا حاجة هكا الا تحت .. رحمة شركة استيراد ..
امير: امم علابالي .. بصح ماناش عارفين .. وش من النهار دخل و لا واش من الساعة .. سما الشركة مستحيل نعرفوها ..
انا: اوك انا نتصرف .. كاينة حاجة وحدوخرة .. عيني راهي عليك .. تتحرك منا و لا منا نعرف .. و زيد ما تتصرفش من راسك تعلمني قبل اي حاجة ديرها .. منحبش لي خدمتو يضيع
امير: تستخفي بيا بزاف هكا
انا: مانيش نستخف بيك بصح هادي الخدمة مافيهاش اللعب و راك فاهمني ..
امير: فاهمك فاهمك .. نقدر نخرج دوكا ادا ما تسحقي والوا ..
انا: وي تفضل ..
مدلي يدو باش نعاود نخمس معاه .. مديت يدي .. و تبسمتلوا
امير: فرصة سعيدة و شرف ليا نخدم معاك ..
قبل ما نهدر هد عليا ايمن .. خزر فيا من الفوق ل التحت .. و خزر ف امير ..
ايمن: امير مرحبا ..
يهدر و يرص على سنانو ..
امير: ايمن ***
انا: تعرفو بعضكم
ايمن : معرفة قديمة ..
امير: حمد الله على سلامتك موسيو ايمن بصح واش راك دير هنا جابلي ربي خرجوك من القضية
ايمن: هههه شكون قالك هاد الهدرة انا خرجت منها خاطر عندي خدمة .. و ني عارف خليت مورايا مرا تقدر تحلها
امير: ايه مليح .. ايا منار نخليك .. نتلاقاو و نديرو قهوة ان شا الله دخلتي ل قلبي ب كلامك .. و رزانتك ..
بقيت حالا فمي في كلامو .. هادا وشبيه .. شفت ايمن كبس على بونيتو و خبط الباب موراه ..
ايمن: تدخلي ل القلب .. بكلامتك و رزانتك مشا الله
انا: مفهمتش وشبيه يهدر هكا .. هدرنا ف الخدمة و بس
ايمن: اممم
انا: خلاص راح تبقا مشنف انا غلطت ؟!!
ايمن: مغلطتيش مغلطتيش ..
انا: امالا وشبيك معاه اصلا وين تعرفو
ايمن : حكاية طويلة .. امشي نروحو نفطرو برا توحشتك ..
انا: امم هدا وين تفكرتني ..
دار على البيرو .. و عنقني م اللور ..
ايمن: و انا نقدر ننساك دايمن متفكرك
انا: امم امنتك
باسني من خدي ..
ايمن: ايا نروحو راني ميت بالجوع حاب ناكل ..
انا: وش قصدك
غمزني ..
ايمن :والوا نتي وش فهمتي ..
انا: اه والوا هيا ..
جبدتو من يدو و خرجنا ..
#Manel