كرونيك:🔥🔫عقدة _رجل🔫🔥

🔥50🔥

الحلقة 50:
انا: ارفدو عليا هاد المريض و ديرو اللازم .. باباه تاني معاه .. بتهمة تضليل العدالة #Manel
ايمن: برافو .. كل مرة نزيد ننبهر بيك
انا: قضية من اسهل ما يكون .. طفل صغير .. غيرة عماتو قتل .. الحب
ايمن: منار تقتلي على جالي
انا: هههههه بالاك شكون علابالوا
ايمن: ههه امشي
انا: ارواح نشوف منى خليتها ترعش
رحت عندها صبتها معنقة شمسو و تشهق .. رقبتها شوية مجروحة و يسيل منها الدم
انا: منى .. خلاص جازت رانا ڨاع معاك ..
شمسو: منار اقعدي معاها .. عندي هدرة مع داك الط***
انا: اقعد فما نتا تاني .. خلاص داوه و راح يخلص على الشي لي دارو..
شمسو: منار شوفي وش دارلها و تقوليلي اسكت
انا: بركا ما تخوف فيها جرح صغير .. دوك ندوها ل الكلينيك و خلاص .. ما توسخش يديك .. و ديجا ني ضربتو في بلاصتك
ايمن: ايا اركبي منار .. خلينا نروحو ..
ركبت قدام ايمن .. و رحنا ل الكلينيك .. لي تخدم فيها سلمى ..
من الباب شفتها واقفة و تڨسر .. كون ما تهدرش تهبل .. شافتنا جات تجري ..
سلمى: وش كاين #Manel
انا: والوا .. جرح صغير في رقبة منى ..
سلمى: يا يما .. ارواحي معايا ..
جبدتها من يد شمسو .. و هي لاسقة فيه
انا: يووه اطلقيه يضمدولك الجرح. و تولي ماراحش يهرب ..
تبسم شمسو و حك نيفو ..
دخلتها مع سلمى .. و عيطت ل الطبيبة
انا: سلمى .. ما تخدميش خدمة سواسة .. تضلي تهدري
سلمى: يا ختي انا سكريتيرة .. كملت خدمتي .. نقعد نشوف في الحيوط
ط: خلاص هاني كملتلها ..
ناضت تجري .. و خرجت .. تبعتها انا و سلمى .. لقيناها .. عند شمسو ..
انا: خلاص حتى ختها و ماكاش شمسو و برك .. عندها يومين كانت تسب فيه
شمسو: منار !!
انا: اوك ني سكت هاه ايا يا لالة .. معليش نروحو ل الدار ولا تباتي مع شمسو ..
تبسمت .. و بعدت عليه ..طريق كاملة و انا نفرك فيهم عليها ..
انا: و الله يا شمسو .. بلخف خلاك ما تحبييش تبعدي عليه
منى: منار خلاص .. و الله مازلت خايفة
انا: ما عندك علاه تخافي مدامني حية ما نخلي حتى واحد يقرب منك .. مفهوم
منى: اممم الله يخليك معايا دايمن
انا: امين ..كي تسقسيك ماما قولها طحت و لا كون تسمع واش صرا ديرلنا فيلم هندي يخلاص ف السبيطار
منى: هههه اوك ..
لحقنا ل الدار .. من الباب .. شافت ماما منى .. ناضت تندب و تعيط ..
ماما: يا وخذتي وش صرالها ختك
منى: والوا طحت برك
ماما: تتمسخري بيا كيفاه طحتي هادي .. طيحي على رقبتك
منى: حتى انا و ما فهمتش كيفاه .. المهم ماشي جرح كبير .. حاجة خفيفة
ماما: و مازالت تقول حاجة خفيفة .. خفو بدلوا حوايجكم و ارواحو تاكلوا .. تكونو جيعانين
انا: ني ميتة بالجوع نبدل و نجي
منى: انا تاني ..
تعشينا .. و طلعنا نريحو من العيا .. شوية و عيطلي .. ايمن
انا: الوا
ايمن: واجدة !!
انا: ل واش
ايمن: باش تولي خطيبيتي رسميا
انا: ايه مزال نهار الجمعة
ايمن: منار
انا: اممم
ايمن: غدوة الجمعة
نضت من الفراش و تعدلت في قعدتي
انا: ايمن صحح
ايمن: و الله
انا: التهيت بالخدمة نسييت كامل ما وجدت والوا حتى وش نلبس .. و حالتي .. ني نخوف من الخدمة بزااف .. و لازم و لازم ايمن تعيش زيد اجلوا
ايمن: ما نأجل والوا .. و ماما و يماك وجدو كلش .. و حوايجك .. غدوة صباح افريها .. يخي الحفلة عشية كامل
انا: علابالي ما يكفينيش الوقت ..
ايمن: دبري راسك .. كانت في يدك سمانة
انا: بصح الخدمة
ايمن: انا تاني عندي خدمة بصح ما نسيتكش منار .. هدا النهار كنت نستنا فيه ب فارغ الصبر
انا: انا تاني و الله بصح برك مخي كان مخلط
ايمن: منار بونوي .. غدوة نتلاقاو
انا: ايمن
كوبا عليا .. و انا قعدت نغزل و منى تضحك
انا: بلعي نتيا تضحكي باش تفكريني لالا
منى: نتي تاني اي طفلة تبدا متحمسة و تستنا ف هاد النهار .. و نتي نسيتيه .. تقول راح يزوجوك بسييف
انا: اسكتي قالوا بسييف اففف وش يفوتلي نهار غدوة
منى: منار ف الحقيقة
انا: واش
منى: شريتلك روبة .. معلاباليش تعجبك ولا لالا .. بصح كي شفتها تخيلتها عليك .. قلت بالاك تحبي تلبسيها ف الخطبة ..
انا: سواغي ؟!
منى: امم
انا: وريهالي
منى: اوك
.. وقفت ل الخزانة .. جبدت روبة طويلة ف vert تهبل .. بيد وحدة .. و فيها فلقة حتى الفخض
انا: تهبل منى
منى: مزية عجباتك تلبسيها
انا: وي باينة نلبسها ..
منى: هاكي تهنيتي من الروبة .. وش يخص
انا: الحفافة يا منى ما ديت حتى رونديڤو
منى: علاه تحوسي على الحفافة و انا هنا
انا: نتي؟! 
منى: امم انا نتهلا فيك غدوة نتي ارقدي و ما تخميش
انا: اوك وعلاه لالا بصح من دوكا نقولك الماكياج بزاف نو
منى: علابالي تهناي
انا: اوك مالا بونوي
منى: بونوي #Manel