كرونيك:🔥🔫عقدة _رجل🔫🔥

🔥78🔥

الحلقة 78 :
علاه عييشني ف دوامة .#Manel. نتمنا من كل قلبي يتقهر و يحس كيما انا راني نحس دوكا .. فهمنا .. مراحش يقدر يزيد يمشي .. تقهر من هاد الشي .. مكتوب ربي .. و انا وعدتو نبقا معاه .. هو لي راح و خلاني ماشي انا .. علاه يحوس عليا بعد ما دمرلي حياتي .. بصح و الله و نتواجهو .. راح نخليه يندم .. نحبو و ماراحش ننسا حبو بين نهار و ليلة .. بصح ما يعيشش مهني لي يعفس عليا ..
نضت صباح .. عيانة .. و قلبي يدور .. عينيا منفخين من البكا .. هدت عليا فوفة و انا نماكيي
فوفة: اففف منك م الصباح و حنا نستناو انا تأخرت بزاف
انا: بلعي ني جيت خلاص 
رفدت بوشاتي .. و هبطت .. تلاقيت مع مريم و رؤى .. جات ليا رؤى تجري عنقتني ..
رؤى: منار
انا: رؤى علاه ماجيتوش عندي الباراح
رؤى: مريم ما حبتش
انا: اه مريم علاه
مريم: ما نقدرش طاطا ماتحبش
انا: قتلك ارواحو عندي وينتا تحبو و ما تحوسيش على مرت باباك
مريم: نشا الله
فوفة: منار #manel
انا: ني جيت عشية ارواحي عندي تشربو قهوة اوك
مريم: اوك
هبطت .. خدمت الطومبيل .. وصلنا فوفة ل الفاك قبل
فوفة: اففف دوك منين ندور يمشو معايا دوك الرجاال
انا: لازم خفي روحك و تهربيلهم نكرفسلك وجهك
فوفة: افففف اوك
هبطت .. و رحنا انا و امال ل الشركة .. هي ديراكت عند اياد .. و انا رحت ل بيرويا .. بيرو متحفن .. و يطل على برا .. عجبني بلاصة كالم تهبل .. اصلا خدمتي هنا مزيفة غير باش نبقا قدام امال .. و كاش ما نقدر ندي معلومات .. و نعرف هاد العبد لي يهدد عمو احمد ..
بقيت متكية على الكرسي و نخمم .. معرفتش نركز اصلا مع المهمة لي عندي ..كي استقلت علابالي بلي ماراحش نكون مفيدة في حتى شي.. مع هاد الحرقة لي في قلبي .. ماراحش نقدر نفكر في حاجة ب غير غدرة ايمن .. بقيت فما .. حتى وقت الفطور هبطنا .. فطرنا كيف كيف .. و ولينا .. كل واحد حاكم بيروه .. الربعة عيطتلي فردوس نروح نديها .. خليت امال مع اياد يوصلها .. و رحت ليها .. ديتها و رحت ل الدار .. شوية و جاتني مريم .. و رؤى .. زوج بنات عسل .. حتى من مريم دخلت ف الجو مع فوفة .. قعدو معايا شوية و راحو .. شوية و جات امال .. و معاها اياد ..
انا: اياد فوت
اياد: لالا نستناها هنا
انا:تستناها
اياد: ايه رانا خارجين نتعشاو برا .. و نسهرو
انا: اه اياد راك عارف وش كاين بالاك عليها
اياد: ف الحفظ و الصون
انا: اوك .
خرجت امال واجدة .. و راحو .. قابلت فوفة ف الصالون ..
بقات تنفخ و تعاود .. خزرت فيهااا
انا: وااش
فوفة: علاه هي خرجت و حنا نبقاو هنا .. اععع منااار كرهت حابة نسهر في بواطة .. و نشطح حتى ل الصباح
انا: شدي بلاصتك قالو تشطحي
فوفة: مناااار مناار .. هيا تعيشي هيا خلينا نخرجو
انا: لالا
فوفة: اوك نخرج وحدي
انا: اقعدي فوفة
فوفة: لالا انا نخرج. تحبي تجي هيا تحبي نو دبري رلاسك لا قتلوني في رقبتك ..
انا: افف اوك وين نروحو باش نعرف وش نلبس
فوفة: البسي حاجة تاع سهرة
انا: اوك
دخلت نخرب و نشوف وش نلبس .. حتى انا خاصتني خرجة .. ننسا فيها .. همي .. و ما نخممش في داك الهم .. و في واش راه يدير .. جبدت روبة كحلة .. طويلة .. و عريانة كامل من الضهر .. صنديلة غوج .. طلقت شعري .. رفدت بوشاتي و خرجت ..
غير شافتني فوفة .. ناضت تصفر
فوفة: واااو وش هاد الزين ڨاع
انا: هنهه ني نورمال امشي نخرجو .. جعت
فوفة: هههه اوك هيا ..
خرجنا نضحكو انا وياها..ديت طوموبيلتي و رحنا قبل ل ريسطو شباب .. تعشينا عشا الله الله  .. و رفدنا رواحتينا .. رحنا ل بواطة .. معمرة .. الحس و العياط من الباب .. اول مرة في حياتي ندخل  ل بلاصة كيما هاديك .. الناس تشطح .. و ناس تشرب .. .. حكمنا طابلة متركنة.. وقعدنا .. شوية و جا السرڤور .. قالنا لا نشربو حاجة .. جبنا ل الزوج جو .. خالي من الكحول .. ناضت فوفة تشطح .. و انا محبيتش نوقف .. بقيت نشوف فيها حتى صونا تيليفوني ..صبتها منى .. ڨاع ماشي وقتها
انا: الواااا منى عيطي باش نسمعكك
ايمن: منااار رب* وين راكي وش هاد الحس
جمدت في بلاصتي من صوتو الرجولي .. صوتو لي نعشقو .. و نذوب فيه .. بصح عايفاتو هاد المرة .. خذيت نفس جمعت قوتي و هدرت
انا: وش دخلككك فيا وين راني .. راني زاهية بلا بيك .. اخطيني نتا خرجت من حياتي ب ارادتك .. و دوكا نا راح نخرجك منها نكرهك نتا واحد رخيس و مريض..
ايمن: منااار ما تهبلينيش الر* وين راكي دوكا
انا: في بار .. نشطح .. وش راح دير
ايمن: وشنووو !!!
انا:و الله لي سمعتو و دوكا باي .. حتى النومرو و راح نبدلوا .. و ادا جيت راجل القاني ..
ايمن: مناار
قبل ما يكمل كوبيت عليه .. نحيت البوس .. و كسرتها .. شفت السارفور فايت من قدامي .. عيطتلوا .. نحيتلوا ڨاع السنيوة .. نشوف في كيسان صغار قدامي .. رفدت اللول جاني حامض بزاااف بصح بلعتو ضربة وحدة#Manel