كرونيك:🔥🔫عقدة _رجل🔫🔥

🔥73🔥

الحلقة 73:
بقينا ساكتين ف الطوموبيل .. يسقسيني غير كي ما يعرفش الطريق .. لحقنا عند الباطيمة .. حبستو .. دار ليا مستغرب
امير: تسكني هنا
انا: اممم
امير: متأكدة
انا: وي وشبيك
امير: امم اوك
ڨارا الطوموبيل و نزلنا
ركبنا ف الاصنصور .. كليكيت على الطابق السابع دار ليا يضحك
امير: السابع هههه
انا: وشبيك نتا هبلت وقيلة
امير: هههه والوا ..
سكت لحقنا ل الدار .. خرجت من الاصونصور.. و هو يتبع و يضحك و انا حايرة فيه  فتحت الباب .. و درت ليه ..
انا: ادخل
امير: مدام ل حقنا ل دارك ..(ضحك) معليش ندخل ل داري .. (و دار بيدو ل الدار لي مقابلتني )نبدل حوايجي و نجي نشرب قهوة عند جارتي ..
بقيت نخزر فيه و نتبسم كي البهلولة
انا: تسكن هنا
ايمن: اممم
انا: بصح داك النهار خرجلي راجل وحدوخر و
امير: كان هنا خدام . باسكو كان عندي بروبلام ف الما .. يمكن هو خرج كي ما كنتش هنا
انا: اهه اوك .. بصح نتا وحدك كون ماشي شوية نقول راه يتبع فيا
امير: بصح نتي جيتي مورايا ماشي انا اه
انا: هههه هادي لي تحير ايا بدل و ارواح نخليلك الباب مفتوحة
امير :ف الحين
دخلت رميت البورطابل و المفاتح ف الصالون و دخلت ل الدوش .. درت دوش بارد نحيت فيه ڨاع الطاقة السلبية .. و لبست الكاب و خرجت .. دخلت ل بيتي نلبس حوايجي .. سمعت البورطابل يصوني .. رفدت روحي و هبطت ل الصالون .. نمشي و نشوف ف الما لي يقطر ف الارض .. دخلت ل الصالون .. رفدت التليلفون .. لقيتها منى .. درت تكيت على الطابلة .. بش نهدر .. رفدت راسي نشوف في امير مقابلني.. عينيه محلولين طلقت التيليفون .. و حطيت يديا على الكاب نهبط فيه من التحت .. خاطرش قصير بزااف .. نهبط يبان كلش .. جوزت يدي لخرى على صدري و زيرت على الكاب .. نشوف فيه وقف و جاي ل عندي زدت تشوكيت ..
انا: ا .. امير جيت  .. دقيقة نلبس و نوجد القهوة و نجي ..
جوز يدو على شعرو و تبسم ..
خرجت نجري .. من التبهديلة لي حطيت روحي فيها.. لبست جبة تاع دار مستورة و طويلة مانيش عارفة منين جاتني المهم .. لميت شعري طوماطيشة.. و خرجت .. رحت ل الكوزينة درت قهوة .. نحاول  ننسا الموقف لي تحطيت فيه قبيلة .. سمعت حس عياط .. و سبان ب الدارجة.. طليت نشوف .. نلقا طفلة صغيرة يجي في عمرها 10 سنين هكا .. رافدة طفلة اصغر منها عمرها خمس سنين هكاك و تنفضلها في حوايجها و تعيط على طفل فما
*****: حيوان ماشي مربي شوف قدامك خطرة اخرى الطفل باين يخزر و مافاهم والوا من هدرتها .. تبسمت و انا نشوف فيها كيفاه حارصة عليها تخيلت روحي معا منى هكاك .. بصح ضيعنا طفولتنا بعاد على بعض ..
انا: ماهوش يفهم عليك
طفلة: علابالي مانيش حمارة
انا: جيبي ختك و ارواحي عندي
طفلة: علاه ما عندناش دار
انا: عندكم بصح شوفي دم راه يسيللها جيبيهالي نضمدلها الجرح
طفلة: اوك ..
رفدتها على ضهرها .. و دخلت .. فتحت الباب نستنا فيها ..
لحقت شديتها عليها رفدتها و ديتها ل الصالون ..  حطيتها قدام امير شاف فيا مستغرب ..
خرجت جبت بوات فارماسي .. و جيت .. قعدت قدامها درتلها دوا .. و نلفلها ف البونداج .. ختها مقابلتني على الطابلة
طفلة: بلعقل عليها وجعتيها
انا: دوا يحرق شوية .. وسمك نتي يا صغرونة
***:رؤى
انا: اممم اسمك شباب .. و نتياا
مريم: مريم
انا : خواتات ؟!
رؤى: لالا
مريم: ايه
انا: فهمو روحكم
مريم: خواتات
رؤى: لالا جابوني من برا انا شي ختها
مريم: رؤى بلعي
امير: منار انا ني خارج القهوة خليها ل من بعد
غمزني و راح احسن تهنيت منو ..
درت ل البنات
انا: رؤى هادي ختك ماشي مليح تقولي هكا اوك
مريم:علابالها ما تخافيش هيا نروحو
انا: مدام دخلتو و حاوزتو صديقي تشربو معايا قهوة
رؤى: نشرب جو عندك
انا: كاين و كاين بيسكوي تاكلي
رؤى: اييه
انا: و مريم
مريم : لالا
انا: اوك دوك نجيبلك ..
رحت جبتلهم .. و قعدت مقابلة مريم المشنفة ..
انا: وين تسكنو
مريم: تحتك
انا: معامن
مريم: بابا و مرتو 
انا: و ماماك
مريم: معلاباليش وينها
انا: اه اوك و مرت باباك مليحة معاكم
مريم: اممم ايه
رؤى: لالا تضربها دايمن هيا .. و انا متعطينيش عشا
انا: صح ..
مريم: لالا
انا: رؤى صح
رؤى: و الله
انا: و قلتو ل باباك
مريم: تكذب عليه و تسمملوا افكارو
انا: تهبطو ل داركم من اليوم ترفد يدها عليك .. و لا تخليها بلا عشا تطلعي ديراكت ليا مفهوم ..
مريم: لالا حياتنا و نتخطاوها وحدنا
انا: معندك علاه تعاني في وحدة رخيسة شوفي انا محققة ف الشرطة و نقدر نعاونك بزاف .. قوليلي  برك
مريم: ما نقدرش
انا: تعيشو مريومة اوعديني تجي عندي ف اي مشكلة
مريم: بصح
انا: اوعديني
مريم: وعد
انا: هكا مليح .. ايا تقراو نتوما
مريم: اممم نقرا ف High school
رؤى: و انا ف لاكراش و الله
انا: هههه يا عمري نتيا امنتك
مريم : لازم نروحو حنا بابا يتقلق#Manel