Unicode
ဝန်းရံခထွက်သွားပြီး နာရီဝက်အကြာတွင် ခွန်းဆက်သွင်လည်းနိုးလာလေသည်။ အေးမြသောမနက်ခင်းလေးတွင် ချစ်ရသူနဲ့အတူနိုးထရန် အိပ်ယာဘေး၌ ဝန်းရံခများရှိမလားလို့ လက်ဖြင့် လိုက်စမ်းလေသည်။
ဝန်းရံခကိုမစမ်းမိဘဲ အေးစက်တဲ့ အခင်းပြင်ကိုသာစမ်းမိလေရာ
"အယ်...သူအစောကြီးဘယ်ရောက်သွားတာလဲ...မဟုတ်မှ မနက်စာပြင်နေလို့များလား..."
မီးဖိုချောင်ထဲမှာများရှိနေမလားဆိုတဲ့ အသိစိတ်နဲ့ မီးဖိုချောင်ထဲဝင်သွားခဲ့သည်။ ဝန်းရံခမရှိပေ။ ခွန်းဆက်သွင်သည် ဒေါသလည်းထွက် စိုးရိမ်စိတ်တွေများလာလေသည်။
"စိတ်အေးအေးထား...သူစျေးသွားတာနေမှာပါ...ခဏနေပြန်လာလိမ့်မယ်...ဟုတ်တယ်...ငါတို့အလည်သွားထားတာ ရေခဲသေတ္တာထဲမှာ ဘာမှမရှိဘူးလေ.. အာ့ကြောင့် သူသွားထွက်တာနေမှာပါ..."
ခွန်းဆက်သွင်သည် ဂနာမငြိမ်ဖြစ်လာပြီး စိတ်တွေမွန်းကြပ်လာလေသည်။ သူ့စိတ်သူပြန်ထိန်းပြီး ဧည့်ခန်းထဲရှိ ဆိုဖာပေါ်၌ထိုင်ချလိုက်သည်။ ထို့နောက် နာရီကိုသာတစ်စိမ့်စိမ့်ကြည့်နေပြီး ဝန်းရံခများပြန်ရောက်လာချိန်ကိုသာ စောင့်နေသည်။
တစ်နေကုန်ပြီး ညနေရောက်သွားတဲ့ထိအောင် ဝန်းရံခရဲ့အရိပ်အယောင်တောင် မတွေ့သည်နှင့် သူတို့အိပ်ခန်းကဗီရိုကို အားကြီးနဲ့တွန်းဖွင့်လိုက်ရာ ဝန်းရံခ၏အင်္ကျီတွေ တစ်ထည်မှမတွေ့တော့။
ထိုအခါ ဝန်းရံခသည်ရှော့ရသွားပြီး
ဖုန်းကောက်ကိုင်ကာ သူ၏လက်ထောက်ကိုဖုန်းဆက်ခေါ်လေတော့သည်။"ဝန်း...ဝန်းရံခ....ဝန်းရံခကိုရှာ...အခုချက်ချင်း...
ရှာ...တွေ့အောင်ရှာ...."တုန်ယင်နေသောအသံဖြင့် အမိန့်ပေးပြီး
"မင်း...ငါနဲ့တူတူပုန်းတမ်းကစားမလို့လား...ငါ..ငါ..မင်းကို...အနိုင်ကျင့်ခဲ့လို့ မင်းစိတ်ဆိုးနေမယ်ဆိုတာသိပါတယ်..ဒါကြောင့် မင်းက ကစားမလို့လား...စိတ်မပူပါနဲ့...ငါမင်းကိုတွေ့အောင် ရှာမှာပါ...ရှာလို့တွေ့ရင် ငါ့အနားမှာဘဲ အမြဲနေနေရမယ်နော်...ဝန်းရံခ.."
YOU ARE READING
Esthesia One Shot Collection (Part-3)
RandomBl, Yaoi, Short Fictions, Both Unicode and Zawgyi