Alarmတွေမရှိတဲ့ မနက်ခင်းမျိုး
Expressပေါ်က ဘော်ဒါတွေရယ်သံများ
အတွေးမရှိတဲ့ ညနက်နက် ၁၂နာရီတစ်ခု
ရုပ်ရှင်ရုံက Popcornအနံ့လေး
အောင်စာရင်းကြောင့်ပြုံးနေတဲ့ အဖေ့မျက်နှာရယ်
မိုးရာသီရဲ့ ပထမဆုံး မြေသင်းနံ့
1st Dateရဲ့ သူ့အပြုံး
ကိုယ့် ဟာသတွေကို နှစ်ခြိုက်ကြတဲ့ စကားဝိုင်းတစ်ဝိုင်း
လျှော်ခါနီး Jeansထဲက ပိုက်ဆံတစ်ထောင်တန်
ကျက်ထားတာတွေပဲပါနေတဲ့ Question paper
Stateကျောင်းရဲ့ ထမင်းချိုင့်ပူပူ
မိုးပေါက်သံတွေနဲ့ စောင်ထူထူ
ရတားတစ်စီးနဲ့ ခရီးသွားခြင်း
ပြတင်းပေါက်ဘေးခုံနဲ့ နားကြပ်နှစ်ဖက်
အဖျား၁၀၃ နဲ့ ကြေးအိုးတစ်ပွဲ ကော်ဖီတစ်ခွက်
သစ်ရွက်ခြောက်အပြည့်နဲ့ ဆောင်းရာသီလမ်း
ညနေခင်း အဆာပြေသရေစာ
ဘီယာတစ်ဆွဲနဲ့ လပြည့်ည
မပူအိုက်တဲ့ canteen
ကျေနပ်မိသော ဆံသဆရာနဲ့ ဆံပင်ပုံစံ
ဝက်ခြံမရှိတဲ့ လ အနည်းငယ်
အကြိုက်ဆုံး Seriesကို နောက်တစ်ခေါက်ပြန်ကြည့်ခြင်း
တုတ်ထိုးဆိုင်က အပိုပေးတဲ့ ၃၀၀ဖိုး
စာအုပ်သစ်ရဲ့ ပထမဆုံးမျက်နှာ
သီချင်းတစ်ပုဒ်ကို စ ကြိုက်မိတာ
ဝတ္ထုတစ်ပုဒ်ကို စီးမြောသွားခြင်း
ငယ်ငယ်က ဓါတ်ပုံ Albumတွေ
STEAKKKKKKKKKK
နေ့လည်နေ့ခင်း အိပ်စက်ခြင်း
ပြုံးမိတဲ့ အိမ်မက်တွေ
ဆုရတဲ့ မုန့်ဖိုး
Buffetဆိုင်သို့ အဝင်ခြေလှမ်း
ရေးလို့ကောင်းတဲ့ Ball Pen
လက်တည့်စမ်းတဲ့ဟင်း တစ်အိမ်လုံးကချီးကျူးကြတဲ့အခါ
တောင်ပေါ်ဒေသရှုခင်းရယ်နဲ့ နှင်း
ပင်လယ်ရနံ့ရယ်နဲ့ လှိုင်း
အလုပ်မရှိတဲ့ မိုးသည်းသောမနက်
နောက်ပြီး "မင်း"
