အမက ကျွန်တော့်အတွက် ခရမ်းရောင် lilac......
Forget me not ပန်းလေးရဲ့ ပုံပြင်ကြားတော့
အမငိုတယ်
ကျွန်တော့်ကိုတော့ အမက မေ့ထားတယ်
အမက daffodil ပန်းလေးတွေကိုသဘောကျသလို
ကျွန်တော်ကလည်း အမကို ချစ်တယ်
ဆောင်းဦး ရောက်ရင် ဂျပန်မှာ Mapleပန်းတွေသွားကြည့်ချင်တယ်
အမအပြုံးလောက် မနွေးထွေးမှာလည်းဆိုးတယ်
မြို့မဈေးမှာ သစ္စာပန်းတွေ ကျွန်တော်ဝယ်ပေးတော့ အမကမေးတယ်
'ဘုရားတင်မလို့လား မောင်လေး ' တဲ့
Gladiolus ဟာ အရူးအမူးချစ်ခြင်းကို ကိုယ်စားပြုကြောင်းတော့ မပြောပြဖြစ်လိုက်ဘူး
Jonquil ပန်းလေးကိုင်ပြီး အမ ကျွန်တော့်ကို ချစ်ပါ
ကျွန်တော်ဟာ ဒီလို ချစ်ခွင့်ပန်ခဲ့
'ယောက်ျား လေးဖြစ်ပြီး ပန်းတွေ အဲ့လောက်ကြိုက်ကလား ကောင်လေး 'တဲ့
အမ ထက်လှတဲ့ ပန်း မတွေ့ဖူးကြောင်း ပြောရင် အမက ကျွန်တော့်ကို လှောင်ဦးမယ်
အဖြူရောင် Daisy ကျွန်တော့်မမ
နွေဦးရောက်တော့
အမက ကျွန်တော့်ကို အဝါရောင် Carnation ပန်းလေး လက်ဆောင်ပေးတယ်
ဒါဟာ အမ အဖြေတဲ့
ပန်းတစ်ပွင့်နဲ့ ကျွန်တော်ဟာ ကမ္ဘာ ပျက်တယ်
