رغم نار الحب

البارت السابع

" مو عجيبه
اتموت كطرة نده بخد الياسمين " .
.
.
" وأنا وين ؟ وأنتي وين
انا لحظة
اشجابها ..؟ اللحظة تدك باب السنين ".
.
.
" حلاتج وركة البربين
تهواج الشفايف . . . حلوه تنباسين
جنج خد ".
.
.
ابابك طحت
ها . . .
كمت
ضميت اديه
وردت عالباب بالروح ادك " .

رفعت راسي متفاجئه احس كلبي بدت دكاته تنسمع
جدي يريد يموتني واني عايشه

أمين وجهه وتعابيره وطول الكعده منصي ومارفع راسه
عمي كال والله والنعم من بنات اخويه واحب الكلبي وداد اصير جنتي

عمي باقر كال بعد وكت انطوهه مجال تفكر

جدي التفت ليش بويا هي بيه تفكير ابن عمهه وراده مايحتاج تفكر تلكه احسن منه صيدلاني واخلاقه تسوه
كل الأجوهه

بيبي كالت يوم المنى وازوج احفادي اني مأيسه من الكبار على الاقل نزوج الصغار ونفرح بيهم وبخلفتهم

جدي والله لو ميهر جار عدل جان سويتلهم عرس واحد
بس ذاك سرسري وين العوجه يسويهه

عمي كال يابا انت هم على كيفك وياا شاب وتدري بي من زمان يدك على طلعت البيت

كله اني شرايد غير لمتهم يمي واذا مضايقهم البيت هل اشتريت البيت البصفنه وافتح الحايط البينه وهيج همه داير مدايري

ملتهين يسولفلون ويخططون أمين رفع عيونه باوعلي قريت بيهن عدم قبوله ومبين شعوره من شعوري 

ماتحملت اسمع حجيهم كمت وكفت اريد اصعد راح انفجر من الضغط بس وكفت جدي دار عليه جدي فكري زين وانه وله عمج او بيبيتج نريدلج الزينيه

هزيت راسي وصعدت ركض بس طبيت كعدت واني بين الصدمه بين القهر اريد اعيط جريت المخده خليت وجهي بدن دموعي تنزل

شلون بيه ليش هيج يسون سمعت سدت باب رفعت راسي ورد

اجت كعدت بصفي

كافي وداد بعدج بدايت الطريق وتكدرين ترفضين

وين اكدر ارفض مشوفين جدج مقرر عود شنو جاي ياخذ رائي ثقي دينطيني علم ولازم اقبل نزلن دموعي

كالت تره تكدرين اضلين مصره على الرفض وهمه اكيد ماراح يغصبوج وامين مبين ماقابل

ههه دسكتي هذا طلي يمشي وره جدي شيريد حتى من اختاروله الجامعه كله روح صيدله وهوه راد اسنان
وركض قدم صيدله شتحجين انتي

الله كريم لاتشائمين يجوز منا الباجر الف حلال يحلهه

فهميني هسه شسوي هذا بس يعرف يتخبل

اسكتي هسه ونشوف كم يوم وهم ينفتح الموضوع

ثاني يوم لازمه الجهاز وصلتني رساله

فتحته قيس موديلي ليش مختفيه شصار يمج

ضليت بحير رحت الورد لكيته جوه بلمطبخ امي من جدي فتح موضوع امين ساكته عني مااعرف شنو فلمهه