رغم نار الحب

التاسع والثلاثون

ودي ابوگن جسمي وأبعد ،
ودي افك باب السنين السودة وأشرّد .

بگد المعاتب يا عزيز الروح
اهليلك واگولن جيت.

رانيه __ البيت ازلز الكل صيح دخلنه استنفار
عمامي ابويه جدي الوجهه شحب

الف حسبه وحسبه امي دموعها على خده لو عمتي
خوله الي طاقته خلصت يمكن تموت هلمره

بيوم وليله تنكلب الموازين
مهدي مثل اي شاب قبل شهرين
زواجه عريس اخذته غيرته

هوه ومجموعه من الاطباء
بيوم الشافو الوضع يطلب يدخلون
ويساندون اخوانهم بلحشد والجيش
مترددو اتبرعو وجهزو مستلزمات
طبيه وملابس وأكل

جدي من سمع كله بارك الله بيك عفيه ابني
سبع روح وارجع

رغم يعرف الطريق خطر خط بغداد كركوك
ضل مصر لمى حجة تعاركت قافل

اجانه اتصال اربعتهم الدواعش حاجزيهم
خلونه نضرب اسداس بأخماس

لمى تعيط شكد حاولت اهدئه ماكو اني الوحيده
بيهم مسيطره على روحي رغم حزني وكلبي
يتكطع عليه ممأذي احد ماانسه حركاته وضحكه

وشخصيته المرحه يملي الجو مرح محبوب
مكان يبين حزنه انصدمت بيوم السمعت يحب
خسر البنيه بلأحرى هي الخسرته
وضيعته من ايديه

اسبوع مره عمامي على اتصال ويه الضباط راح
ابويا وعمي باقر قريب المكان الي اخذوهم

ملكو اثر الهم بس السياره وغراضهم

كل رنت جهاز كلبنه يوكف كل خبر يصعدنه
للسمه وينزلنه للارض

كلنه دخلنه بصراح عمتي خوله تخبلت
وداد ورد اشوفهن ميتات على ساعه
ورد تفقد جنينه من الهبطات

رنيم ماكلنالها لحد مسمعت من ورد
خابرتنه تصيح ليش ماكتولي

امي كالتلها شنكلج عيوني بس بتج
كافي عليج نزيد همج هم

كوه قنعناها متجي

سبوع يجر اسبوع ماكو نتيجه جدي سكره
يصعد وعمي باقر وامين يحيرون بي
من طبيب الطبيب

الخبصه الصارت الوضع المر بينه منتمنا للعدو
كلبنه تفطر لمى تنحب وتصعد فوك

شهر مر كاهين روحنه عمامي كل حيل ماضل عدهم
حتى مفرحو بيتهم بيبي اجت تنجلط

عمتي خوله كعدت على رجليه كامت متكدر تتحرك
خطوه وحده على العربانه وداد حايره بيها

نفسيتنه تعبت ابويا كام ميطيق يدخل للبيت
جهالي بدو يكبرون كمت مااطلعهم احبسهم بلغرفه
بلا صوت ليضوجون احد محد متحمل احد

بيبتهم وعمهم كل فتره يجون خالتي كطعت بس
بارق يشوفهم كل نزله يجيب ملاعيب وحلويات
ويخليلهم مصرف رغم ابويا ميقبل ياخذ منه