ورد __ يوم عن يوم اكتشف شي نهاد انسان جاد عقله اكبر من احلامي يمشي وكل خطوه يفكر ليش خطاهه
همساته بليل متتعده احبج مريتي كملتيني بعد مااكنت نصف انسان ماافتهم شنو يقصد
شهر مر وطلعنه مره وحده اتعشينه ورجعنه اكتفه بلمست ايدي طول الطريق ماتركه قبل ماانزل باسه
سلم على جدي وطلع كم مره اتنهد واهمس تعال على عشه يسكت ويرد مو وكته مسويتلك فلان اكله من تجين يمي دلليني بأكلاتج
اسكت ومااعرف اعتراضه على جيت للبيت مومثل المخطوبين سفرات ونسات وضحك
ضحكنه من يذكر وكاحتي يشبع ضحك ويردد فدوه الحلكج هيج كوني ويه الكل بس يمي اريدج ورده
ستوه مفتحه اني بس الاشتمهه واقطفهه
اخجل بلاوصاف اليدلعني بيه مجاب سيرت البدله ولا علق اكول معقوله معجبه ترتيبي
اضطر اخابر رانيه بعده بحزنه يجوز تنصحني يجوز توعيني سمعت مني واني رايحه مخليت شي بكلبي
...كالت وردايه لضيعي مدام حبج بكلب معناهه يسوي كلشي على مودج هذا يحب روحج كبل جسمج
يعني عفيه رانيه اني ماافتهم بهيج امور علميني استقبل اريد اكون بمستوه عقله افهمه بدوم كلام
...اي عيوني انتي ميحتاج تفهمي هسه وتعبين نفسج بلعشره راح تحسين حتى بلنفس اليتنفسه اذا كان الج او الغيرج
صدك
...اي وعيونج ورد حافظي عليه كون اله بس بكرامه بحب مو طاعه وتنفيذ اوامر لا خلي الحب يسيركم لا سيركم الرغبات علمي عليج وعودي
همست عمتي نفسج نفس حجيج
.... حسيته بجت امي
يااا عفيه لتبجين رانيه بعد مااخابر
...عادي وردايه المهم سلميلي
يوصل سديته مطمأنه
رنيم ___ الي ٦ اشهر الجو بده يبرد كاعده بلغرفه مكابله الشباك اذكرت من رحت للطبيب وعرفت بيه بنيه عمتي اول مسمعت كلبت وجهه روناك
تهز بيده درت وجهي مهضومه واذا بنيه شبيه
نزلت وقت مغربيه طبيت للمطبخ كلهم ملتمين سيروان وروناك وسولاف بس أفين بلغرفه
والصوبه بلنص ويسولفون طافيه الكهرباء
رفعت راسه روناك شافتني التفتت لسيروان
كالت إله سيروان من هسه اكلك باجر عكبه مرتك تجيب مريد اي احد يجي النه
التفت متفاجئ كله خير روناك سامعه شي
كالت لا مسامعه بس جاي انبهك من هسه
منريد لا أهلها ولا غيرهم
دار عاقد حواجبه بسرعه وجهه صار احمر عرفته ضاج
سكت دقايق عافه وصعد حتى محجه غير هاي الحجايه
YOU ARE READING
رغم نار الحب
Randomبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
