ورد__ وكفت ادردم اليوم المناقشه عليه مرتبكه
اتلمس وجهي عركان سمر كالت شبيج حتموتين عادي اني مو ناقشتكم وهذا حسين كام يطلعلي اسأله من جوه الكاع
انتي متمكنه اني هستوني شفت الماده
...يحضي هنه الاوراق بيدج ماكو مشكله اذا نسيتي باعي بيهن
وهذا
...شعليج منه كانو ماموجود هوه منا يدور عليج التحاريف
لج عيني والله موتني شيريد مني
...هذا يطلع حيف السان المديتي شبر عوفج منه والتهي بلماده
دخل الكل اتوجه لمكانه بلش يشرح كنت منتضره دوري
خلصت المحاضره بقه يسجل الحضور
سمر دارة عليه اشرتلي شنو شو مكومج
سويتلهه ماادري كمل وكف يلم الاوراق كمل وطلع
لنص الدوام كاعدين نحل هموركات اجت طالبه ويانه كعدت
شهد..كالت شو بله شوفوني شحليتو عفيه نطوني
رفعت راسي سالمين احنه نحل وانتي على الحاضر
...وشكو بيه اني مااعرف احل
عود كعدي وتعلمي حالج حالنه
...هاشنو شكد نحسه شكومنه مابيه حيل احل
وانتي على الحاضر تاخذين تعبنه شهد تكعدين تحلين هلا بيج تتعلمين وتستفادين بلمتحان شيحلج لو واسطات حجيته برفعت حاجب
كامت متعصبه مولازم ست ورد مو اني الاتوسط الحمدالله بابا دكتور وماما استاذه ودخلوني بمعدلي اكدر اروح اهليه واعله جامعه
ضحكت بستهزاء اي بله
..نترت انت لئيمه وشايفه روحج عليمن
طكت دمارات وجهه عافتنه وراحت الولد حرف منطقو يباوعون عليه سمر تباوعلي متحسفه مهتميت اعرفه وحده كاضيته سخت وتجي على الجاهز سلم تستلم
رجعت للبيت تعبانه يومين ونمتحن بلهموركات اختصاصه وهلمره حاطته بعقلي اريد اشوف وين يوصل مخليت سؤال محليته ماكو معلومه ماقريته
واطبق
مهدي ساكت بعد اخر عركه مستحي من أمين عادته مابطلهه يطب غرفة ماهر ساعه ويطلع مرات اشوفه يدخن ويسمع اخاني اطباعه صارن نسخت اخو الجبير
ماهر تعافه وراه اخر انتكاسه اله العرفنا منقهر وصارت القهره بمعدته تقرح علاجات وزيارت اذا موواسطه منحصل كل كم شهر مره
بيبي صارله سبوع تلح نشيل من المنطقه تغير نحس انصابينه بعين نكسه
عمامي يصنفون وهي تكعد تدردم عليهم
وداد بيها وماتضعف صايره جلد وعضم حركتها الاخيره خلتنه حذرين جدي عرف حزام ولد عمي وعمامي شالو براميل النفط خلوهن بلمخزن وقفلو عليهن الباب
YOU ARE READING
رغم نار الحب
Randomبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
