رغم نار الحب

الثامن عشر

رنيم __انه تمنيت ليله وياك
بس ليله وأخلي أيدي على وجهك
وأغنيلك يَ وجه الخير ما اتحمل
آنه بلياك چَني أذبل.

وداد__-وأعزاز گلبي مشوا
وچم ليل مر يالليل
والعمر يمشي العمر
والحيل ماظل حيل"

ورد__هاي آنه الحضنتك ، لا تلّم روحَك
أضُمك بالگصايب ، عين لَـ تلوحك

رنيم__ تسحبت مختنكه ٣ ايام اعاني مااعرف شصرف بابا وعمي بسام يسألون وتلفوناتهم تشتغل بيبي مقابله بس متبين عمتي خوله متدخل

امي مسلمه زمام الامور بيد جدي وبابا روحي مفرفحه عليه اداوم بله واهس مجرد واجب اكضي وارجع

ادوره بين الصور كم مره بمره اتختل واصعد لمكانه الكعدنه بي اشتم ريحه مو ريحته ولا جكايره صافنه والمح كطف مدري اله مدري من الهوه جاي

مديت ايدي شلته نفس نوعيت جكايره ضليت لازمته صارن ٥ اشهر غايب لمحه مالمحتك اتخيل يفكر بيه يحن على شوفتي مثلي كاتله روحي عليه

كلبي يختنك واصبر نفسي تنزل دموعي مجرد اشتاقله شيهون علينه السبع سنوات هم يخلصن كانت اعظم امنياتي اغمض عين افتح عين خلصانات شيمشيهن سنه ولا سنتين

تمشي بيه الايام وبي وماقدري يقرب اشرد من غرفه الغرفه مره يم ورد اصعد وكتبي وياي تصفن عليه
وعيونه دمع  ادنك مخنوكه

تسكت متعرف تواسيني لو اصبر روحه

ليوم واكفه استلم ورقة الكوز من البنات ملتمات على ممثلة الشعبه اخذته ناجحه راجعت الاجوبه

لبنى وياي بنفس الجامعه بغير تخصص وياي تفتر سولفتله على ماهر هلكد بجت شافته بلصور ماتت على شبابه الراح يضيع من شوفني ضايجه جرني تاخذني للمول نفتر تغير نفسيتي

وصلت للبيت داافوت عمي باقر فات بماطوره شافني ضحك هاا زعتوره عقجت وجهي عمو متنسا

نزل وجر السويج ليش عمو شبي راهملج وصل يمي جرني جوه كتفه مشاني

طبينه يداهرني جرني من خشمي توجعت شاف بيبي دنك باسهه

صعدت فوك مجرد بدلت ونزلت يمهم للعصر واكفه اخدر الجاي وامي وبيبي كاعدات ينضفن دجاج

بابا وجدي بلطرمه خالين كراسي وبلوسطه ميز ويشربون جاي

كلمت صعدت اقره قسمي يرادله لغوه هواي حفظ واصوات اتعب

بين هوست الايام ماشية حياتي بملل روتين يومي
عزلة روحي تعبتني اشتياقي لصوته لمست ايده
تفرفح روحي عليه

المحهم يحجون بلولد وسألين وجدي مدنك ويهز براسه هاي المه
كفيله عيشتني مرارة المصيبه الخلاني بيها عصرت كلبي من ينذكر طاري

امشي واتخيله موجود افوت للقسم اصنع اجواء بمخيلتي هيج حيكون تصرفه لو شافني ينتضرني باب القسم يخابرني ويكلي يله نطلع نفتر ندخل مطعم