لون بوصافك اتعشگ
جبل من الصبر يشهگ
تحن يمته شوكت
وجه الثلج يعرگ
تلمست الجرح بالليل
واليم الضوه ادنيت
ردت اعرف نتل لو شگ
سمعت الروح ونت بيه
رانيا_ شي تكسر داخلي شكد بينت
غبيه من البارحه واليوم كاتله روحي
واحضر والمع
درت وجهي خالتي نبت
_هاا خاله كلت اليوم تجرها لليل وينج
اخذتني النومه
_ديله يمه حضري العشه رجلج
ستوه نازل تعبان
هزيت راسي مابينت شي
بس داخلي يفور مباوعتله
بعد بس نزلت رقو راحتله
وكفت على الطباخ طلعت
كبه كليت وياها بيتنجان
ثرمت زلاطه
كل هذا اسوي وهوه وراي
على كعدته متحرك احس
بنضراته من خلال فضل يحاجي
ميرد عليه لحد ماابني صاح باباااا
كله هااا شبيك ولك لصيح
فضل يكله بابا اصيحك متجاوب
_تعال شتريد حبيبي
ضلو يسولفون وهوه يسكت شويه
ويرجع يصفن شلع كلب فضل لحد
مكام منزعج اجاني جر ثوبي
درت عليه ها ماما
كال شوفي ماما رسمي
باوعتله يااا كلبي الله شكد حلوه
فدوه لبني الرسام عفيه ماما تخبل
كال ماما حلوه صدك
اي ماما تخبل والله كلش حلوه
راح يركض كعد يرسم
كملت الصينيه قدمتها كدامه
طلعت صحت خالتي والبنات
شويه ولتموو فتت احط الخبز
طلعت صاحت نسرين وين
كتلها ابدل صارت بيه ريحت
طبخ بلعافيه اكلو مااشتهي
خالتي كالت ليش خاله متاكلين
ابتسمت بغصه مسويه دايت
رفعت نضري نضره خاطفه
جان مدنك رفع راسه
ملامحه لاينه بعدها تعابير
نفسه مستغربه تغيري
صعدت اول مدخلت سديت
الباب بساعتها بحركت كلب
كضيت الدشداشه الابستها
شكيتها كعدت ابجي
روحي مفرفحه دموعي تنزل
واندب حضي شسوي بعد
ويكعد حضي كلت اكسبه
لخاطر جهالي
مسحت عيوني جسمي يرجف
على السمعته تجي دعاء عليه
مدري شحسيت
كمت على المكياج لميته كله
ضميته بدلت لبست غير
دشداشه شعري رفعته كله
همست بين بين نفسي
والخركه كاتلتني اذا مااندمك
ياابارق مااطلع رانيا
لميت فراش الجهال كعدت
على التلفزيون ساعه مجرد
اباوع بالي مو يم المسلسل
شويه ودفعت الباب رقو
بيدها جبس اجتني تمشي
جنها بشه مدبدبه والخدود
حمر كرط بنتي مرات انشرلها
من العين اخاف عليها عيالي
وكل نسايبهم واقاربهم
أنت تقرأ
رغم نار الحب
Randomبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
