خلف اسوار العشق انتِ مملكتي

البارت الـثـالـث عـشــر

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 13

أم نـصـار : من كانو گاعدين بالمطعم حتى يتعشون بعد ما إفتروا وتونسوا وطبعاً سيف چلب إلا يفتر بأبو نؤاس لو بالسعدون بس حيدر ما قبل وتلاغوا هو ويا بعدين رضخ سيف وسوى اللي يريده حيدر يمه فطومة أريد أروح للحمامات

فـاطـمـة : إي خالة إمشي أوديچ لأن ما تندلين وتيهين بوحدچ

أم نـصـار : لا خالة أندل أروح وحدي بس خاف فشلة من الولد لأن أستحي گدامهم

فـاطـمـة : لا خالة على شنو تستحين ما بيها شي ترى كلش عادي أم نـصـار گامت وللفلفت روحها بعباتها لأن كلش تستحي

سـيــف : هاه خالة شكو وين رايحة

أم نـصـار : خجلت هااه هنا وليدي شوية وراجعة وراحت بسرعة ما أتأخر

فـاطـمـة : أويلي عليك سيوف إلا تسألها المره تخجل

سـيـف : وشكو خجلانه قابل شمسوية هي

إڤـيـان : أني هم يروح للحمام يعدل ميك آب فاطمة يروح وياي

فـاطـمـة : لا ما أروح

إڤـيــان : يله رايح أني 

سـيـف : لا تتأخرين حبي لأن راح نطلب العشى ورجعي ويا خالة أم نصار

إڤـيـان : إي ماشي وراحت

حـيـدر : هاه ملوكة بعدهن رجليچ يوجعنچ

مـلاك : إي والله عمو هواية فريتونه أني ما متعودة هلكد أمشي

حـيـدر : إي لنها نستلايا بنيت أبوها وما تتحمل

مـلاك : بإعتراض عموووو شنو هاي أني مو نستلايا بس  ما متعودة أمشي هواية عمو سيف شوف عمو حيدرة شيگول علية تقبلها بالله

سـيـف : لا طبعاً ما أقبلها ويابا  حـيـدرة الحقنه شگد مغثوث منك