خلف اسوار العشق انتِ مملكتي

الــبــارت الـسـابــع عــشــر

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 17

أســد : ضغط عالجرس اللي ظل يرن ويرن الى أن إنفتح ضوى خفيف داخل البيت اللي كان مو كلش كبير وبناءه حديث وإنفتح الباب الخارجي لازم أحچي وياك ضروري ودخل بعد ما سمحلة اللي فتحله الباب حتى يدخل وقبل ما يفوتون للصاله طلعت بنية شابه بگد سلمى تقريباً بالعمر وبنية صغيرة مچلبه بدشداشتها عمرها 3 سنين تقريباً وخاتله وراها ومبينه بتها ومىن شافت أسـد إستغربت

وسألت ومبين ملامح الخوف عليها الحارث شكو

رد عليها الحارث وهو اللي فتح البالب لأسد وكان بعمره ماكو شي لا تخافين وفوتن جوى يله ودنگ على البنيه الصغيرة شالها يله بابا روحي نامي ماكو شي وباسها من خدها وزوجته رساً أخذت بنتهم ودخلت
تفضل ودخلة للإستقبال بعد ما فتح الضوى إستريح تشرب شي

أسـد : لا بس أگعد خلي نسولف لأن راح إذا ما حچيت ووياك بالذات

الـحـارث : أسد صارلك گاطع علاقتك بيه أكثر من 3 سنين وهسة جايني وبنص الليل يا أخي على الأقل إنتظر للصبح مو هيچ تخرعنا

أسـد : بحدة كتلك لازم أحچي وياك لأن إنتَ الوحيد اللي تعرف اللي بية وتكدر تساعدني

الـحـارث : بس أني مودكتور نفساني وإذا عندك مشكله نفسية مو يمي أني إختصاصي جراحة عامة فمخربط بالعنوان يالحبيب

أسـد : الحارث إنلصم ولا تظل تلغي وخلينا نحچي مثل الأوادم وإسمعني أريد أعرف شصار ورى ما طلعت من السجن وورى ما أبوية جابني للمستشفى يمك حتى تعالجني وشنو المشاكل اللي تعرضتلها سواء كانت طبية أو نفسية

  الـحـارث : بس إنتَ ما تريد تعرف وحتى قطعت علاقتك بيه لهذا السبب لأني أذكرك بهذيچ الفترة وحتى خاف تشوفني وأحاچيك بالموضوع

أسـد : إي صحيح لأن بهذيچ الفترة چنت مشتت وضايع وإتخذت قرارات غلط ومو مسؤولة لهذا حبيت أبعد عن كل شي يذكرني بيها ومن ضمنهم إنتَ لأنك أكثر واحد يعرف شصار بيه

الـحـارث : زين وهسة شنو اللي تغير

أسـد : يمكن أني اللي تغيرت ويمكن لا ما أدري فإحچيلي بلكي أرتاح شوية