خلف اسوار العشق انتِ مملكتي

الــبــارت الــعــشــرون

الـكـاتبة : عـلـيـا الـنـاصر

خـلـفَ أســوار الــعـشـق أنـتِ مـمـلـكـتـي

الـبـارت : 20

دانـيـة : من سمعت صوت الطلقات ركضت ورى أسد و دخلت للبيت ووگفت مبهوته من شافت الشباب الأثنين ممدين بالگاع غرگانين بدمهم ويونون

أســد : من شافها صاح بيها شجابچ مو گتلچ ظلي بالسياره شكو لحگتيني ليش تعاندين وما تسمعين الكلام مو وياچ دانية .. داااانية

دانـيـة : جفلت وگامت ترجف لا تصيح وتخرعني بالزايد هسة إنتَ واحد گلبك ميت وما تخاف خوما أني مثلك وو.. ما كملت كلامها بسبب البنية اللي ركضت عليها وحظنتها قوي

مـلاك : ست دانية والله أني ما علية وگامت تشهگ وتبچي

دانـيـة : على كيفچ حبيبتي بس إهدي وفهميني شصار وإنتِ ليش طالعة متأخرة من المدرسة والطالبات كلهم طلعوا من زمان وشحابچ من هذا الطريق وهو أصلاً مو على بيتكم

مـلاك : وهي تشهگ ولساعها دافنة ووجهة بصدر دانية السايق تأخر عليه وبعدين من جي اهىء اهىء اهىء وما كملت وزادت بالبچي

دانـيـة : لازم تگولينه شصار يله حبابه إنتِ سباعية ولا تخافين هاي إحنة  وياچ وما راح نعوفچ فهدّي وأخذي نفس وإحچي وبعدتها شويه عن حظنها ومسحت دموعها

مـلاك : چلبت بإيد دانية بديها الإثنين إنتظرت السايق كومه باب المدرسة وهو تأخر كلش ومن جي وصعدت ويا چان يخابر بصديقتة ويحچي وياها كلام مو حلو عبالك مالت .. مالت متزوجين وأني چنت ضايجة منه لأن تأخر عليه وهو أني من الأساس أضوج منه وما أريد أصعد ويا  لأن  تصرفاته مو حلوة يدور بنات ويصچم وخاصة من يطبگ باب المدرسة يگظيها بس يصچم ويذب حچي للبنات وبس يخابر ويدور صداقات وعلاقات وموبايله ما يسكت أبد ودومه يتأخر عليه فصيحت عليه ووگتله بعد ما أصعد وياك وإلا أگول لبابا على هاي تصرفاتك المو حلوة وأخليه هو يعلمك أشو هذا راساً شمر الموبايل  وطبگ السيارة  وگام يصيح عليه يگولي إذا  كلتي لأبوچ أذبحچ گتله ما تگدر لأن بابا يعلگك إذا تسويها راساً ضربني راشدي وأني إنقهرت حيل شلون يمد إيدة عليه ونزلت من السيارة بسرعة وركضت ففتت بهذا الفرع وهو يمكن تيهني لأن ما لحگني بعد وراها فتت للمحل لأن عطشت هلگد ما ركضت فردت أشتري مي وأطلب موبايل حتى أخابر على عمه فاطمة فمن فتت للمحل فاتوهذولة وريا وبعدني جاي أطلع فلوس من جيبي راساً وحد منهم سد حلگي من ورى وسحبني والثاني طلع فلوس وشمرهن لأبو المحل عالميز وگاله كلما نحصل خوش صيدات مثل هاي ننطيك أكثر ويله عزل وروح وشحطوني برى وأبو المحل عزل راساً وإختفى وجابوني هنا وبعدين شمروني عالگاع ونزعوني قمصلتي وگاموا يتلمسوون بجسمي وو.. شهگت بالبچي وما گدرت تكمل