خلف اسوار العشق انتِ مملكتي

البارت الثاني والعشرون

الكاتبه : عليا الناصر

البارت : 22

أسد : چان گاعد بالمطبخ يتغدى لان چان طالع ها عمة شلون صارت دانيه خوما بعدها مصخنه

أميرة : لا الحمدلله انخفضت حرارتها بس تگول گلبي يوجعني ومااگدر اتنفس وهند تگول عادي لان متعرضة لشد عصبي صاير عدها تشنج بصدرها منا ليومين تصير زينه واني صراحة خايفة عليها خاف گلبها شوف شبي واريدها تروح لدكتور متخصص يفحصها حتى نطمن على حالتها احسن

أسد : لعد خلي ناخذها لحارث صديقي هو خوش دكتور واختصاصه هذا روحي گوليلها وتحضرن حتى اخذچن هسة

أميرة : والله ياريت بس هاي عنوديه شيقنعها تگول مابيه شي
اروح اگوللها واشوف  بس كمل غداك خوما تروح جوعان

أسد : لا شبعت انتظرچن يم السياره هاي شنو الصياح شبي هذا منصور تخبل خوما تخبل منا العالم اني رايح اشوفه عمه عود لحگني

أميرة : صار بس روح لمنصور خطية والله رقية راح تنجلط من ورى صارله ٣ ايام يرعد على راسها وهسة تخبل فرد مرة وهاي الجاي يصيح لان عمه ومرته راحولهم للبيت

أسد: رايحله اشوفه لاتتأخرن عليه عود وهاي قنعيها مو تعوفيها اذا عاندت وطلع

أميرة : صعدت فوگ لغرفة بناتها لگتها فارغة هاي وين راحن ذني دگ الموبايل راحت عليه شافته عالشحن عالميز عبالها مالت ريحان فتحت خط المتصل راساً هند وتالي وياچ الى متى تبقين مطنشتني ومتفتفحين خط علية لو تحضرين رقمي عبالچ من غيرتي مكان تدريبچ ورحتي لغير مستشفى راح تبعدين عني ومااگدر اوصلچ هند احچي ليش ساكته اترجاچ بس وافقي بس گولي اي ومن الصبح اجيب العشيره كلها واخطبچ من ابوچ الوو الوووو سدت الخط وباوعت لهند اللي دخلت الغرفة وعيونها عليها وعلى الموبايل وبلعت ريگها

هند : عمه اميرة هذا موبايلي عفته عالشجن رجع رن الموبايل

أميرة: دحگت نفس الرقم رفضت الاتصال هند منو هذا  اللي يتصل بيچ نفسه اللي لحگنا ودعمتي سيارته مو احچي ليش ساكته

هند : والله عمه ماعندي شي ويا بس هو لازگلي ووين مااروح لا حگني وحتى غيرت مكان تدريبي من ورى بس مجاي اگدر اخلص منه وحتى كل مايتصل احضره يرجع يتصل من غير رقم وغيرت رقمي مرتين وهم رجع يتصل ومدري منين بجيب رقمي

أميرة : زين هو وياچ يداوم بالكليه لو بغير مكان لان شكله مبين اكبر منچ ومو مال طالب وياچ

هند : لا هو دكتور متخرج ومتخصص وهو اللي چان مسؤول على التدريب مالتي واني من دريت بي يريدني غيرت مكان التدريب ورحت لغير مستشفى عمه والله ماعندي شي ويا وصديته اكثر من مرة بس ميفيد بي مچلبلي وأني أخاف من أسد إذا درى يحرگني والله ويحرگه هم

أميرة : شوفي اني شكيت بي من دعمتي السيارة وگال فدوة تروح الها السيارة وچان يدحگ عليچ واكلچ اكل بعيونه من ختلتي ورايه وادري بيچ ماعندچ شي ويا بس يابنتي اذا ماتريدينه لازم تحلينها ويا وتحطينله حد ومتنطيه امل لوحتى صغير انو ممكن تقبلين بي وانهي الموضوع قبل لا يكبر ويا دامچ مارايدته حتى لايوجعچ راسچ بعدين ورجعتلها الموبايل ها دانيه وين چنتي