خلف اسوار العشق انتِ مملكتي

البارت التاسع عشر

الكاتبه عليا الناصر
البارت ١٩

دانيه : من سمعت صوت الطلقات ركضت ورى أسد و دخلت للبيت ووگفت مبهوته من شافت الشباب الاثنين ممدين بالگاع غارگانين بدمهم  ويونون

أسد : من شافها صاح بيها شجابچ مو گتلچ ظلي بالسياره شكو لحگتيني ليش تعاندين ومتسمعين الكلام مووياچ دانيه ..داااانيه

دانيه : جفلت وگامت ترجف لاتصيح وتخرعني بالزايد هسة انتَ واحد گلبك ميت ومتخاف خوما اني مثلك و.. ماكملت كلامها
بسبب اللي ركضت عليها وحظنتها قوي ست دانيه والله اني ماعليه وگامت تبچي وتشهگ

دانيه : على كيفچ حبيبتي بس اهدي وفهميني شصارو انتِ ليش طالعة متأخرة من المدرسة وكل الطالبات طلعوا من زمان وشحابچ من هذا الطريق وهو اصلاً مو علي بيتكم

ملاك : وهي تشهگ ولساعها دافنه ووجهها بصدر دانيه السايق تأخر عليه وبعدين من اجى اهىء اهىء اهىء وماكملت وزادت بالبچي

دانيه : لازم تگولينه شصار يله حبابه انتِ سباعية ولاتخافين هاي احنه وياچ ومنعوفچ فهدّي واخذي نفس واحچي ويعدتها شويه عن حظنها ومسحت دموعها

ملاك: چلبت بإيد دانيه بديها اثنين انتظرت السايق كومه باب المدرسة وهو تأخر كلش ومن اجى وصعدت ويا چان ياخابر صديقته ويحچي وياها كلام موحلو عبالك مالت .. مالت متزوجين
واني چنت ضايجة منه لان تأخر عليه وهو اني بالاساس اضوج منه و مااريد اصعد ويا لان تصرفاته مو حلوة يدور بنات ويصچم وخاصة من يطبگ باب المدرسة يگظيها بس يصچم ويذب حچي للبنات وبس يخابر ويدور صداقات وعلاقات موبايله ميسكت ابد ودومه يتأخر عليه فصحيت عليه ووگتله بعد مااصعد وياك والا اگول لبابا على هاي تصرفاتك الموحلوة واخلي هو يعلمك اشو هذا راساً شمر الموبايل وطبگ السيارة وگام يصيح عليه يگولي اذا كلتي لابوچ اذبحچ گتله متگدر لان بابا يعلگك اذا تسويها راساً ضربني راشدي اني انقهرت شلون يمد ايده عليه ونزلت من السيارة بسرعة وركضت فتت بهذا الفرع وهو يمكن تيهني لان مالحگني بعد وراها فتت للمحل لان عطشت هلگد ماركضت ردت اشتري
مي واطلب موبايل حتى اخابر على عمه فاطمة فمن فتت للمحل فاتوهذولة وريا وبعدني جاي اطلع فلوس من جيبي راسا وحدمنهم صم حلگي من ورى وسحبني والثاني طلع فلوس وشمرهن لابو المحل عالميز وگاله كلما نحصل خوش صيدات مثل هاي ننطيك اكثر ويله عزل وشحطوني برى وابو المحل عزل راساً واختفى وجابوني هنا وبعدين شمروني عالگاع ونزعوني قمصلتي وگاموا يتلمسوون بجسمي وو.. شهگت بالبچي وماگدرت تكمل

دانيه : اششش خلص لاتكملين افتهمت واخذتها بحظنها وگامت تمسد لها بشعرها وظهرها وتهديها

أسد : دانيه انتِ تعرفينها لهاي البنيه منيه
دانيه : اي اعرفها هاي طالبتي  ملاك بت علي مالك الطيار