احببته ♥ رغم اجرامه🔪*کاملة*

🌺الحلقة 6🌺

عند امين ..
درت مقابلة مع نور حسيتها طفلة غامضة تصرفاتها مش مفهومة .. كانت ذكية و كلامها كلوا ثقة .. في دقيقة خممت انها راح دجيبلنا بزاف ارباح و تخفف عليا ثقل لي حاكموا ..
حبيت نعرف عليها كلشي . حكمت تلفون عيطت لمعارفي عطيتلهم اسم و لقب قتلهم يعرفولي عليها كبيرة و صغيرة ..
كملت خدمتي و رحت للمقر الرئيسي نتاعنا ..
(وين كاين عمر)

نرجعوا عند اسيل (ملقبة باسم نور)
كنت في شط غايسة و تخمامي لبعيد مخي مش في دنيا نخمم فواش راح يصرى كي نحقق هدفي .. حياة واش مخبيتلي واش راح يصرى في مستقبلي مور هذا انتقام لي خدالي نصف عمري في تخطيط ..
حكمت تلفون نحيت كرت و درت جديد و عيطت لادم ..
اسيل : واش صرى معاك
ادم : كيما توقعتي راهوا يحوس على معلومات عليك
اسيل :خليه يطبل في بيدوا متقوب 😏
ادم : اسيل كي مليحة
اسيل : علاه تحوس ..
ادم : غير قتلك هكذا واش بيك غير تشبطي في عيباد .. 
اسيل : كملت هدرتك .. نحب دوسي صفقة جديدة لي راح تاخدها شركتهم ..
ادم : مكانش موضوع من غير خدمة
اسيل : ادم بديت تلعبلي على مورال متخلينيه نوريلك وجهي زاوج ... اخدم خدمتك و سكت
ادم : اذا كان نهار فهمت ني نطير
حط كلاموا و قطع .. علقة عليه و رجعت تلفونها في جيبها و نفخت
اسيل : وينتا نفهم واش بيه هذا .. لالا منضنش لي ني نخمم فيه لالا ..

نادت من بلاصتها للمول تشري حوايج يما انوا مزال جديدة لازم تشري حوايج للكوزينة ..
دخلت شرات كامل واش خص (بيقالة) خلصت و رجعت لدارها ..
رتبت صوالح لي شرات دارت قهوة و كلعت لبيتها حكمت pc و خرجت للبالكوا تششرب قهوة و تتفرج عليهم ..
اسيل : ااااام حكمتوه اما واش كاين تحت لازم نعرف ..
حكمت تلفونها و عيطت لاسلام ..
اسيل :وي حابة نعرف واش راهو صاري عندكم
اسلام : اااايه عشاء راهو واجد .. دك يوصلك
اسيل : اوك ..

تبسمت على جنب عرفت تلفوناتهم مراقبة . كملت تشرب وصلنا اماي من عند ادم بقات تقرى و تضحك ..

اسيل : هههه مكنتش حتسبتهم هكذا حمير هههه سهلتولي طريقي .. مزال رنا في بدية

رفدت تلفونها رجعت كارت الاول و نحات لي كانت دايراتوا ..
و كملت تراقب خطواتهم ..
(مش غير تسيل لي تراقبهم كامل ناس لي معاها 😇)

عند عمر ...
هابط تحت بكل ثقة و جرأة .. كمل وين وصل للقبو وسن حاطينوا تما
عمر : واش راك موسيوا إيهاب عجباتك استضافتنا 😏
ايهاب : راح تندم لواش درت
عمر : ان شاء الله اذا قدرت تقرب مني
ايهاب : نشوفوا 😏

عمر : كمل واش كنت تخدم ..
رجع هذاك راجل حطلوا سلوك على لحموا و خلاه تريسينتي يمشي على لحموا و فمزا يسح من دم مش قادر يستحمل اكثر ..

رجع طلع لفوق .. قابلوا امين ..
عمر : الحقني نستحقك
امين : واش كاين تاني
عمر : ايهاب
امين : واش بيه .. مش راه تحت رحمتك
عمر : رجالوا راح يوقفوا ضدنا
امين : و انا واش ندير
عمر : دك نفهمك &&&&&&&&&&&&&&
&&&&&&&&&&&&&&&&&&&&&&
امين : هيه فهمت و كان من بدية قتلي 😏

رجع كملوا يحكوا على تفاصيل صفقة جديدة جايتهم سلعة كبيرة لازم يربحوها ..

في دسك الاثناء اسيل كانت عارفة واش دار بيناتهم تبسمت على طرف ..لبسة سنسلة على شكل قلب في وسطوا جهاز تعقب ..

رجعت غلقت pc و راحت للبيت تريح ..

امين يحكي ..
وصلني تقرير كامل عليها
اسمها : نور / متاجرة مخدرات / رقم هاتفها /لادراس نتاعها كلشي يخصها كان عندوا ..
كلشي خطتلوا اسيل وقع في شباكوا .. اما هو لي كان حاسب ضرب ضربتوا و حكمها اما كان خالط في حكمتوا ..

.... يتبع
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
نيو بارت ..
خطيتلكم بارت جديد بسكوا غدوة مراح نحط مشغولة ...
اما اذا عجيكم بارت اعطولي رأيكم في احداث
متنسوش دعمكم ليا ..
فوت باش نكمل بااااالللليييز 🥺

#love you ♥️