احببته ♥ رغم اجرامه🔪*کاملة*

🌺الحلقة25*موسم الثاني*🌺

نهار جديد و احداث جديدة و مشوقة.. 

اسيل في بلاصتها شافت ساعة كانت خمسة صباح تحمست بزاف بعد مدة رجعت شافتوا مرة اخرى ... نادت من بلاصتها غسلت وجها   لبسة سورفات خشينة شوية بسكوا برد في صباح باه تخرج تجري في غابة كيما توالف دير من وقت ما جاو هنا تخرج صباح تجري في غابة تفوت على دار امين تبقى مقابلتها مدة عادة ترجع لدارها اما اليوم تبدل ريتم.. 

هبطت تحت دات قرعة ماء لبسة كونفارس و خرجت مشات شوية من بعد. بدات تجري كيما موالف تروح على طريق نهر انا هذي مرة تصادفة مع امين تانيك يدير سبور طلعت حاجبها فوق تشوف فيه يجري غاسة فيه توحشاتوا اما لازم تندوا على سنوات لي فاتوا..  لعبتها مشافتوش و كملت تجري امين لمحها وقف في بلاصتوا و هو يشوف فيها رايحة تقطع نهر سبقها و طلع قبلها.. 

(بون فوق نهر هذاك دايرين كي جسر بالوح و شحال من عام صانعينوا...)

اسيل شافتوا سبقا تنارفات و قاتلوا بكل غزول: اهبط منتم
امين طلع حاجبوا مستغرب: منيتك ياك مش مكتوب باسمك
اسيل: قتلك اهبط منا
امين ربع يديه: ايواه يا لالة واش راح دير و كان مهبطش
اسيل: شوف متهبلتيش و اهبط
امين: اااممممم نو منهبطش..
اسيل طلعت فوق هذاك الجسر لي بدا يتحرك اولا بسكوا ضيق و ثانيا مش متين بزاف يطلعلوا واحد برك...

اسيل حاول تتوازن و توصل ليه و امين زكارة يبوجيه و هي تتمايل مع جسر و هو يضحك عليها
اسيل: حبس و الله دك نطيح
امين: قولي حمبوك امين
اسيل: منقولش اركع دك نطيح
امين: نو
اسيل: اااااههه احبس راح نطيح..

جات طيح حكماتوا من كول و طاحوا في زوج لهذاك نهر كان بارد بزززاااااف
اسيل كي هبطت تعمدت تبقى في نهر مدة باه تندموا و هو ناد سناها تنود مي والوا ستنا زوج دقايق مبانتش و اسيل مزال حاكمة هواء تحت و هو مقدرش يصبر هبط تحت ماء يحوس عليها حكمها من خصرها اسيل من.خلعة فمها تحل خلا ماء يدخللها و يخنقها جبدها ليه و طلعوا مع بعض..
خرجت تكح و امين يشوف فيها دخللها ماء وقت فتحت فمها حط يدوا على ظهرها و مسحلها عليه بقا يشوف فيها كيفاه حاكمة فيه شعرها مشمخ و هابط على راسها و شفافها يرتعدوا سنانها يتضاربوا ببعض ركز مع شفافها مقاومش و غطس معاها و اسيل من خلعة فشلت معرفتش واش دير و هو استغل ضعفها و طفا وحشوا و شوقوا ليها بعداتوا دمرلتوا رجع طاح في نهر و خرجت هيا مشمخة كل قشها لسق في جسمها بينلها طاي كل امين حاول يبعد عيونوا عليها و يطرد افكار شيطانية لي طاحت عليه..

خرجت تمتم شعور غريب راودها مي قوي على اول قبلة ليهم... رجعت للدار تخف رجلها خايفة يلحقها دخلت للدار تقطر شافتها ط.زهرة شهقة
ط.زهرة: واش صرارى اسيل ينتي واش هذي حالة لي راكي فيها
اسيل: سقسي جارك
ط.زهرة: يا تبهدايل متقوليليش لي نقل جديد
اسيل: هو بدات و دك نوريلوا واش ندير انا
جيهان جات هابطة شافتها: اسيل كنتي تعومي في غز شتاء
اسيل: جيهان اسكتي منيش مليحة
جيهان: منيتك واش صرى
اسيل: اسكتي على جدي كلشي منوا منعرت علاه جا هنا خرى
جيهان: ههههه شكون امين
اسيل: شكون من غيروا
ط.زهرة: تعرفيه جيهان
جيهان: طاطا هذا قصتوا قصة نخلي اسيل تحكيهالك ههههه ياك اسيل هكذا 😉
اسيل: تفوا عليك جيهان مبقات قعدة معاك..

طلعت للبيت دوشت بماء سخون يدفيها لبسة قش خشين شوية و نشفت شعرها دارت بوني فوقوا و هو هكذاك مطلوق و مكيات سامبل و حمقت روج (تحت اشراف فعاليات غيرة امين)
و هبطت تحت دارت قهوة و فطرت معاها جيهان فضحتها مع قاع دار حتى زين و سمع بالقصة ههههه 😂...

ادم: اسيل صح حكاية ههههه
اسيل: بسلامة مبقاتش هدرة معاكم
زين: خالثوا شريلي شيكولة كي تجي
اسيل: ان شاء الله

خرجت ركبت طونوبيلتها لمحت امين خارج حبس و هبط زجاج غمزلها و كمل طريق و هي حابسة في بلاصتها حابة تنتاقم منوا.. 

راحت يراكت للمركز خدامة على قضية تزوير جديدة.. 

نخلي امين يعبرلكم على شعوروا..
  كيما عادة ندت صباح غسلت وجهي لبسة سورفات ڨري مزية على كور نتاعي ليموسكل يبانوا و شعري خليتوا ملخبط و هابط على عيني خرحت نجري على نهر كسما كنت ندير بكري اما تلاقيت باسيل..هيا اول مرة نشوفها تجري اما عادي شفتها طالعة للجسر هذاك خشبي طلعت قبلها و طنت نحاول نستفزها اما كي جات طيح حكمتني معاها و طحنا في زوج.. شتنيتها تطلع اما مطلعتش هفت عليها قلبي خرج م بلاصتوا رجعت هبطت تحت ماء و طلعتها و بدات تكح مقدرتش نحكم روحي عليها بستها و كانت لي فرصة باه نطفي شوق و وحشة هذيك و على قللي و كس خرجت و ليت نل عيني منها حتى بعدت عادو خرجت باه منغلطش و نندم من بعد..

طلعت دوشت لبسة كلاسيك درت قهوة برك شربتها و خرجت ركبت لوطوا و جيت خارج لمحتها حتى هية خارجة غمزتلها و كملت طريقي  .....

... يتبع

꧁꧁꧁꧁꧁꧂꧂꧂꧂꧂

هيلوا متقولولي والوا طلبت منكم افكار اما توحدة متبرعة بفكرو مالى خممت بارح و جاوني على حساب دوقي مالى غير مكلاه دك انا نخمم وحدي 😒..

مهم بارت قصير شوية فيه اول مغامرة ليهم بارتات لي جايين كلهم حماس و ضحك مع ابطال اسيل و امين...

اعطولي رايكم في فكرة نهر نظن تاحد مدارها من كتاب وتباد؟؟

رايكم في تناسق احداث قصة؟؟

واش تتوقعوا يصرى من بعد؟؟

للاسف قربنا للنهاية!!

فوت بانين 😳

#‌‌🇱‌🇴‌🇻‌🇪♥ ‌🇾‌🇴‌🇺 ♥