احببته ♥ رغم اجرامه🔪*کاملة*

🌺الحلقة02*موسم الثاني*🌺

نكملوا وين حبسنا💃🏻...

في سبيطار 🏥 :
جاو يجروا ليه ممرضة و لارة و عمر .. حطوه في كرسي متحرك و هو دايخ كلمة *نور* تتعاود في فموا برك ..

دخلوه لاسعافات اولية فحصوه لقاوه شارب كمية كبيرة من كحول *شراب* ..
دارولوا غسيل معدة و نقلوه لغرفة عادية دارولوا سيروم و خلاوه يرتاح ..

عند نور :
واش نحكيلكم وواش نخلي نقولك ملي ني نصارع في موت ولا واش ⁉️ وقت شفة رصاصة رايحة ليه و هذا مكانش ضمن خطة و كان مش عمر طحان رمى هذيك قنبلة و كان رصاصة ماخرجت كامل .. اصلا وقت كان يشرب و خممت عاود في مهمة قلبي كان مزير عليا حسيتها راح تصرى عفسة مقدرتش نتخيلوا هو لي دخلت فيه.. خليتها ضربة فيا و خلاص مكنتش حاسة بوالوا غير لمساتوا على وجهي و كي كان يصبر فيا كنت نحاول منصعفش و نسكر عينيا اما واش ندير ⁉️ ..

*دك انا راح نحكيلكم واش كانوا يجوزوا ابطالنا💔

دخلوها لغرفة عمليات .. عملية كانت صعيبة بزاف رصاصة كانت قريب قلبها و كانوا خايفين يتوشوه ⁉️

مرت ساعات و ساعات و هي عادة في غرفة عمليات ممرضات يجروا و طبة نفس شيئ خايفين يخسروني  اما وكلتْ امرها لربي هو وحيد لي راح يرسملها طريقها ..

امين كان تحت مراقبة .. نضفولوا تانيك جرح يديه و نحاولوا خيط لي في رجلوا (اذا تعرفوا واحد كي يتخيط مع وقت كي يبرى و ينشف جرح ينحولوا خيط لي خيطوه بيه مي تبقى سيكاتريس)

بعد ساعة 🕞..
امين بدا يفيق .. راسوا يدروا قريب يطرطق ريحة دواء تقتل فتح عينيه يشوف كلش مضبب يحاول يعرف واش صرى و يتفكر اما دربة وحدة رجعلوا سيناريوا كل كيفاش حابينوا ينسى نور ⁉️ تقعد نحى سيروم بكل قوتوا لي بقاتلوا لبس في رجليه مزال باقي دوخة فيه اما لا حاول ينود ..
خرج من بيت شافوه طبة راحوا يجروا ليه مي والوا تقول تحكي مع حيط ..
لي يقربلوا يشعل فيه حتى جاتوا يارة حكماتوا من يدوا و عمر من يد ..

عمر دار لواحد من امن يعاونوا يارة طلقت يدوا و خلات امن يدوه داوه لغرفوتوا و هو يتخبط و يطيح لي يحوس يديروا هو يروح عند نور ..

حطوه فوق بونك و هو غير يطيح و يتوغ مخلاهمش يقربولوا .. وحد طبيبة تشجعت قربتلوا تدربلوا يبرة عطاها ركلة في رجلها زلجة طايحة 😂

مقدرولوش وحش لي كان وسطوا خرج و هاج مقدوش يسيطلوا عليه اطلاقا ..
امن : جيبي رب اليبرة
طبيبة : تفضل
امن : وين ندربها
وراتلوا و دربهالوا بكل قوتوا .. امين حس بالنقزة شاف فيه يتوعد على موتوا و تمتم
امين : ت.. خل..صها .. غا..لية (تخلصها غالية)
مع كلمة لي قالها طاح في فرش سقموه و غلقوا بابا عليه

عمر : شوفوا انتوا ابقوا هنا عند باب و متخلوهش يخرج دك نعيط لرجالي يحرسوه و هاك هذا تعويض على لي درب ممرضة ..
امن : اوك ..
يارة و عمر وصوا اسلام ووحد رجال يبقو مع نور و يجيبلها أخباروا و رسل محمد تانيك يعس امين ..

اجواء كانت مخلطة في سبيطار بين ابطلنا
*امين 🖇 اسيل *
اسيل *نور* تحارب في موت و امين قلبوا يتقطع عليها 💔 ..

لارة و عمر رجعوا لدار كأنوا مصرى والوا و بدم بارد ..
عمر حكا مع رجال يستفسر واش صرى مع السلعة اما لي خاف منوا دك خسروا الصفقة و لا زوم تعويض على ماركة لي اقصاوها و سلعتهم (بيضة / مخدرات / ممنوعات /حلويات /زطلة : مهم عطيتكم اسامي لي نعرفهم و كل واحد واش يقوللها .. ) 

لارة : واش صرى ⁉️
عمر شاف فيها : سلعة راحت و لازم تعويض لناس لي جبنا من عندهم سلعة و مول ماركة 😔
لارة شافت فيه باستهزاء😏 : كريم حليت موقفوا ..
عمر: كيفاش⁉️
لارة: خليتوا يوقع على عقد تراجع و قتلتوا دك اذا شافوا امضائوا قضيتوا تنغلقة ناس لي شرينا عليهم دك انا نتكلف بالتعويض اما انت راح ترجعوا بالدوبل على تهورك و قتلكم كونوا حرسين بلاصة مليح اما انت خالفت قوانين خدمتنا ..
عمر : شكرا امت اضبري علينا شوية
لارة : منضمنلكش هذي

راحت و خلاتوا عمر بان توتروا كل يخافوا منها .. تاحد ميقدر يعصي كلامها و لا يتحداها .. طلعت الفوق حطت صاكها و نحات سلاح لي كانت رابطاتوا في فخضها .. دارت دوش و لبسة قش و رمات روحها فوق بونك ترقد اصلا حفلة كانت في ليل يعني ..

نرجعوا عند نور *اسيل*
بعد ربع ساعات و هما في غرفة عمليات خرج طبيب ووجهوا ميبشرش بالخير 💔
راح يجري ليه اسلام : واش صرى كيفاه راهي
شاف فيه بانكسار و حكا : قدرنا نحولها رصاصة عملية كانت صعيبة بزاف .. و مريضة خسرت دم بزاف و نبضات قلبها ضعيفة .. منقدرش نفرحك بخبر شباب اما نتيجة هذي ظواهرها موت الا اذا صرات معجزة ...
اسلام : وواش راح يصرى من بعد
طبيب : منقدرش نقولك 😔
اسلام : اوك
طبيب : معافات ..

راح طبيب لمركز تحاليل يجيبلها دم .. اما ملقاوش كمية كافية لي يحتاجوها ⁉️

اسلام رسل ميساج لادم و قالوا كلش اما بالنسبة لعمر قالوا مزال مبان والوا 💔

امين كان تحت مخدر و مراقبة طبية و امنية ..

اجواء كان مخلطة بزاف ... كل واحد موراه قصة وصلاتوا هنا 💔

بالنسبة لاصحاب مركز 🚔
ادم كان مدمر واش في مخوا هو انوا متصالحش مع اسيل و هذا لي حسسوا بالذنب ..
صح قاسية و متحبش غدر و لا لي يعصي كلامها مي تبقا اسيل طفلة البريئة لي حبيتها ...
مع شهر اخير كتاشفة انوا اسيل مش من نصيبي 😔 ولازمني نكمل حياتي و نحقق رغبتي في انتقامي على موت والدينا و نكون سند ليها ..

وقت رسلي ميساج اسلام و قالي خصها دم تفكرت دمي كيف دمها ركبت طونوبيبتي ديراكسيون سبيطار نتبرعلها و في نفس الوقت  تشوفها 💔

في امريكا 🇺🇲
مايكل قدر يعرف موقع لارة و قرر يهبط عندها .. سقم وراقي و شرى دار تما في جزائر باش كي يروح يكون تما قبل و كي وقت مناسب يظهر باغي يفهم سر توترها بسكوا كلشي رجع شافوا من كميرات شركة و يحط نقاط على حروف (مايكل هو لي راح يكشف سر لي قالهولها عمر كملوا البارتات تفهموا)..

وحدت كلشي واش نحتاج رحلتي غدوة ان شاء الله..
مايكل : راني جايك يا لارة و نتحاسبوا و نفهم منك علاه مقلتيليش ملي رايحة ..
... يتبع
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

هيلواااااا
ان شاء الله يكون عجبكم البارت صح و الله تعذبت باش وجدت هذا البارت طويل شوية و فيه احداث حزينة ..

في دقيقة جا في راسي نكتب كي يخرج طبيب نقول قال البقاء لله مي نعلت الشيطان 😈😂

متنسوش فوت باليز
و اعطولي رايكم صريح

#love you ♥️