احببته ♥ رغم اجرامه🔪*کاملة*

🌺الحلقة03*موسم الثاني*🌺

دخل ادم للسبيطار سقسى على طبيب لي مسؤول على نور وراولوا بيروه ..
طلع عندوا دقدق و دخل ..
ادم :سلام عليكم
طبيب : و عليكم سلام بواش نعاونك
ادم : في حقيقة حبيت نتبرع بالدم لانسة اسي*تفكر اسمها مستعار* قصدي نور ***
طبيب : هاا اوك تفضل معايا ..
ادم : يزيد فضلك ..

كمل معاه لوين مخبر جمع و داولوا كمية من دموا مي قاع هكذا و يبقا يخص جرعة اخرى ..

ادم : هذا واش يخصها ؟؟
طبيب : هو في حقيقة محبيتش ندي بزاف لانوت راح يشكل خطر على صحتك 
ادم : يعني يلزمك
طبيب : وي
ادم : اوك معليش تصبر ندير مكالمة
طبيب : اوك انا دك نديروا لمخبرية باش ميخترش ..

مهم دارلوا باسما و ادم حكا مع جيهان دجي عندوا عندها نفس زمرتها ..
ربع ساعة و جات عينيها منفخين و نيفها و فمها حمرين باينة كانت تبكي ..
رحت ليها خضنتها مش عارف كيفاش جاتني هذي قدرة .. شافت فيا بتاسمتلها ..حاوطتها و جبدتها عندي و مشينا ختى عند طبيب داولها جرعت حتى هية و داوه للمخبرية يمنوا تختر من بعد يعطوهولها ...
داروها باسمة و كي جات تنود جاتها دوخة حكمتها من يدها .. و درت لعد ممرضة لي كانت حديا
ادم : اللع يخليك نسقسيك
ممرضة : وي تفضل
ادم : شوفي دك جيهان تبرعت بالدم لوحدة و دك جاتها دوخة اسكوا هذا غير على جال دم لي داوه و لا عفسة اخرى
ممرضة : نو متقلقش روحك غير مين خرجوا دم منها و مدام باينة تعبانة .. خليها تاكل اكل صحي و اعطيها حنانة حضنك
ادم : بقا مشكوكي من كلامها
اما ممرضة لي حسباتوا راجلها لانوا يبانوا كوبل 😅
جيهان شافت فيها مصدومة و حشمانة منوا بنفس الوقت 😪
ادم: احم جيهان هيا معايا ..

حاوطها اما هية مقدرتش توقف فشلة حكمتها .. محبتش توف فيه .. اما هو فهمها .. قربلها و رفدها بين يده
جيهان نخلعت دورت بدها على رقبتوا و دخلت راسها فيها و هو سخانة ركباتوا اتفاسها تدرب في رقبتوا ... كملو يمشوا في هذاك رواق و لي يشوفهم يتبسلهم .. طلعها في طونوبيلتوا و ركب .. طريق كاما و جيهان حاطة راسها على تاقة و هو يسرق نضرات منها .. حبسوا عند فارماسي شرالها فيتامينات و كملوا طريقهم ...

وقفوا عند دارها .. هبط فتحلها باب دا من عندها مفاتح و رجع رفدها غلق طونوبيلتوا و دخلها للدار .. طلعها لبيتها حطها فوق سرير كي جا يحطلها راسها على مخدة توشا جبهتها لقاها تغلي ..
شاف فيها كانت صفرة و تمتم كلام مش مفهوم*تنازع*
ادم : جيهان راكي تسمعي فيا
جيهان :مممم
ادم رجع حط يدوا على جبتها لقها تحرق ..حكم تلفونوا عيط لطبيب يجيه ..
وهو هبط جاب ماء و منشفة و طلع ليها لقاها كيما خلاها جمع جنبها و حطلها كمادات على حبينها ...
بقى بهذيك الوضعية حتى سمع باب يدقدق راح يجري يفتح باب لقاع طبيب طلعوا ليها و مخلاهش يدخل عندها .. لانوا راح يكشف على مريضتوا ..
فحصها و شخص حالتها و خرج ليه
ادم غير شافوا راح يجري ليه ..
ادم : واش ليها
طبيب : مريضة مريضة بفقر دم و اطباء لي نحاولها دم رتاكلوا خطأ كبير مزية مداوش بزاف كمية اما تفضل هذي قائمة دوى لتشريهالها و خليها تشربوا بانتضام باش ترجع صحتها
ادم: اوك و هذوا فيتانينات شريتهم تستحقهوم
طبيب : اااممم ااايه ضيقهملها قبل متاكل باش نفتح شهيتها
ادم : اوك شكرا ..

سلكوا و كمل معاه للباب .. غلق عليه و رجع طلع عندها فتح دريسينق و حبد بيجامة و راح ليها
ادم :جيهان شوفي حاولي تغيري قشك انا دك نديرلك واش تاكلي كي نجي نقبلك لابسة قشك
هزتلي براسها و انا هبطت للكوزينة .. وجدتلها شربة *حساء* (ادم يسكن وحدوا عليها يعرف يطيب 😁)

وج.لها لاسوب في بلاطوا و حطلها دواء لي شراهولوا عساس
(كي غلق على طبيب عطا ورقة للعساس يشريلوا )
طلع عندها دقدق و دخل لقاها غير كي كملت غيرت قشها حط بلاطوا على طابل دونوي و راح جمع حداها..
ادم : جيهان تقدري تاكلي و لا نو
جيهان هزتلوا براسها نتاع لا

قربلها و بقا يوكلها و هي تشوف فيه جامي لا شافت هذا حنانة كان يبينها غير مع اسيل اما اليوم عكس .. كي كملت عطالها دواء تشرب .. خرج بلاطوا و غسل بواش كلات و طلع عندها لقاها رقدت شافلها سخانة .. لقاها بدات تروح شوية رجع يحطها كمدات .. حتى داتوت عينوا و رقد على كرشها ..

جيهان تحكي ..
وقت سمعت خبر طاح عليا كي ساقعة ليلتها فوتها غير بكاء من دار مخرجتش حتى عيكلي ادم تفاجئة من اتصالوا لانوا اول مرة عيطلي و خممت كيفاش دا رقمي .. رفدت عليه و قالي على تبرع .. لبسة لي جا قدمي ركلت طاكسي و رحت برغم انوا  فيا فقر دم اما مقدرتش نرفض .. واش صرى من بعد عارفين كامل ..

✒ كاتبة تحكي ✒
فاتت ليلة متوترة بين كل ابطالنا .. طبيب لي دا دم ركبوا لنور *اسيل* .. و بقات تحت مراقبة .. نور مستاجبتش للدواء طول هذي مرة نقلوها من غرفة عمليات للانعاش .. (دخلت غيبوبة) ..

اما جيهان و ادم :
ادم كي كان ساعر معاها غفل من عيا و رقد على جنب كرشها ..

هذوا خما اجواء ابطالنا .. نلتاقوا في بارت آخر ان شاء الله ..
... يتبع
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
صباح كنت خابة نحطوا مي محبش ينتشر .. مش عارفة علاه ..
مهم حبيت نحسن علاقة جيهان و ادم و نعطيهم فرصة يحبوا بعض ..

بالنسبة لنور *اسيل* مزال كاين عفايس موجدتها و نفس شيئ لامين ..

دك سيلفوبلي متنسوش فوت و اعطولي رايكم

#love you ♥️