احببته ♥ رغم اجرامه🔪*کاملة*

🌺الحلقة 15*موسم الثاني*🌺

نهار جديد على ابطالنا و احداث جديدة و بداية جميلة ..
نادوا اميراتنا فتحت عينيها جيهان لقات حداها اسيل معنقتها و راقدين .. ضحكة و بقات تنوضها
جيهان: اسول .. اسييييلوااا .. الكبيدة نتع ختها نودي راك خمرتي ..
اسيل : ااام خليني نرقد ..
جيهان : هيا نودي هيااااا نودي .. (بقات غير تقولها مسكتتش) ..
اسيل : هوووف منك هاني ندت ..
جيهان : خيا انا نروح لبيتي ندوش و نلبس و نخليك انت كي نكمل نلقاك واجدة ..
اسيل : اوك ..

خرحت جيهان من لبت اسيل رايحة لبيتها تصادفة مع ادم خارج من بيتوا ..
جيهان:  صباح نور
ادم : صباحوا
جيهان : كي صبحت
ادم : حمد الله و انت
جيهان : رقدت احلى رقدت اليوم
ادم : باينة ههه.. واش ديري اليوم ..
جيهان : ااام باغية نعاود تاست باه نبين لاسيل ملي انا صح اختها !!
ادم : اوك .. و من بعد
جيهان :  مش عارفة اسيل عندها اجتماع في عشية و انا بلاك نرجع لدار معندي مندير ..
ادم : مالى كي تكملوا نفوت عليك
جيهان : اوك انا نروح نوجد روحي ملا
ادم : لبسي مستور و متكثريش مكياج
جيهان : مبصح *قاطعها*
ادم : مبصح ماوالوا نغير انا على مرتي .. مالى ديري واش قتلك ..
جيهان : ههه اوك .
ادم : جيهان !!
جيهان : هيه
قرب ليه و باسها على خدها و قالها : نحبك
جيهان : مام انا ..

بعدت عليه و دخلت لبيتها قلبها يخبط فرحانة و في نفس وقت غايضها وضع اسيل ..
دوشت و لبسة قشها طلعت شعرها ديل حصان شوية مرخوف .. مكيات خفيف (غيسيل و شوية دوج غوز بب) .. رشت برفانها و خرجت فاتت على بيت اسيل لقاتها تمشط سعرها تبسمت شافت اسيل رجعتلعا بسمة ..

ستناتها و هبطوا تحت فطروا كل مع بعض كعائلة صغيرة..

جيهان : اسيل اليوم ان شاء الله نختاروا طبيب نعاودوا تحاليل باه *قاطعتها*
اسيل : كيفاه هذي نعاودوه منيتك جيهان و لا واش حسبتيلي مصدقتكش .. نعرفك مليح كي تخمي بسكوا عاشرت و نع فك كي تكذبي و كي تكوني صادقة متعاوديهاش هذي نتع نعاودوا تحاليل نزعف منك !!!
جيهان : انا غير بغيتك تتحققي برك . مش هدفي نزعفك ..
نادت ليها اسيل عنقتها و باستلها راسها : كيفاه نزعف من نصفي ..
جيهان : اوك مالى
اسيل : بون انا عندي خدمة دك نروح ..
جيهان : اوك
ادم : جبهان مالى وجدي روحك !!
جيهان : ني موجدة اذا كملت نروحوا
ادم : هيه هذيك هية ..

نادت جيهان سلمت على اسيل و ط.زهرة و خرجة مقاودة ادم و ركبوا لوطول و قلعوا 
ادم : وين تحبي تروحي
جبهان : اااام معنديش فكرة
ادم : مالى نروحوا للمول نشروا
جيهان : واش نشروا ؟؟
ادم : بون شوفي بارح حكيت مع جيرينال و مرتوا و قتلهم باه نديروا خطبة بعاداتنا اكي عارفة عادات نتع هنا كلها مسيحية و لا يهود مش عارف تاني
جيهان : هيه و كيفاش دجي تخطب
ادم : انا نروح لدار ياك مبعتهاش نبقى فيها و نهار خطبة نجي انا و جينيرال و مرتوا نخطبوك من ط.زهرة و اسيل ..
جيهان : يووون فكرة شابة ..
ادم : و عرس حتى نهبطوا لالجي ..
جيهان: وينتا هكذا..
ادم : ممكن على عام ينبنا المركز حنا نهبطوا هذاك عام تما نوجدوا حوايج باه اسيل تبعتلنا صوالح و حنا نستقبلوا و في نفس وقت نجهزوا لعرسنا ..
جيهان : الله عليك مخممت قاع فيها انا
ادم : هههههه ... مكملتلكش كي تهبط اسيل ان شاء الله بارح شفت ديار راح نبيعوا لي تما !! و نشروا وحدخرى و هكذا باه تكوني مع اختك و تشبعيها نعيشوا معاهم !!
جيهان: يوووون و الله فرحت مين تفهمتني يا قلبي .. ادم مزية قلبي عشقك مغلطش نهار حبك
ادم : خههه مهبولة نتاعي ..

كملوا طريق غير ضحك و زعاقة وصلوا للمول شراو حوايج للخطبة و ... (خلونا منهم يشروا و نروحوا للشخصية مرغوبة 😎 )

في جزائر 🇩🇿
(منعرفش اسماء حبوس لي عدنا في جزائر مالى قلت ندير حبس معروف هنا لي هو حراش .. احم تفكرت ايام مسيرة و عصابة خخخخخ🙂)

داخل هذا حبس كاين بطل قصتنا فاتوا عامين من عقوبتوا و باقيلوا خمس سنين ..
واقف عند تاقة كيما موالف و يتفكر واش كان يعيش مع اسيل .. ميقدرش ينكر انها خدمتها و لازم عليها متفرق بين حتى واحد ..
تأنيب ضمير كلاه على كلمات لي قالهملها (تشفاو في قاللها متستاهليش حبي ليك و بلا بلا) ..
كلام هذاك مش من قلبوا .. مش عارفة واش راهي دير في حياتها !! .. مش عارفة اكل .. لي عارفوا هو انوا لازم يرجع اسيل ليه و بخليها تحبوا مي خايف تكون شافت حياتها و نساتوا ...

(تشفاو نهار قتلكم علاه ناوي امين كلكم قلتوا متخليهش ينتاقم و كل .. اصلا مكنتش دايرة في مخي انتقام و لا ديجا عانوا بزاف و انا مخصنيش تانيب ضمير .. هههه بون ان شاء الله ندير تسريع عام و لا باه نحط زواج ادم و جيهان و نحكي على ابطالنا و نرجع نسرع في اعوام باه بالخف نخرجوا امين من حبس و نتهنا . و تما يبدا الحلو في كرو نتاعنا 😌) ...
خلونا نرجعوا للاحداث 💃🏻 ..

مع كل واش جوزوا اكل حب يتغلب على كلشي خاصتا اذا كان حب صادق من طرفين ... راح يتغلب على كل مشاكل و صعوبات ..
متقدريش تخيري واش تحبي قلبك هو لي يخير و انتي تكملي معاه ممكن تعشقي واحد خارج طريق ممكن  ... متقديش تعرفي واش مخبيلك قدرك في حياة ...

..... يتبع
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بون عءا هو بارت نتع اليوم و اليوم تودع كونكسيون مي راح نفليكسي غدوة ان شاء الله..
و نحطلكم  باذن الله ..

عارفو باىت صغير شوية مي هذا واش طلع مني..
درتلكم خاطركم و حطيتلكم امين كيما طلبتوا و هكذا دك متقولوليش لا انتقام لا نندب ..

اعطولي رايكم في بارت؟؟

واش تتوقعوا يصرى من بعد ؟؟

راح تتحسن حياتهم مت اسوء للافصل و لا تبقى هكذا ؟؟

فوت باليز ...

#love you ❤