احببته ♥ رغم اجرامه🔪*کاملة*

🌺الحلقة17*موسم الثاني*🌺

نهار جديد و احداث جديدة 💃🏻
اليوم خطبة جيهان 🖇 ادم :
بعد عناء طويل و مشاكل كبيرة و عريضة جتامعوا كوبل نتاعنا ..
نهار فقدت امل جيهان انوا ادم يحبها صار عكس واليوم تنخطب منوا ..
قد مكانت تبكي كي تشوفوا يضحك مع غيرها و لي مكانش معبرها كل .. شحال من مرة جرحها بكلاموا و حب يبعدها عن طريقوا اما مقدرش بسكوا قلبوا حبها.. قلبوا بغا جيهان برك من بنات دنيا خير جيهان تكون حلالوا و مرتوا و ام ولادوا و عشيرتوا ..

علاقة لي تكمل بالحلال تما عادة قولوا عشت قصة حب .. اذا علاقتك كانت مارة برك و نتع تمسخير فوتيها بسكوا راح توصلك لبعيد .. و كيما يقولك صبر مفتاح فرج .. مرات تفقدي امل على عفسة حبيتيها و مصلحتش بعد مدة تلقيها ملكك انت برك اصبروا باه ربي يجازيكم على حساب نيتكم ..

نادت صباح قلبها راح يخرج من بلاصتوا من جيهة مكانتش متوقعة تعيش بلحظة هذي و من جيهة ستراس قاتلها ..
نحت الغطا عليها و لبسة في رجلها راحت ديراكت للتاقة فتحت ريدوا و تاقة او خلات نسمة باردة تدرب في وجها خلات خصلات شعرها يتحركوا .. عمضت عينيها و تبسمت تحاول تعيش لحظة كل ..
فتحت عينيها و قالت بصوت شبه مسموع : حمد لله يا ربي ..

وجدت بيجامة بسكوا كلشي راح ديروا في دار .. دخلت للدوش خلات ماء دافئ يتسرسب على جسمها نقات روحها دارت ماسك و طالعت شعرها بفوطة و جمع فوق سريرها تحط verni في ظفارها .. حتى دخلت عليها اسيل تنوضها زعما .. لقاتها ديجا نادت ضحكة .. سلمت عليها و جمعت معاها ..
اسيل : الله عليك انا قلت مزال راقدة
جيهان : و هذا نهار يرقدوا فيه بسيف باه قدرت نرقد بارح من ستراس
اسيل : عههه ... هيه فكرتيني
جيهان : بواش
اسيل : صباح خرحنا ادم من دار
جيهان : و علاه 😳
اسيل :يالالة عادات 🙂
جيهان : هوووف علاه كنت باغية نشوفوا
اسيل : ااااممم عليها فايقة بكري
جيهان :مش عارفة وين يهرب مخك انت
اسيل : الله عليا واش حكينا .. هيا انا دوشت خفي مالا البسي و نهبطوا نفطروا من بعد نجي نشفلك شعرك و نعاونك فيه
جيهان : اوك حبيبة .
اسيل : هيا نخليك انا نهبط نعاون ط.زهرة خليتها وحدها ..
جيهان : اوك ...

اسيل راحت عند ط.زهرة تعاونها و جيهان ستنات verni ينشف و لبست قشها خلات فوطة على راسها رشت شوية بارفان و هبطت غير شافتها ط.زعرة زغرتتلها .. سلمت عليها و جمعوا يفطروا ..
ط.زهرة : يا ربي حمد لله كي لحقت لهذي لحظة
جيهان : ربي يخليك لينا و يطولفي عمرك ..
ط.زهرة : و بنتي اسيل ربي يجيبلك سعد هنى و هكذا نموت مرتاحة و مهنية عليكم
جيهان شافت في اسيل : بعيد شر عليك
اسيل : جيهان اذا كملتي انا ني طالعة .
جيهان عرفتها و فهمتها هزتلها براسها ..
اسيل طلعت لبيتها و جيهان بقات شوية مع ط.زهرة باه تغطي على ختها ..

جيهان : هيه طاطا انا نطلع فوق باه تعاوني اسيل ..
ط.زهرة :اوك بنتي
جيهان: كتعييش روحك ..
ط.زهرة: غير متخافيش اسيل حابت خدامات باه يتعاونوا و انا راح غير نقولهم واش يدروا برك ..
جيهان: اوك ..