Mageía High: Grimoire of Astria

23. Border

BORDER

[Xena]

Natigilan sa mga ginagawa nila ang mga taong kasama ko sa silid. Pati na rin ang grupong umatake sa amin ay pare-parehong natigilan.

Hindi na nagawang makasagot o magpakita man lang ng reaksyon ang lalaking kaharap ko. Tuluyan ng nagbago ang buong katawan niya. Nagsilabasan ang itim na balahibo sa kanyang katawan at unti-unti siyang lumiit.

I turned him into a crow. He can neither speak nor show emotions.

"Nine!" pagtawag ng isa sa mga kasama ng lalaking kaharap ko.

Nang marinig ko ang boses niya ay parang nagising din ako sa realidad at nawala ang dilim na nakapalibot sa akin kanina.

Sunod-sunod na nagsilapitan sa kaniya ang mga kasama niya.

"Anong ginawa mo?!" inis at hindi makapaniwalang sambit ng isang lalaki.

Walang kaemo-emosyon lamang akong tumingin sa kanila at muli kong tinapunan ng tingin ang lalaking ginawa kong uwak.

By the time that you'll turn back to normal. I've already destroyed the Grimoire of Astria.

"We're done here. Let's go," walang gana kong sambit.

Nauna akong lumabas kaysa sa mga kasama ko na nabigla at naguguluhan din sa nangyari. Pero kahit hindi rin sila makapaniwala, ay mabilis silang natauhan at sumunod sa akin.

"U-Uhm. Thank you Xena," biglaang sambit ni Tana, na mabilis na sumulpot sa gilid ko.

Isang tango ang sinagot ko sa kaniya at nagpatuloy ako sa paglalakad. Kahit bakas sa mga mukha ng mga kasama ko na gusto nilang magtanong ay nanatili lamang silang tahimik.

Nagpalitan lang sila ng mga nangungusap na mga tingin, pero walang naglakas loob na magsalita.

Hindi nagtagal ay nakarating kami sa border ng Kanyes. Lumagpas kami sa border at bumungad sa amin ang nagtataasang mga puno na para bang walang katapusan. Hindi tumatama ang mga bunga at dahon nila sa isa't isa.

Ang mga natatapakan namin ay ang malalaki nilang ugat na gumagapang sa haba.

Dito kami dadaan mula ngayon hanggang sa makarating kami sa susunod na bayan.

Naging tahimik ang paglalakad namin pero hindi rin nagtagal ay may bumasag sa katahimikan.

"I can't fucking take this," biglaang sambit ni Zairah.

Natigilan kami sa paglalakad at napunta ang lahat ng tingin at atensyon namin sa kaniya. Nang lingunin ko ito ay matalim siyang nakatingin sa akin.

"Ano? Magbubulag-bulagan lang ba tayo?" muling sambit ni Zairah.

Itinaas nito ang hintuturo niya at itinuro niya ito sa akin.

"That girl just freaking turned a Disciple into a crow!"

She gave me a look of disbelief. Malalim akong napabuntong-hininga sa sinabi niya habang nanatiling nakinig sina Raze at Lei. Sa kabilang banda ay bakas ang kaba sa mukha ni Tana.

"Who are you, Xena?" mariin na tanong ni Zairah. "Where are you from? Where did you learned those spells? Just who are you?"

Nagtama ang mga tingin namin—hindi kaagad ako sumagot. Tuluyan akong humarap sa kaniya at hinabol ang mga tingin niya. Balak ko na sanang magsalita nang may nauna sa akin.

"Come on Zairah, this is not the time. Hindi na tayo aabot sa Frencide sa tamang oras kung mag-aakasaya pa tayo ng panahon dito," sambit ni Lei.

"And what's with the fucking question? She's a witch, just like us. Natural na may mga alam siyang spells," dagdag ni Raze.