[الاثـر] بـهـرة الـشـيـذبـان

بـارتـ 24

ذكروها وعاده اليذكر يحن
والروح لأهل الروح حنت ❤️
.
لعريان السيد خلف
______________________________

.. كعدت مبتسمة ولأول مرة طبعاً!
ضليت شويه، بفراشي ع الدفو

بعدها كمت مشطت شعري
وخليت مكياج خفيف مجرد كحلة ومسكارة
وحمرة وسويت شعري ضفيرة صفح
وخليت الحجاب شلون مجان ونزلت

هدوء كالعادة باب غرفة رعد مفتوحة
يعني كلهم جوا

نزلت كاعدين

رعد نايم ع حضن أمه
وعمر منتجي ع التخم وصاير ورة ظهر أمه

ودعاء بلمطبخ والصوبة والجاي
والأجواء تخبل أول ما انتبهوا عليه

كلهم ابتسموا
وعمر أشر الي اكعد يمة!

تقدمت وكعدت يمه اتقرب عليه وكال

_من بعد اذنج بس الدشداشه ضيكه
وكتلج هيج نوع لا تلبسين
وفوكاها حاطة كيلو ألوان ع وجهج
وشعرج مبين ليش؟؟؟

ابتسمت وباوعت عليه
_شنو تغار؟

_لا يابة شغار عادي لوضع
بس اذا ما تريدين تموتين ليوم
لا اتكومين كدامي خليني عاقل!

ضحكت بصوت عالي بدون ما انتبة
وباوعت ع رعد رفع رأسه وغمز النه وكال

_صلوات على النبي اليوم متراضين
بس حضي معاند

ردت إله دعاء وهيا تجيب صينية الستكانات

_عمر ليش ما تسكت ترا كلبي مورم منك

رد عليها
_عبير عبير ما وجهة الحجي الج
فـ انجبي

ردت
_عمر لا تغلط ترا اروح لبيت اهلي والله
وبعد ما اجي

رد عليها وهوا ينهض نفسة
_حتى احش رجولج حش إذا طلعتي من هل باب
بعد وتعوفيني افتر وحدي

_عمر
رادت تحجي

وسبقتها عمتي واني وعمر شبعنه ضحك عليهم

_ليش ما تسكتون اثنينكم
دوختوووني وبليتوا هل ثنين وياكم
عمي يا دعاء اني رضيت وقبلت
انتي شكو معندة ويا الرجال

رعد_اي يمه دخيلج احجي مو موتتني بعنادها

ردت عليه
_انته أنجب وخليني اكمل كلامي

_يمه احترمي شاربي عاد زلمة شكبرني وتكليلي
أنجب شو عمر من يحجي ما تكليله هيج

رد عمر وهوا يضحك
_خير خير خير شكو اني شدخلني
انته ومرتك وامي اني شكو

رد علية
_طبعاً انته الله ربك اليوم
تباوع عليه ماتشوف الضحكه واصلة لأذنك
اسكت ترا اني فضيحه

ضلوا يتعاركون واني ودعاء انسحبنه
للمطبخ ونضحك عليهم

همة وامهم الة شوية تصير من الروس