[الاثـر] بـهـرة الـشـيـذبـان

اربـَع واربـعـْون🍂

أنــطي بيـك وگلبي مـا يـنطينـي
تموت عــيني وما تموت بـعــيني

|| حــسين عــلي المطوري 🔖||

__________________________________

..
فتح الصوت وخله كباله وحجه

_ها عمر شلونك خوية؟

رد عليه بصوت تعبان ومرهق!
_هلا بيك ازهر اكلك.

_كول خويه!

_بلا أمر عليك
بيتنه الي بلرمادي الي اخذنه
وره وفاة ابوي وعفنه؟

_اي خويه شبي!

_انته مو خليت بي عائلة
ام وبناتها ثنين واحنى اتكفلنه بيهم؟

_اي عمر الزبدة شنو؟

اخذ نفس وحجه
_اخذ عبير يمهم خليها هناك
مدام بس نسوان ومنطقه بعيدة
عن لمدينه وما بيها احد خليها تروح
انته الوحيد الي أثق بيك؟

باوع عليه وحسيت بي عصب
واني نزلت راسي وكمت شلت الستكانات
و وكفت اغسل بيهن!

وهوا اخذ تلفون وطلع برا

لدمعه نزلت بقهر بس كبل مسحتها
وخليت القهر بكلبي
وكملت
عزلت المطبخ وطلعت منه؟

صار بوجهي ازهر

_خويه لااا...

قاطعته بأبتسامه وكلت

_اروح يمهن عادي عيني
لا تتعب نفسك!

رفع حاجبه وحجه بعصبيه
_انتي مسودنة يولي
اني اخليج تعتبين برا لبيت لا والله
وانا الأزهر؟

ضحكت وكتله
_هاي انته هم

عكد حواجبه وحجه
_شنو حتى اني

_لا هيچ انسه
لمهم خويه ماقصرتوا
ومثل مكال عمر بس نسوان اني إلي راح
ارتاح واصفي بالي

_تروحين تصفين بالج اي
مال تروحين بدون رجعه لااا مامسموح
وذا هيج ناخذ لبنات وامي وهيا تحب لمكان
نكضي يومين ونرجع شتكولين؟

_مو مال طلعات ونسه هسه!

_خايبه سكتي اصلاً وكتها هسه
لمهم معليج انتي روحي كملي نومتج
وباجر نشوف شيصير حتى نروح..

_ابتسمت ابتسامه جانبية
وعفته ومشيت. !

صعدت جان لجو بااارد رغم
انه الغرفه بيها تدفئة
لفييت نفسي بـ البطانية
حييل وغمضت عيوني

ورجعت ابجي من سمعت صوته ردت روحي
بس كلامه جان مثل الخنجر
حسيته بس يريد يخلص مني؟....

وهوا اني منو يريدني!

هل شي خلاني اززيد بجي
ولقهر يزيد كل ماذكر

لزمت بطني.
_حبيبي لخاطرك راح احاول ويا أبوك مره ثانيه.
حتى لاتجي وتلومني
وتكول خليتي ومشيتي وعفتيني بدون اب!
.