[الاثـر] بـهـرة الـشـيـذبـان

بـارتـ 25.....

متوهمين..
ظنينه النفوس .. اطيب
گلنه النار تبرد ..والجرح يبره
وحگك.
مابرد موگد حزنه اعليك
مره انوح سكته
ونشتعل... مره

غانم الفياض
__________________________

صعدت مثل النار براسي
و باوعت عليه بغضب

جان يحاول يهديني بنظراتة
بس هيهات وهيا واكفه كبالة

وايدة بأيدها!

دفعت ايدها بكل قوتي
ووكفت كبالها وهوا لزمني من خصري عباله راح اكتلها..

حجيت بهدوء

_شوفي يا نسرين عيني
عمر لمنو عمر الي واني لعمر سوالف مراهقتج
هاي بطليها ولعبيها ع غير واحد لأن عمر امثالج
ما يكلبها..

ردت بكل برود
_دخل يتأكد منج بنية لو لا؟

باوعت علية
ردت احجي وهوا جاوبها

_اجفي الشر يبنت الناس
وعوفينه منه الناس وضباط وعالم غرب
لتخلين الصوت يطلع

قاطعته وأخذت ايدة
وخليتها ع بطني وكلت

_اي حبيبتي ويمكن حامل هم فـ عمورتي يخاف عليه خاف اهجم عليج وااكلج اكل لزمني
يخاف تدرين بأول أشهر الحمل يصير صعب

فتحت عيونها جنها بومة
وعافتنه وراحت..

عمر كبل جرني لغرفتة امه
وحجه

_عبير كافي لا تحجين وياها بعد
عوفيها لخاطري

_تمام بعد مااحجي بس لا تلومني إذا داست ابطني
وحق الله أكلها وشيصير خلي يصير

ضحك وحجه
_لا يولي الطفل لا يكع واحنى كوه سوينه
حرام مو
وغمز

ضحكت وباوعت عليه

عمر_لا تضحكين بعد كدام احد
هل غمازات ماريد احد يشوفهن غيري خوش

هزيت براسي بمعنى ايي

أجا باسني براسي وعدل حجابي
ولزم ايدي وطلع

وكدام الكل ضل لازمها
وجان لكل كاعدين

نسرين وأمها وبنات عمة بس صغار
واخواته ولكل

حجه
_كواكم الله يابة

ردن عليه لكل
(الله يكويك)

_بس الصوت واصل للديوانيه
مال ضحك خففن شوية عيب زلم غرب يمنه

وديربالكم ع مرتي ترا حامل
وضحك وعافني وطلع

_الوجوهه كلها عليه
والي تسئل والي تضحك وتكول بسرعه
ودعاء وعمتي مصدومات
ونسرين من القهر صارت عيونها حمر هيا وامها

حجت اخته الجبيره هيام

_صدك عبير انتي حامل

رفعت راسي وابتسمت
وحجيت بثقة وكأني صدك حامل وفرحانة