[الاثـر] بـهـرة الـشـيـذبـان

بارتـ 28....

لو نكدر يروحي
نطير فوك الغيم
فوك الضيم فوك
دروبنه الضيكات
حتى الخطوه تمتد
والمسافه تطول
وتكبر بالنهايه
احلامنه الحلوات
________________________________

شدن _
جنت كاعده واذكر هل ايام الي جان يجي بيها
ويضل يباوع عليه بدون حجي
وذكرت موقف رأس السنة وجانت اول مرة ابتسم إله

رجعت ابتسمت بس هل مره تختلف
جانت بقهر وندم
ويا دمعة وحسرة!

جان الجو حار والناس كلها نايمه
بهل وقت لأن رمضان عدهم وصيام

واني كاعده بالحديقة واباوع ع السما
ماااحس ابد بحرارة الجو ابد

ماحس غير امي تحرك بيه وتكول
_شدن يمه شبيج كاعده هنا وبهل جو!

خوفها عليه وقلقها وحبها الي
واني هيج سويت بيها

خلاني هل موقف أكوم واحضنها وابجي بحضنها

_يمه شدونه شبيج حبيبتي عادي اذا م
ضايجه لأن من كتلج لبارحة تعاي ساعديني وما اجيتي لأن جنتي نايمه عادي لمهم لا تنزل دمعة من عيونج
والرب انقهر امي نتي حبيبتي

وخرت من حضنها واني امسح
دموعي بكفي..

_لا يوم اني إلي اسفة الج وهواي اتمنى تسامحني

ضحكت ولزمتني من أيدي وطبينه

اني صعدت لغرفتي
وهيا ضلت جوا تطبخ

ماعندي احد اشكيلة أو أكلة همي ومصيبتي
مصيبة ما تنحل ابد...

بس اني الوحيدة بهل بيت الجبير
ويا اب مايرجع للظهر يتغدة وينام
وام كل وقتها بلطبخ والتنضيف

جانوا موفرين كلشي الي
شنو احب وشنو اشتهي جان يجي قبل لا اكول
ومدلليني لان اني الوحيدة وع كبر أجيت

بس للأسف اني كسرت رأسهم بعملتي هاي
غطيت نفسي وكل مااذكر ذاك اليوم اشمئز من نفسي

يوم الخميس ساعة 10:30 مساءاً.
بنفس السنة شهر الـثالث..

بهل وقت جنت انزل من الغرفة بعد ماا خلص دروسي
انزل اتفرج تلفزيون ويا اهلي.
شوية واصعد ع حسب الفلم وطولة...

بوقتها جان فلم مصري ويضحك.
كملته وصعدت...

اباوع ع تلفوني جانت مكالمات
َمن رقم غريب!

مامتعودة اجاوب ونوب لوقت متأخر
عفته ونمت..

ضلت الاتصالات متواصلة
بس يفصل يرجع يدك..

رفعت التلفون وفتحته وخليته
ع أذني بدون مااحجي

ما حجوا ضليت خالته ولا اني احجي ولا همه
سويتها عناد وضليت ما سديته بكلي يخلص رصيدهم

شوية واجاني الصوت
هادئ كلشش وهواي يحجي..

_فدوا لهل أنفاس هاي اروح فدوا
يابة!