[الاثـر] بـهـرة الـشـيـذبـان

بارتـ33⚔️

_______________________________

بعد رجوعي من المستشفى!

وصلنه وشفنه نسرين ومنذر..
كبل حجيت مااتحملت

_عمر ماريد اشوفها هنا ونبي هسه انزل
وانعل ابو الطفل وامخلها والله

باوع عليه وابتسم
_ترا اني ابو الطفل يولي
بس يله معذورة
هسه انزل احجي وياهم!

_خير خير وين تنزل خيير

_تريدين نضل كاعدين هنا؟

_اي تعال انزل شيلني اني ماكدر امشي
واخاف ع الطفل يله!

_صار تأمرين.

نزل وأخذ غراضه
وفتح لباب وشالني!

جانو وراي ماكدرت اشوف وجهه
راد ينزلني وعطت

_اخ اخ بطني لا تنزلني وصلني للغرفه
احسن!..

ضحك وباوع ع سيارتهم وكال

_تدللين عبورتي تدللين!

جان لبيت فارغ
بس احنى وبيت شدن عالكي علك من الأغاني

صعدني للغرفه
وكعد يمي وحجه

_هاهيه هل مره أن شاء الله ثابت شو حاس راح يجي ولد صغيروني وابيض مثلج
واسمي صكر!

_صكر شنو عمر لا مو حلو

_ابني واني حر لا تدخلين ابيناتنه بالج؟

_لا والله واني شكو اتعب تسع أشهر!

_واني شسويلج احبل بمكانج قابل
وبعدين الله كتبها عليكم اني مدخلني

_خلي يجي والله كريم هسه
بس هَم مااسمي صكر

_يبوووو ع عنادج يبووو
الله يعيني عليج!

_هسه أريد ابدل شلون؟
واسبح والمكياج لسه بوجهي

_كومي اسبحج!

رديت بانفعال
_لا لا هسه تجي دعاء

ضحك بصوت عالي ومسح ع شواربه
_شنو تستحين

_لا مو قصة استحي
شغلات متعرفها لا تسئل بيها
لتعصبني عمر هسه تجي دعاء

_أكلج انتي راح اضلين تسع أشهر هيج مطنكرة
وما تتحاجين

_اييي عندك مانع؟

_لا ماعندي لمهم راحتج!

_اي عفية

_أضل يمج بين ماتجي دعاء لعد

أجا تمدد يمي ولزم ايدي
وباسها

حجه!
_عبير أكلج؟

_كول عمري

_تحبيني مثل ما احبج يولي!

_اموت عليج مو بس احبك عمورتي
بس ليش هل سؤال؟

_اني هواي اذيتج وسمعتج كلام ابد ما تستاهلي انتي