[الاثـر] بـهـرة الـشـيـذبـان

بارتـ27...

___________وتروح مني ، بلا حرص
وتعيش عادي بلا نقص
تاكل بدوني ومــا تغص
يـا عيـنك الماتشبع .__________________

.. كمل واني كمت سبحت!
وكعدت وجان فكري بعيد حيل

شلون تفوت وتأخذ التيشيرت هيج
وهوا عادي عندة حتى مااانطة اي رد فعل

معقوله بس راد يخلص منها
وهيج سوا
ضليت بصفتني وهوا نايم..

نزلت ع عمتي جانت كاعده تتفرج تلفزيون هيا وبناتها

كعدت بصفها وجان مبين علية
التوتر والقلق..

باوعت ع وجهي وكالت!
_اسم الرحمان بنيتي شبيج
وشبي وجهج اصفر هيج

جاوبتها
_عمة عادي نروح لغير مكان اريد احجي وياج

_ليش يمة ذني هم خواتج وأول وتالي يعرفن
احجي يمه لا تخافين

تنهدت وباوعت عليها
_عمة شفت نسرين بغرفة عمر ولازمه ياختة
وهوا ما منعها وقبل شوية اجتي أخذت تشيرته
وكالت إله عاجبني وهم ما حجه شي عمه خايفة.

فتحت عيونها ودكت على صدرها وباوعت
ع بناتها..

_صخام صخام صخام يا ستار استر
يا ستار استر
ولج شلون تخلينها تأخذ تشيرت رجلج

كمت وحجيت بتوتر
_عمة شبيج اصيحين غير هوا انطاهيا..

صاحت
_ولج يمه هيام عبايتي عبايتي
وانتي البسي هاي الصاية ووراي بسرعه بدون حجي

_عمة وعمر

_طاحظج وحظ عمر كلت امشي..

لبست بسرعه وطلعنه وكلشي ما مفتهمه
بس إخوته صارت وجوهن صفر
ويحجن ابيناتهن والا شوية
يبجن

طلعت وصدفة جان ازهر
موجود يم باب بيت شدن

باوع علينه وعمتي صاحته
لاف سيارته وكبل صعدت بدون مقدمات

حجه
_هلا والله  بلغاليه خالتي وهلا ببنت العم شلونج
وشبيجن هيج مخطوف لونجن

ردت عليه عمتي
_اخذني لبيت ابو منذر بسرعه
واني احجيلك

مشه بسرعه ومكال شي..
و يباوع عليه بلمراية ونظراته كلها تسائلات

ازهر_الغاليه يابة شكو غير افتهم

حجت ويا عمتي وصدت عليه باوعت بحقد

وردت علية
_يمه هاي الغبرة الوراك
مطيه تشيرت العمر
لنسرين وتدري نسرين تريد الاغبر ابني

ثنينهم الله مطيح حظهم وماصدكنه تصفه الأمور
وهسه راح ترجع وبلاسوء
بس بلكي الححك

ربي بجاهه شهرك الفضيل هذا احمي العمر وعبير
من كل شر واحرسهم وابعد عنهم كل شر

حجه وهوا يباوع عليه بلمراية
والغضب مالي وجهةة