POSSESSIVE 1: Tyron Zapanta

CHAPTER 3

CHAPTER 3

NANG MAGISING si Raine, napakunot ang nuo niya ng mapansing hindi pamilyar sa kanya ang silid. It took her a moment to realize she was not in the comfort of her own room. Naroon pala siya sa isa sa mga silid na condo ni Tyron.

Bumangon siya at ininat ang mga braso bago bumaba sa kama.

Ipinalibot niya ang paningin sa kabuonan ng silid. Kanina ng sabihin ni Tyron na dito siya magpahinga, walang tanong-tanong siyang humiga sa kama dahil sa pagod. Ngayon, nako-curious siya kung sino ang may-ari ng silid na ito. Maybe it's a guest room.

Tumigil ang mga mata niya sa picture frame na nasa night stand. Larawan iyon ni Tyron na naka-tuxedo ito. Nakangiti ito sa camera. Parang gusto niyang magselos sa kung sino man ang kumuha ng litrato ng binata. Whoever took the picture must had been very blessed that day. Kung gwapo si Tyron na seryoso, mas sampong beses itong gwapo kapag nakangiti.

Ipinilig niya ang ulo para mawala sa utak niya ang iniisip.

"Sino kaya ang may-ari ng kuwartong ito?" Kapaguwan ay tanong niya sa sarili pagkatapos ay naglakad patungo sa isang pintuan.

Thinking that it was the bathroom, she opened it but only to be taken aback at what she saw. It was a closet. At lahat ng damit na naroon ay pag-aari ng lalaki! This couldn't be Tyron's room! No way in hell!

I think the photo frame in the night stand is enough proof that this is his room. Anang boses sa isip niya na ikinaawang ng mga labi niya.

Bakit naman niya ako patutulugin sa silid niya? Wala bang ibang silid ang condo na 'to? That was impossible! Siguro naman may spare room ito para sa bisita.

Dahan-dahan niyang isinara ang closet at binuksan naman ang isa pang pinto. It was the bathroom. Lahat ng gamit doon ay panlalaki. Mula sa shampoo hanggang sa aftershave hatalang lalaki ang palaging gumagamit sa naturang banyo.

Humugot siya ng isang malalim na hininga bago isinara ang pinto ng banyo. Pagkatapos ay naglakad siya patungo sa pinto ng silid at akmang bubuksan niya iyon ng biglang bumukas and pinto at tumama sa nuo niya, dahilan para mapa-upo siya sa sahig.

She groaned as pain coursed through her butt up to her lower spine. "Aray!"

"Anong ginagawa mo riyan?" Boses iyon ni Tyron at mukhang natatawa ito sa posisyon niya.

Tiningala niya ang binata at pinukol ito ng masamang tingin. "Ano sa tingin mo? Tinamaan ako ng pinto ng buksan mo!"

Amusement filled his eyes. "Oh. Sorry." The asshole didn't sound sorry at all! Pinagtatawanan siya nito for Christ's sake!

Mas lalong sumama ang mood niya. "Bwesit ka! Help me up, will you?"

Inilahad nito ang kamay sa kaniya. "Tayo na."

Pinukol niya ng masamang tingin ang kamay nito bago tinanggap ang tulong nito. Nang maglapat ang kamay nila, parang may kuryenteng dumaloy sa kamay niya patungo sa braso niya hanggang tumagos iyon sa puso niya.

Malakas na hinila siya nito patayo, dahilan para mawalan siya ng balanse at mapasubsob siya sa dibdib nito. Napasinghap siya ng tumama ang nuo niya sa dibdib nito. Ewan ba niya kung anong mayroon ang katawan nito dahil sa tuwing nagkakadikit ang katawan nila ay para siyang napapaso.

Kaagad siyang umayos ng tayo at inagawa ang kamay na hawak nito. "Salamat."

"You don't sound thankful to me," pambabara nito sa pasasalamat niya.

Kung may kapangyarihan lang siya na kitlin ang buhay nito sa pamamagitan ng pagpukol dito ng masamang tingin baka pinaglalamayan na ito.

"Don't glare," anito sa mahinahong boses. "Hindi bagay sayo."