" မပြန်သေးဘူးလား..."
နေရာကထရပ်ရင်းမေးတဲ့ဘေးကကောင်လေးကို စာငုံ့ကူးနေရာကမော့ကြည့်ပြီး ပြုံးပြလိုက်သည်။
" ဒီတစ်နေ့စာတော့ အပြီးကူးသွားမှဖြစ်မယ်... အကြွေးတွေထပ်နေပြီ"
" ရပါသေးတယ်... ဆရာက ဒီအပတ်အချိန်မှထပ်မပါတော့တာ... ငါနဲ့တူတူလိုက်ခဲ့မလား... လမ်းကြုံပို့ပေးမယ်လေ "
" အာ...ရတယ်... ဒီနေ့ကားယူလာတယ်...ကျေးဇူးပဲ ..."
'' ပြီးရောလေ ... see you ''
ကောင်လေးကပြုံးပြီးလက်ပြကာ ထွက်သွားသည်။
ဒီကျောင်းကိုရောက်မှ သိကျွမ်းခင်မင်တဲ့လူကတော့ပိုများလာပေမယ့် အရင်ကလိုစိတ်ရောကိုယ်ပါ နီးကပ်စွာပေါင်းသင်းဖြစ်တဲ့သူငယ်ချင်းဆိုတာ မရှိသလောက်နည်းသွားရလေသည်။
ခုံတန်းတစ်ခုထဲကပ်လျက် နှစ်ခါလောက်ထိုင်ဖြစ်လျင် ကျောင်းထဲကမုန့်ဆိုင်တွေမှာ တစ်ခါနှစ်ခါလောက်မျက်မှန်းတန်းမိရင် အလိုလိုပင်ခင်မင်သိကျွမ်းသွားတော့တာပင်။ဘယ်သူနဲ့မှ စွဲစွဲမြဲမြဲမတွဲဖြစ်ပဲ ကြုံရာလူနဲ့ကြုံသလို လိုက်လိုက်လျောလျောနေလိုက်တာက အကျင့်ပင်ဖြစ်နေပြီ။
White Board ကိုမော့ကြည့်ကာ နောက်ထပ်စာတစ်မျက်နှာလောက်ကူးပြီးတော့ အတန်းထဲမှာလူမကျန်သလောက်ဖြစ်သွားပြီ။လက်လည်းအတော်ညောင်းသွားပြီ....။
လက်ချောင်းလေးတွေတဖျောက်ဖျောက်ချိုးကာ အညောင်းအညာဖြေပြီး စားပွဲပေါ်မေးထောက်လျက် ကျောင်းသားတွေဖြတ်သန်းသွားလာနေကြတဲ့ အခန်းအပြင်ဘက်ကိုငေးရင်းက စာဆက်ကူးဖို့ပျင်းလာရသည်။
ပြန်ရင်ကောင်းမလား .... ဟိုကောင်လေးပြောသလို ဆရာ့အချိန်ကဒီတစ်ပတ်အတွက်ဒီနေ့နောက်ဆုံးပဲဟာ ... စာမေးဦးမှာမှမဟုတ်ပဲ ...
ကိုယ့်အတွေးကိုယ်သဘောကျကာ ပြုံးစိစိဖြစ်နေတုန်း... အရှေ့ကဖြတ်သွားတဲ့ကောင်မလေးက သူ့ကိုနှုတ်ဆက်တယ်ထင်ပြီး လာပြုံးပြနေတာမို့ ပြုံးလက်စနဲ့ရောယောင်ပေါင်ယောင်ပြန်ပြုံးပြရင်း ရယ်ချင်ချင် ...
ဟာသတွေပဲ...
စာအုပ်တွေကိုသိမ်း .. အခုထိမပြန်သေးပဲ စာအုပ်ဖတ်နေတဲ့ဆရာ့ကိုနှုတ်ဆက်ကာ ထွက်လာခဲ့သည်။
