تملكتك بنار هوسي

الجزء: 42

💥مشاو كاملين باتجاه منزل قديم وسباغتو مقشرة ...
بابو مصنوع من الخشب لكن باالي متكون من ثلاث طبقات ..
دخلو للطابق الأول وتاجهو لغرفة من أصل غرفتين وصالون صغير ومطبخ وطواليت....
الغرفة كانت فيها مكتب صغير وعليه حاسوب كبير وبجنبو حاسوب جديد مع بزاف ديال الخيوط والات غريبة...
تقدم النويطة هو الاول وجر الكرسي لي أمام المكتب جلس فيه وخلاهم هما واقفين ..
اسامة سبو على قلة ادابو ومشى جاب لحسناء كرسي من الخارج جلست فيه وهما بقاو وراهم واقفين....

عند ستيف لي وصل أمام الحي الشعبي وهو عاقد الحداش .. نزل من سيارتو وتلقاو ليه الكارد لي كانو مخفيين ...
تكلم ستيف موجه كلامو للكارد: فين الدار
الكارد : تفضل نوريها ليك اموسيو...

تقدم الكارد وستيف من وراه وهو كيشوف فالحي ومتعجب من كيفاش الناس عايشين فديور راشية لي فأي لحضة ممكن يريبو ( الفقر وقلة الشي لي دارتها اوليدي...)

وصلو اخيرا أمام الباب لي كان مزال محلول ...
خوا ليه الكارد الطريق ودخل بخطوات موزونة وهو كيوزع نضراتو على الارجاء...

سمع اصوات رجالية كثيرة جاية من غرفة امامو تقدم وهو كيتارق السمع حتى سمع صوتها كتقول : لا راه بدلها

وقف أمام باب الغرفة حتى زاد عقد حواجبو فور ما لمح خمس شباب شماكرية عاطينو بالضهر وهي جالسة وسطهم

رفع حواجبو على اثر كلامها وهي كتقول: ما عرفتش كنيتو عرفت غا سميتو ستيف وراه رجل أعمال فشركة ***
النويطة : واخة بلاتي...

نطق بنبرة صوت غليضة : انا جيت حتى لعندك وما تحتاجيش تقلبي عليا مزال ....

فمكان آخر...

قناصة سوداء فوق سطح لبناية عالية من بنايات الدار البيضاء القناصة كانت مستهدفة رجل خمسيني بكرش كبيرة وبشرة بيضاء...

داخل شقة من عمارة أمام البناية كان الرجل جالس بسليب قصير وعريان من الفوق....
كيشرب بشراهة المشروب ويضحك بصوت عالي مع عاهرة شابة امامو...
نقطة حمراء كانت تابتة و محطوطة على رأس الرجل ..
العاهرة لمحتها وتعجبت من اصلها يالاه جات تقولها للرجل حتى تطاير دمو على وجها على اثر الرصاصة لي ختارقت راسو...

العاهرة جمدت من الصدمة أمام منضر جثة الرجل لي فارق الحياة و مستلقي على الارض وحوض من الدم داير على راسو...
من بعد ما ستوعبات الأمر شهقت قبل ما تغوت بصوت عالي وهي كتبكي بهستيريا...

فسطح البناية كان جسم ضخم مرتادي ملابس سوداء

جمع قناصتو فحقيبة مخصصة ليها وهو عاقد ملامحو المخفية بقب القبية السوداء لي لابس ...
جبد قنينة صغيرة للمشروب...
احتساها كلها ورفعها للاعلى بيدو المزينة بوشوم غامضة و قال باللغة الانجليزية بصوت شجي وشرير ... : نخب الموت ضحيتي ...
لاح القرعة للاسفل ودار مغادر المكان ...