تملكتك بنار هوسي

الجزء: 72

💥فالمملكة المضلمة...
وفغرفة اسية والروجار ...
اسية كانت فحضن الروجار ومتكية على كتفو وهي حالة فمها فالتلفاز ... فحين هو كان خدام من حاسوبو بكل تركيز ....

تسالا الفلم الكرتوني لي كانت كتفرج فيه وهي تهز عيونها فالروجار وبقات شاردة بعشق فملامحو الرجولية ...
هو عيا وضرو عنقو لأنه مدة طويلة وهو خدام ...
حرك عنقو حتى تطرطق بحركة خلات عيون اسية يخرج منهم القلوبة ...

سد الحاسوب وهزو حطو جنبو فوق الكوافوز وضار بوجهو عند اسية لي كانت غاتاكلو بنضراتها ...
ابتاسم ليها ابتسامة بشوشة وقال بصوت خشن وهادئ
الروجار: مالك افراشتي ...
اسية قالت بدون شعور وهي كتعض شفايفها : ناري حسدت راسي عليك انا لي ديت الزين والروجولة والفوحولة سعداااتيي ...
الروجار رفع فيها حواجبو لأنه لاحظ انها ما بقاتش كتحشم منو كيف كانت قبل وهادشي عاحبو ...
جرها أكثر وسط حضنو وقبل جبينها بعمق وقال .. : الحظ هو لي عندي انا ملكت احسن فراشة على وجه الكون ...
اسية حنوكها تزنكو بخجل وقالت : بصح...
الروجار عقد حواجبو وقال : عندك فيها شك .. امم علاش تزنكتي رجعتي تحشمي مني ثاني..
اسية : لا ولكن تايعجبني الحال مني كتقول لي فراشتي والفرحة كتجمع فخدودي ههه...
الروجار ضحك بصوت عالي وقال : هههههه بنتي الصغيرة كلامك بريئ و حلو كيخليني نزيد نغرق فيك نهار من بعد نهار ...
اسية عنقاتو بدلال وقالت : اممم حتى انا كنحماق عليك ...

الروجار وساعت ابتسامتو وهو ساهي امامو ...
رن هاتفو... هزو وجاوب بدون ما يخرجها من حضنو...

الروجار: الو ....
المجهول قال بصوت هادئ: كاع صحابي لي كان مستحيل قلبهم يتحرك لأنثى سقطو ضحايا للحب وتزوجو... مبروك....

الروجار غمض عيونو باشتياق لصاحب الصوت وقال وهو مزال محافظ على ابتسامتو وكيلعب بشعر فراشتو ...

الروجار: جاية نوبتك ...
المجهول: غاتعرض عليا لعرسك ولا غاتقلب كيف درتي من زمان ...
الروجار : كنت ناوي نعرض عليك ولكن انت سبقتي الاحذاث...
المجهول: غانحضر بغيت نشوف شريكي القديم فعرسو...

الروجار: سمعت راك فالمغرب ...
المجهول: حتى انا سمعت انك من وراء مقتل اليد ليمين لرئيس عصابة الضل ...
الروجار: وعلاش ما درتي والو ...
المجهول: كتضن اني بليد نتحرك بلا دليل..
الروجار : إذن شكون أكد ليك بلي انا ...
المجهول : سنين طويلة من العشرة خلاتني نفهمك بلا ما تهضر اصاحبي ...

الروجار قال وهو مبتاسم ابتسامة صغيرة زينت وجهو : نشوفك فالعرس...
المجهول: شكرا على الدعوة ...

تقطعت المكالمة ...
الروجار حط الهاتف وهبط عيونو لأسية لي كانت كتشوف فيه بحال شي قطة قالت بتسائل : معامن كنت كتدوي ..
الروجار قبل بين عينيها بحب كبير لهاد الفراشة لي حركاتها كيساليو معاه وقال ... : مع صديق طفولتي ...
اسية : ا اه مزيان ...اوا امتى غيجيو با ومي وخواتاتي...
الروجار : العشية غيكونو هنا ...