تملكتك بنار هوسي

الجزء: 74

💥ففيلة المالكي ...
من بعد ما تمت خطبة سيف ومريم ... رجع السي يوسف للفيلة مخلي سيف خارج مع مريم...

كان جالس فمكتبو ومرجع راسو للخلف ... هبطت دمعة من عيونو وهو كيتفكر المرات القليلة لي تلاقا فيهم مع بنتو ...
برائة اسم على مسمى ... من اللحضة لي لمحتها فيها عيونو وهو حاس تجاهها بالابوة والقرابة...
كانت قريبة منو لكن ما لقاهاش...

غمض عيونو بألم فور تذكرو لليوم المشؤوم لي فقد فيه مرتو وبنوتو دقة وحدة ...
زير على يدو بحقد وهو كيتذكر سبب ابتعاد بنتو عليه ...
لو ما يعقوب قتلو وهو صغير لكان هو لي قتلو لكن كان غيعدبو حتى روحو تستنزف قدرتها على التحمل ... وشكون من غيرو .. المجرم لي دمر حيات زوج اسر قراب لبعضهم (زوج ام يعقوب..)

فتح عيونو وهو كيتذكر الليلة لي عرف ان برائة بنتو ...

Flash back

من بعد مدة مرت....
وقفت سيارة أخرى جنب سيارة الفوكس وهبط منها السي يوسف لي موجه نضراتو صوبو هو لي ما كلفش نفسو يثلفث عندو ....

اقتارب بخطواتو حتى وقف جنبو ...
قال بجدية قبل ما يجبد السجارة ويدخن: شنو تما...

الفوكس خدى نفس عميق وبقى صامت للحضات ... هز راسو للسماء وقال بصوت هادئ: جيداء المالكي ...
السي يوسف ضار عندو وعلى ملامحو الصدمة بصوت ملهوف: شنو.... عرفتي عليها شي خبار ؟؟؟...

الفوكس ابتاسم باستهزاء وهو كيشوف فالنجمة الساطعة .... قال بنبرة خافثة: عرفتها هي شكون ...
ضار عندو براسو وقال : عرفتها حتى فين كاينة ...

السي يوسف تفتحو عيونو وشد من دراعو بقوة وقال بنبرة شوق وحنيييين: ف ف ف ي ين لقيتيها و وشكون هي ..

الفوكس ضار بكل جسمو عندو وقال بعيون حمراء مع عروق يدو وجبينو المنتافخة : برائة البيض العمادي لي هي مرتي ...
السي يوسف خرج عيونو فيه وقال : ك ك كيفاش....

الفوكس: كيف ما سمعتي جيداء المالكي هي برائة البيض العمادي ..

السي يوسف جلس فالارض بسبب الصدمة وقال وهو ماسك من قلبو : ك ك كنت ح حااس من اللحضة لي شفتها فيها وانا كنشوف فيها بنتي لي تخطفات...
كنت حاس ...

الفوكس ضار وجلس القرفصاء امامو وقال بصوت حاد : هادشي غايبقى هنا ... برائة حاملة مانبغيش توقع ليها شي حاجة بسباب هادشي...
هاد الحقيقة غتبقى مخفية حتى للوقت لي تولد فيه برائتي .. (حول نضراتو القاسية صوب السي يوسف لي كيسمع ليه بذهول... قال بصرامة...): ما نبغيكش تخليها تشك فشي حاجة ... و واياك تقرب منها غيرتي الكبيرة قادرة تخليني نسى شكون انت... خليك بعيد الواليد الى بغيتي بنتك تعيش مزيان ...