تملكتك بنار هوسي

الجزء: 8

*تملكتك بنار هوسي *

🌞☀️🌄أصبحنا وأصبح الملك لله

بداية مع ابطالنا لي كانو فحضن بعض ، دخلات اشعة الشمس للجناح وجعزاتو الشيء لي خلاه يفيق كانت مزال ناعسة بنفس الوضعية لي كانت فيها البارح بحيت أصابعها فوسط شعرو ويديها محتاضناه
شقت ابتسامة واسعة وجهو وهو كيفكر فليلة البارح وفكفاش غيرت معاملتها معاه هو الان اسعد شخص فالكون ككل، مقدرش ينوض من حضنها مقدرش يبعد مكرهش يبقا طول عمرو فاحضانها لي حس بدفئ وحنان فيهم هو مفتاقدو ومحتاج ليه حس براسو كان فحضن ام ملييئ بالحنان ، شنو دنبو الى كانت هي مثالية بالنسبة ليه و مجموع كل شيء فيها حتى تهوس بيها

حس بيها كتحرك استعدادا للاستيقاظ كان كيشوف فيها باش استقبلها بقبلة صباحية لكن تدارك الموقف حين فكر انه يتضاهر بالنوم ويشوف ردت فعلها

كانت بغات تجبد حتى حست بتقل فوق صدرها ورائحتو مجهدة كتستنشقها حلات عيونها فالسقف قبل ما تدور وجها عندو كان ناعس بشكل زوين كيبان انه بريئ من داك الشيطان لي داخلو حركت يديها وسط شعرو مستمتعة بملمسو ، دارت لجيهتو بشكل كبير حتى تقابلات معاه بقات كتشوف وهي ساكتة هزت يديها اليمنى ودوزتها على عيونو مرورا بملامحو استقرت يدها فلحيتو ،ردفت جملة خلات قلبو يضرب وصت صدرو بقوة

برائة: يعقوووب اسمك زوين بزاف علاش لابس قناع الفوكس ومخليه يطغى على اسمك اممم ، شنو مخبي فهاد القلب ايعقوب هبطت يديها وحطاتها فوق قلبو لقاتو كيضرب بجهد شنو طرى حتى وليتي وحش قربت أكثر وقالت غانعاونك انا قررت نعاونك انت وريتيني البارح 1% من يعقوب وجريتي على الفوكس

قربت باست جبهتو وقالت: حل عينيك عارفاك فايق قلبك فاضحك

كان قلبو بغا يخرج من بلاصتو بكلمة منها كتحيي براكين ديال العشق داخلو محلش عينيه وإنما قرب اكثر حوط يدو على خصرها جا راسو فعنقها

يعقوب: انت برائتي وملاكي طلع بنضرو عندها وكمل حسيت بحنان الام فحضنك ماتحرمينيش منو عفاك خليك معايا

تكلم بجنون وهستيريا : انت غتعوضيني عليها ياك غتهتمي بيا والى مرضت تسهري معايا الا جعت تطيبي ليا والى تعطلت تبقاي تسنايني وانت خايفة عليا، مغتخليهمش يحكرو عليا ويدقو ليا البرا بزز انت غتحميني منو ميضربنييش عفاك ابرائتي كوني ليا الام والزوجة والبنت اللي تعوضني عفاك
دازت دمعة من عيونو لكن مسحها بزربة هو محسش على راسو كيفاش تصرف هاكا لكن لي عارف انه يخوي قلبو عليها سكت ما بغاش يعاود معاناتو ليها هي بريئة على معرفة طبيعة ماضيه

كانو دموعها كيسيلو بغزارة حسات بغصة فقلبها محساتش بالكره والاشمئزاز منو فاش كيقرب منها كيف ديما لا بل حسات بلي مشتاركين نفس المعاناة ديال فقدان الأم وحسات بالنقص والجرح الكبير لي فداخلو