تملكتك بنار هوسي

الجزء: 65

💥فقصر العمادي ...
كان الفوكس فشرفة المكتب كيجري مكالمة من بعد ما حس براسو مزيان ...

الفوكس : اول مرة تطول فالمغرب ...

المتصل جاوب بصوت خشن : عندي ما يدار هنا ..
الفوكس حك فكو وهو كيشوف برائة كتلعب مع قطة فالجردة .... تحركت غيرتو وهو كيشوف ضحكتها وهي كداعب القطة ... قال وهو عاقد حواجبو : ياك ما محتاج لمساعدة ...

المتصل: اه .. خاص نشوفك ..
الفوكس : نتلاقو بالليل ف****
المتصل : امم واخة .. مبروك الزواج ..

الفوكس : وانت امتى ناوي ..
المتصل غمض عيونو وزفر نفس سخون وهو كيتفكرها ... قال بدون شعور: مزال كنفكر ...
الفوكس ابتاسم باستهزاء وقال: اممم خبر زوين ... التفكير كيكون اول خطوة ومن بعدو الزواج ...

المتصل : كولشي ممكن ....
الفوكس : نخليك دابا غنقطع ... اه ديفيد مرحبا بيك فبلادك الثانية ..
ديفيد ابتاسم ابتسامة جانبية خفيفة بدون ما يرد عليه ...

الفوكس قطع المكالمة وضار متاجه عندها وهو مخنزر وماعاجبو حال ....
هبط للاسفل و اتاجه للحديقة الخلفية .... لمحها وهي معنقة القطة ومقابلة عيونها الزرقاء .... زير على يدو واقتارب منها ...
بدون ما ينطق بحرف خدا القطة من وسط حضنها وحطها فالأرض وقال ..: ما تبقايش تهزيها..

برائة غرغرو عيونها بسبب الهرمونات وقالت بصوت مغنغن: ولكن انا بغيت نهزها ونلعب معاها حرام عليك ....
يعقوب خنزر فيها وقال: نوضي غيري ثيابك غانخرجو.....

وقفت بحماس وقالت وهي ناسية موضوع القطة: فين غنمشيو ...
اقتارب منها وحاوط خصرها بتملك وقال : غنمشيو عند الطبيب هو الأول ومن بعد غانمشيو البحر...

هزت فيه عيونها باستغراب وقالت : الطبيب ديالاش...
الفوكس خشى راسو فعنقها وقال وهو كيتنهد بقلة حيلة : الطبيب لي غيشرف على علاجي ...

برائة تحلو عيونها وهي تخرج من حضنو وقبطت وجهو وسط كفوفها وقالت بصوت متحمس مع بعض من دموعها : اه اه احبيبي غتعالج ... غاتنجح اعمري غاتنجح انا غنكون معاك ولو فاسوء حالاتك...

الفوكس ابتاسم بهوس وهو متبع عيونها ... اقتارب وقبل دموعها وقال بفحيح: ششش الدموع لاش ابرائتي لاش.... سكت للحضات قبل ما يضغط على خصرها حتى انت بالم وقال .. : ما تبقايش تهزي القطة ولا تلعبي معاها ... لا هي ولا اي حيوان غيرها ....

برائة قالت وهي مغمضة عيونها بألم: اي اي يعقوب كتضرني .. طلق مني ...
الفوكس رخاها وقال وهو مخنزر... : سيري بدلي انا غنتسناك فالسيارة...