ခြံထဲမှာ ခွေးလေးတွေနဲ့ ဆော့နေတဲ့ ချစ်ရသူကိုကြည့်ကာ ဝမ်ရိပေါ်တစ်ယောက် ပြုံးမိသည်။ အင်း..ခုဆို သူဘဝကြီးက တကယ်ကို ပြည့်စုံနေပြီ ။ သူ အရာအားလုံးကို လက်လွှတ်လိုက်ပြီ ကိုယ်မပိုင်ခဲ့တဲ့ အတိတ်တွေကို တွေးပြီး နာကျင်ခံစားနေမယ့်အစား ခုလက်ရှိ ကိုယ်ပိုင်တဲ့ အနာဂတ်ကိုပဲ အလှပဆုံး၊ အပျော်ရွှင်ဆုံး ဖြစ်အောင် ဖန်တီးရမှာပေါ့ ။ သူအတွေးကောင်းနေစ၍စဥ်
" ကိုကို ရေ ကိုကို... "
အတွေးထဲမှာ နစ်မြောနေတဲ့ ဝမ်ရိပေါ်တစ်ယောက် ရှောင်ကျန့်အသံကြားမှ အသိပြန်ဝင်တော့သည်။
သူဆီပြေးလာနေတဲ့ ယုန်ပေါက်လေးကိုကြည့်ကာ စိတ်ပူမိသည်။* ကျစ် ဒီခလေးတော့ ချော်လဲတော့မှာပဲ *
" အရမ်း မပြေးလာနဲ့လေကွာ ဖြေးဖြေး လာတာမဟုတ်ဘူး ချော်လဲသွားမှ "
အနားကို ကပ်ကာ ပြုံးစိစိလုပ်ရင်း လူကို ခြွေနေပြန်သည်။
" ကိုကို ကလဲ ကိုကို့ ကို ပြောစရာ ရှိလို့ "
" ဘာများပြောချင်တာလဲ ကိုကို့ ခလေးရဲ့ "
ပေါင်ပေါ်မှာ ထိုင်နေတဲ့ ယုန်ပေါက်ရဲ့ ခါးလေးကိုဖက်ကာ ခေါင်းကို သူလေး ပခုံးပေါ်တင်ရင်း မေးလိုက်လေသည်။
" ဟို...ဟိုလေ.. ကျိုးချန်ကို လွှတ်ပေးပါလား ကိုကို "
" အင်း ကိုကို လွှတ်ပေးပြီးပါပြီ ခလေးကို ခေါ်လာတဲ့နေကတည်းက လွှတ်ပေးလိုက်တာ "
" အူး..မွ...ကိုကို့ ကို အဲ့ဒါကြောင့်ချစ်တာ"
အသည်းယားစရာ ကောင်းအောင် လူကို ခြွေနေတဲ့ ယုန်ပေါက် ကြောင့် လူက စိတ်မခိုင်ချင် ။
" ကိုကို့ ကို တအားစိတ်ဆိုးတယ်သိလား "
" ဟင် ဘာလို့ "
စကား အကောင်းပြောနေရာကနေ ရုတ်တရက် စိတ်ဆိုးတယ်လို့ ပြောတာကြောင့် အံ့ဩသွားတာတော့ အမှန် ။
" ကိုကို့ အတွက်က ကျန့်ကျန့်က ပထမဆုံးမှ မဟုတ်တာ အရင်ကဆို မိန်းခလေးတွေ အများကြီးနဲ့"
ပြောနေရင်း အသံလေးတိမ်ဝင်သွား တာကြောင့် ဒီခလေးလေး စိတ်မကောင်းဖြစ်နေမှန်းသိလိုက်သည်။ အင်း..ကိုယ်တိုင်ကမှားခဲ့တာကို...
" ကိုကို ပြောပြီးသားပဲ အရင်က တွဲခဲ့တဲ့သူတွေအကုန်လုံးကို တစ်ယောက်မှ ကိုကို မချစ်ခဲ့ဘူး အပျော်တွဲခဲ့တာကြီးပဲ ကျန့်ကျန့် တစ်ယောက်တည်းကိုပဲတကယ်ချစ်တာပါ ကိုကို့ ကိုမယုံဘူးလား "
" ယုံတာပေါ့ အများကြီးယုံတယ် ဟီးး ဟီး "
" ဒါပေမဲ့ "
"ဒါပေမဲ့ ဘာဖြစ်လဲ "
"ဟီး..ကိုကိုကလဲ ဟိုလေ ကျန့်ကျန့် မွေးနေ့မှာ ကိုကို့ ကို ဖုန်းဆက်တုန်းက ကိုင်တဲ့ မေယွဲ့ ဆိုတဲ့တစ်ယောက် ကရော"
" ကိုကို ပြောပြီးသားပဲ အဲ့နေ့က ကိုကို မေ့ဆေးခပ်ခံရပြီး အိပ်ပျော်သွားတာ ကို သူက ကိုကိုမသိအောင် ကြံစည်တာ လေ ခုတော့ သူအပြစ်သူ ခံစားနေရပြီ "
" အင်းပါ ကျန့်ကျန့် ကိုကို့ ကို ယုံပါတယ်။ "
စကား ပြောနေရင်း ရင်ခွင်ထဲ အတင်းတိုးဝင်လာတဲ့ ယုန်ပေါက်လေးကြောင့် လူက အချစ်ပိုရပြန်သည်။ ဒီခလေးငယ် ကား သူ့ကို အမျိုမျိုးပြုစားနိုင်လွန်း၏။
ဤသည်ကား မုန်တိုင်းမလာခင် တိုက်ခတ်သော လေပြေလေညင်း မျှသာ ဖြစ်ပုံပေါ်၏ ။
ပျော်ရွှင်မှု့သည် အစဥ်အမြဲ တည်မြဲတတ်သော အရာမဟုတ်သည် ကား ။
Sean-K
#Aini
YOU ARE READING
Mine (Uni + Zawgyi ) Complete
Fanfictionအမုန်းတွေ နောက်မှာ အချစ်တွေ ကပ်ပါလာ တတ်တယ် ❤❤❤ ငါချစ်ရတဲ့ မင်းက ငါ့အပိုင်ပဲ 💚💚💚 အမုန္း ေနာက္မွာ အခ်စ္ေတြ ကပ္ပါလာ တတ္တယ္ ❤❤❤ ငါခ်စ္ရတဲ့ မင္းက ငါ့အပိုင္ပဲ 💚💚💚 Mine ( Yizhan) Sean-K