#العنودية_والنقيب_الشرس
#المحطة_العاشرة
#بقلمي_سارة_المجيد
⚘⚘⚘⚘⚘⚘⚘⚘⚘
شهلاء ...واخذ المايكرفون عمو جاسم وكال للحظور سكوت لو سمحتوا انتبااه رجاءا ..وجان بهل لحظة
توكع جديتي من طولها بالكاع الكل انصدم عمو جاسم اتخبل ..وشاهين انصرع وابوية كام يركض مثل المجنون ويدفع بالعالم حتى يشوف شبيها بيبي شالوها واخذوها للمستشفى بسيارة شاهين العسكرية المظللة حتى عسريع يوصلون بدون توقف من المرور والنجدة بذاك الوكت
احنه رحنه وراهم اخذنه جليل بسيارتو وصلنه للمستشفى
شفناهم دخلوها لغرفة الطوارئ ركضت ع بابا كتلو ها بابا بشر شكالوا شبيها بيبي
ابراهيم ..مندري بنتي دخلوها هسه وتا يفحصوها الاطباء يمها ..
شاهين ..شفت هاي جايه بملابس الحفلة بعد اشوية احرك المستشفى ع راس الخلفها والحرك اجدادي جايه ويه جليل اووويلي يالكعبة الطم يعني شسوي بيها بهل وسطية واحنه مثبورين بجديتي ..
هل بنت الكلب نعلت اجدادي ماخلت دين براسي رحت طاير عليها لزمتها من ايدها ودخلتها للردها جوه كتلها انعل ابو الخلفج شنو جايه للمستشفى رب الحلووو شعندي ملهة شبيج اتخبلتي متصبرين لحد مانرجع ونطمنكم
شهلاء ..شاهين احنه بالمستشفى مو بالبيت وثم لابسه صاية فوك فستاني وشال يعني ممبينه لابسه فستان حفلة
شاهين ..وهاي جهرتج الصابغتها جنج قرقوز طالعه
شهلاء ..اصخام اني قرقوز
شو انت متعرف تحجي ..شو وخر نفضت ايدو مني ردت اطلع للممر يم بابا وعمو جاسم جان يلزم ايدي كلي اوكفي ..
خررب عمي ولج طالعة گمر بس من حركة گلبي هيج احجي عليج غير حركتي اجدادي جايه هنا بهل خلقة اوكفي وين مولية
شهلاء ..معليك ..طلعت ورحت وكفت يم بابا كتلو ها شخبار بيبي
ابراهيم .. بعد بنتي مندري مطلعوا الدكاترة
شاهين ..والله من انعل ابوج لابو الخلفج مسحت وجهي وسحبت نفس عميق اهدأ شاهين اهدأ وكفي الشر اهدأ هففففففففففففففف ...
طلعت للممر ورحت يم ابوية وعمي ابراهيم ..وجان يطلع الطبيب ركضنه عليه كلنه سألنا خير شبيها
الدكتور ..والله عجيب امرها مدنعرف شنو علتها 3 اطباء وكفنا ع فحصها ممبين بالتشخيص شنو مرضها ..
ابراهيم ..دكتور شنو يعني شتقصد امي شبيها
الدكتور ..تا اكولك المريضه محد عرف علتها ..هيه ع غفلة وكعت يعني؟؟
جاسم ..اي دكتور الصبح كلشي مابيها وجان عدنه حفلة التخرج مال ابني وكاعدة عادي شو ع غفلة وكعت من طولها
الدكتور ..امممممم والله عجيب يعني فحصناها مابين عدنه اي شي اصلا .. ليش دخلت بغيبوبة هيج مدنعرف
