العنودية والنقيب الشرس

البارت 22

مساءكم عسل صافي احبتي
وهذا البارت الاضافي تدللون عليه
🐝🍯🐝🍯🐝🍯🐝🍯🐝🍯

#العنودية_والنقيب_الشرس
#المحطة_الثانية_والعشرين
#بقلمي_سارة_المجيد

شهلاء ..الصور جان شاهين واكف وسما واكفه مقابيلو ولازمه ايدو وديسولفون امبينه ....

خلونه نرجع بالاحداث شوية

شاهين ..من وديت شهلاء يم اهلها حتى اتداريها امها بنفاسها اني رحت لبيتي اخذت كم هدمة وغرض كلت اروح لاهلي شعندي باقي بالبيت وحدي ضوجه ..

والله وصلت لاهلي وجان اشوف سما واكفه بالباب وابنها تا يلعب بره بالبايسكل نزلت تا انزل غراضي وجان اشوفها واكفه بظهري جفلت لايالله كتلها شبيج اتخبلتي منا العالم وخري ..

سما ..ماوخر واذا انت وخرت هسه اصيح والم العالم عليك واكول يتحرش بيه

شاهين ..اصخام الصخمج ولج انتي شنو لزكة متستحين شنو هل جرائة العندج
امشي طبي جوه لبيتكم يله بلا هل سخافه مالتج

سما ..شاهين اني احبك بداعتي خلينه نرجع لبعض قابله حتى لو انت متزوج واني متزوجه عادي نعيش حبنه ..

اني زوجي دومه مسافر وشامرني يم اهلي ومحاس بيه وصدك يوم عن يوم تا اشتعل بنار وكل ماشوفك اتخبل مدري شيصير بيه ولك حس بيه يبن الناس اني احبك

شاهين ..ولج بابه الي تا تسوي حرام لاشرع ولادين يقبل عليه زوجج شنو ذنبو تخوني ..واني مامستعد اخون حبيبتي وزوجتي وهسه انوب ام جهالي صارت ..

اعذريني روحي لغير شخص نفسيتو ضعيفه مثلج يكدر يخون ..اما اني . اعذريني ماكدر لان احب مرتي وجهالي

سما ..ليش شوكت صار عندج جهال ..الادري بي مرتك شهلاء ماتخلف

شاهين ..اكلي تبن شهلاء مابيها شي بس الرزق من الله والحمدلله رزقنا بتوأم
اطفال ..ومامستعد اضيعهم علمود نزوه حقيرة وياج ..

سما ..جان حاط ايدو ع بنيد السيارة واني حطيت ايدي فوك ايدو كتلو حبيبي اترجاك ارجع لحظني والله ماكول لاحد خلي علاقتنه بالسر ونعيش حبنه بحظن بعض ..

في مكان اخر ..

جليل ..يمه اني رايح لبيت عمي جاسم عندي شغلة ويه ستار تخص المكتب

ام جليل ..روح يمه الله وياك

جليل ..صعدت بسيارتي ورحت لبيت عمي اول ماوصلت شفت منظر والشيطان هنا كام يلعب بعقلي اوووويلي جاك الموت ياترك الصلاة ..

شفت شاهين واكف يم بنت جوارينهم وتا يسولفون وذيج حاطه ايدها فوك ايد شاهين ومندمجين بالسوالف

بس امبين ذيج ذابه نفسها عليه لان شاهين دينافخ وميريد يوكف وياها ..عسريع طلعت موبايلي وفتحت الكاميرة وسويت زوم قربت اللقطة وطكيت صورتين وحفظتهن ..