العنودية والنقيب الشرس

البارت 21

مساء الخير ع احلا قراء

#العنودية_والنقيب_الشرس
#المحطة_الواحد_والعشرين
#بقلمي_سارة_المجيد
🌷🌷🌷🌷🌷🌷🌷🌷🌷🌷

شهلاء ..كشفت عن بطني وحطت الجل وبدت اتمشي الجهاز ...وجانت المفاجأة ..

الدكتورة ..ماشاءالله حبيبتي انتي حامل بتوأم

شهلاء ..من حجت هيج انصدمت جسمي كام يرجف كتلها شنوووو توأم الله عليج دكتورة صدك تحجين

الدكتورة ..ههههه اي حبيبتي شوفي بالشاشة امبين هياتهم ماشاءالله وحتى جنس الجنين بين عندي ولد وبنية

شيماء ..صلوات ع محمد وال محمد حبيبتي شهولة الف الف مبرووك ربج عوضج ب2 ماشاءالله

شهلاء ..دموعي كامت تنزل مثل المطر الف الحمدلله والشكر الك ربي ماقصرت وياي ماعرف شلون اجازيك يالهي ..

كتلها اشكرج شيومه حبيبتي ربي يبارك بيج واشكرج دكتورة ربي يبشرج بالجنة ان شاءالله

الدكتورة ..تسلميلي يعمري ..يله كومي حبيبتي هسه راح اكتبلج ع فيتامينات للجنين وانتي هم لازم تهتمين بغذائج اهم شي اشربي حليب جثيير واكلي فواكه حتى ليصير عندج فقر دم حاد ..وشهر الجاي تجين حتى اشوف وضعهم وتكوينهم ابطنج

شهلاء ..صار دكتورة ان شاءالله ..جنت طايرة من الفرحة اول مارجع ابشر حبيبي شاهين اخذت الراجيته ورحت للصيدلية اشتريت العلاج ورجعنه لبيت اهلي اتصلت ع شاهين جان بعدو بالكلية انتظرتو وره ساعة اجه دك الباب طلعلو ليث طب وسلم علينه ..ركضت عليه وكتلو حبيبي ابشرك بشارة حلووة

شاهين ..يالله خيير حبيبي

شهلاء ..اليوم رحت للدكتورة واخذت سونار طلع بيه توأم ولد وبنية ههههه

شاهين ..لالالا صدك تحجين الله عليج

زهور ..اي وليدي بالمبارك عليكم ربي يتمم عليكم بالخير وان شاءالله تشوفوهم بحظنكم يارب

شاهين ..اووويلي حبيبي ممصدك الف الحمدلله والشكر ربي ماقصر من يريد ينطي لابني ادم يرزقو من اوسع ابوابو هذا كلو جزاء صبرنه حبيبي ربنه جازانه ع قوة صبرنه وايمانه وما ايسنه من رحمتو الحمدلله والشكر

شهلاء ..الف الحمدلله والشكر

شاهين ..يله حبيبي امشي نرجع للبيت تعبان اليوم جان عندي هواي محاظرات بالكلية تعبت

زهور ..وين يمه ابقوا اتعشوا وروحوا وين بيها حيل شهلاء تسويلك عشه هسه انوب 2 ابطنها خطية هههههه

شاهين ..لا عمة منو كال اتعبها تدلل عليه ام اسد هسه اشتريلها منا مشاوي ونروح للبيت

شهلاء ..هاي شنو شبساع سميتو لابني

شاهين ..اي ولج اني شاهين وابني اسد يعني العائلة كلها شراسة وقتل وكذا

شيماء ههههههه حلوو اسد والبنية شراح اتسموها