العنودية والنقيب الشرس

البارت 12

#العنودية_والنقيب_الشرس

#المحطة_الثانية_عشر

#بقلمي_سارة_المجيد

مساء العود وأطيابه.. لأهل الخير وأحبابه..
🌹🌹🌹🌹🌹🌹🌹🌹🌹🌹🌹🌹🌹

جندي قيس ..سيدي اختاروك ويه كم ضابط بتفتيش هداية جايه سيادة الرئيس ..

شاهين ..اهااا ماشي عجل لازم نتحظر ..
اجتي هدية مجموعة من الساعات الزينة .. من رئيس احدى الدول .. الى الرئيس صدام حسين .. ف بعثوهن النه نفحصهن قبل لا يستخدمهن الرئيس ..

ف كلفوني ان افحصهن خاف بيهن اجهزة تنصت او شي يعني اخذهن ع الاجهزة المعنية بلفحص .. وفحصناهن وكذا ورجعناهن الهم طلبوا ان اجيبهن اني .. رحت اخذتهن وكالوا انتظر انتظرت شوية ودخلت ع الرئيس طبعا اغلبكم تعرفوا هوه هيبه هيج ويخوف .. من دخلت علي الرجل استقبلني وسلمت علي وكتلو سيدي هاي الساعات نظيفة ما بيها شي تأكدنه منها هوه ضحك .. وكعد يلبس بلساعات اني استأذنت اريد اطلع كالي لا ابني شاهين ابقى .. بقيت .. ف دحج كال هاي ساعة مينتها حمره هاي مال شباب هذا دازها ليه اني شسوي بيها ..

ف ضحك كالي وليدي شاهين تريدها .. اني كتلو لا سيدي ممنون .. والله وكف وكالي شو تعال انطيني ايدك ..لبسها الي وكال اخذها يابا هاي تلوك لعمرك ..

وذيج العلبة مالتها ع مكتب اخذها ..الله ساعة بكذا مبلغ ..طلعت طاير من الفرحة هههههههه ..رجعت للمقر وكولساع ادحج ع ساعتي ومكيف بيها ..

كعدت ع المكتب جان يرن جهاز التلفون مال المكتب اتصلت عليه وحده من كرايبنه من بعيد .. ابنها تريدلو اجازة يريد يتزوج .. ف مسؤول الوحده مالتو صديقي خابرتو والولد ما قصر كال تعال عليه اشرب استكان جاي مشتاقلك .. كتلو ماشي ..

ركبت ورحت علي .. اني نزلت من سيارتي.. و طبيت علي وكعدت يمو تا نسولف دكوا الباب جابولو البريد شو هذا ادحج وجو اصفر مادري اخضر كام يكلب الوان ..

كتلو ها خير بس ما اكدر الح بلسؤال لان هاي وحدتو .. وميصير اتدخل .. كالي تفضل اقرا .. واذا شنو .. جنود مساجين عدهم بلوحده ..

لازميهم بقضية اعتداء جنسي ..3 همه .. كتلو اي وشراح تسوي كال ها والله مادري اني اعرفو صديقي مو قاسي .. اني عقلي طار ..

كتلو اطلب تحقيق واطلبني الي بلاسم ومعليك .. جيت اني وحققت وياهم ما اريد اذكر التحقيق والحجي المقزز .. والله خليت الجنود يكتلون بيهم اسبوع الا صلخوا جلودهم وسويت الهم كتاب طرد ..

وطردتهم من الجيش وها .. يثبتون القضية عليهم بكل مراكز الشرطة والجيش .. اشكال جنه انشوف مصايب بس الكل يعرفوني ما ارحم احد وعنيف ويه الكل ..شغلتنه اذا مو قساوة تنركب ..

شهلاء ..خلصت الفاتحه واني گلبي فرفح ع شاهين ادري راح تكولون عجل شبيج من يجي يمج تتهربين منو راح اكوللكم اني ماحب اكون سهلة المراد وماحب اكون كل مايعجبو اكون كدام ايدو اني احب اكون يتمناني وميلكاني احب يتحسر عليه ويفوز بيه بالحلال ..لان الحلال اله نكها وطعم خاص ..