#العنودية_والنقيب_الشرس
#الجزء_الثالث
#بقملي_سارة_المجيد
مساؤؤؤ حبايب البارت صار طويل جدا قسمتو قسمين ان شاءالله باجر انزل الجزء الرابع والاخيييررررر
شهلاء ...دحج شاهين ..اني وعدتك بداعة جهالي ماسوي شي غلط والي راح اسوي هسه عين العقل مو غلط يعني ماخلفت بوعدي وياك
ف يابن الناس من هاي اللحظة اعتبر شهلاء ماتت مثل مراح اعتبرك انت هم متت بالنسبة الي ولازم ننهي كلشي بينه وروح بطريقك الي مشيت بي وياها ..
ودير بالك ترجعلي بعد لان من هل لحظ راح اعتبر احنه منفصلين وانت من طريق واني من طريق لحين مارفع عليك دعوة طلاق مو شهلاء الي ترضا ع كرامتها تنذل وتنهان بسبب طيشك ونزواتك وخليهن يفيدنك عود
دفعتو وكمت حتى اروح لغرفة لينا جان يخمطني بحضنو
شاهين ...جانت كلماتها مثل خناجر بنص كلبي اتخبلت لايالله ماجنت متصور هيج راح اتكون ردت فعلها بهل قساوة عبالي تزعل وراها ترضا عادي رادت تكوم سحبتها لحضني وجتفتها منكدر نصيح لان نايمين كلهم جنه نتوجع بسكوت
كتلها لابربج شهلاء لاتسوين بيه هيج والله ماستاهل جفاج تدريني اموت بلياج اروحلج فدوة فكري ولاتخلين العصبيه تخليج تتخذين قرار غلط جانت ترافس بين ايدي وتحجي بعصبية وبغضب بس بصوت ناصي
شهلاء ...وخررررررر عوفنيييييييي ياااااااااخاين يا المتخاف ربك ياغدااااااار ولك هاي تاليتها تغدر بيه وويامن ويه هل حقيرة الجلبة الي جانت تريد تهجم بيتي تريد اصدكك مجان بينكم موعد من طلعت بحجة الغده ها احجي فهمني انت شنوووووووو ...لا ويجذب من اسألو ليش اتأهرت يكلي شفت صديق قديم اثاري جان يفتر هل حقيرة السا......
ولك نسيت تضحيتي الك نسيت عمري الضيعتو علمودك نسيت تعبي ووكفتي وياك كل هل سنين انت شنووووو فهمني شنوووو كمت الطم ع وجهي واملخ بروحي وهو يحاول يهديني ويجتفني حتى لا اذي نفسي
وكعت اتخربطت بين ايدو ماحسيت بشي بعد غير عطر قوي بخشمي
شاهين ...من وكعت منهارة بين ايدي فقدت ردت اموت لو شماسوي بروحي ماوفيها حقها
شلتها وحطيتها ع الجرباية وجبت عطري وشممتها صحت ورجعت اتضرب بيه وادفع وتحجي ودفعتني وطلعت راح لغرفة لينا وقفلت الباب
ركضت وراها كمت ادك الباب ع كيفي واحجي وياها ...افتحي حبيبي الخاطري افتحي اترجاج افتحي خلينه نحجي بعدني ممكمل كلامي وياج ومو من حقج تقررين بدون متسمعيني للاخير
اوووف ياربي هسه شسوي حبيبي بداعتي فتحي الباب باجر عمليتج موزين هيج اتسوين بنفسج والله اخاف عليج
