#العنودية_والنقيب_الشرس
#الجزء_الثاني_من_البارت_الاضافي
#بقلمي_سارة_المجيد
اسعد الله مساء متابعيني الغوالي بكل خير .. رمضان كريم عليكم احبتي وكل عام وانتم بالف خير ينعاد عليكم بالصحة والعافيه يارب ..
...............................
شاهين ...درت وجهي لا يالله
عيني انفتحت ع وسعهن بصدمة خلت دماغي يوكف لحظات هاي سما اويلي ع حظي هاي تطلعلي باليانصيب يعني شسوي وين ادير وجهي وين اضم نفسي راح اتصير مصيبة ادري
سما ...كمت من مكاني وبيدي ابني شاهين اتمشيت ع ميز شاهين حبيبي وكلبي يرفرف ويريد يطير ويروح بحضنو اتقربت وكتلو هلو شاهين شلونك
شاهين ...كمت من مكاني ووكفت وكتلها هلا سما الحمدلله زين انتي شلونج شخبارج وين ماوين
سما ...والله موزينه من يوم الي عافني بنص الدرب واتخلى عني حياتي صارت عدم
شاهين ...حاولت اغلس وحجيت كتلها ...احم ليش واكفين اتفضلو اتفضلو
لمى اخت سما ...اي نتفضل ليش لا عيني ...مايرد الچريم الا البخيل
سما ...كعدنه وكتلو اي شخبارك سمعنه صار عدكم ولد غير التوأم احجيلنه شخبار شهلاء ان شاءالله مرتاح وياها
شاهين ...الحمدلله مرتاح وياها وجهالنه مالين علينه الدنيا
سما ..انكلب وجها وصار ازرك من الغضب كالت اي تتهنون ابعض
لمى ..عيني اعزمنه ع غدة شي شو مغلس ابو اسد (وطكتها بضحكة سخيفه)
شاهين ...ها احم اي ليش لا تأمرين اطلبو شيعجبكم اني حاضر هسه اجيبو الكم
((طلبن الاكل وشاهين راح وصى ع الاوردر شوية جهز وجابو)
شاهين ...كملن الغدة وهاي اختها كفرتني امبين جانت سما اتكلها هيج كليلو حتى انحرج واسوي الي يردنه
((جانت اختها تحجي وتضحك وتذكرنه بعلاقتنه القديمة
وسما ابتسمت وبنظرات تريد تاكلني بيها بس بقت ماكعدت بحضني))
شاهين ...كمت طلبت الاكل للبيت اخذتو ودفعت كل الحساب انهجم بيتي لان المطعم غالي جثيير هههههههه
المهم كمنه وطلعنه صعدنه بالسيارة وهاي الخاتونه اتشخصت بالصدر كلت بكلبي والله لو شهلاء تدري لاتحركني وياهن
حركت السيارة وطلعنه وبنص الطريق مرينه من يم كوفي
نبت لمى اختها كالت ...اوكف اوكف شاهين عليك الله
شاهين ..ها خير شكو
لمى ...عليك الله نزلنه هنا يم هذا الكوفي يبيعون بي عصير يجنننن كلش طيب حباب
شاهين ...حجيت بكلبي ..بله هاي وين جانتلي هسه حتى ماكدر انزلهن واطردهن عيب بحقي هفففففف الله يستر بس
