Tannie In Love [ Completed ]

6. His Enemy

Unicode ‼️

သခင်ပျော်နေသလို ကျွန်တော်လဲ
သိပ်ပျော်နေခဲ့တာ
အချစ်ဆိုတဲ့ အရာကို ခံစားတွေ့ကြုံနေရလို့ပဲ ထင်ပါတယ်။

သခင်က ကျွန်တော် နဲ့
အစ်ကို ဂျောင်ကု ကို ချစ်တယ်။

ကျွန်တော်က သခင့်ကို ချစ်တယ်။
နောက်ပြီး သခင့်ချစ်သမျှ အရာအားလုံးကို
ချစ်တယ်။

ဤသို့ဤနှယ် ချစ်မေတ္တာတွေဖုံးလွှမ်းပြီး
နေထိုင်ရတဲ့ ဘဝကြီးက တကယ်
ပျော်စရာကောင်းခဲ့ပါတယ်။

••••••

သခင် နဲ့ အစ်ကို ဂျောင်ကု က ဟိုတခါကလို နှစ်ယောက်ထဲ တွေ့ပြီး Dating လို့ ခေါ်တဲ့ အရာကို မကြာခဏ ပြုလုပ်လေ့ရှိတယ်။

များသောအားဖြင့် ထိုသို့တွေ့ဆုံတိုင်း ကျွန်တော်ပါ သခင်နဲ့အတူ လိုက်သွားတတ်ပြီး တခါတလေကျရင်တော့ ဘာဖြစ်လို့လဲ မသိပါဘူး... သခင်က ကျွန်တော့်ကို အိမ်မှာပဲ ချန်ထားရစ်ခဲ့တယ်။

အဲ့လို တစ်ယောက်ထဲ ကျန်ခဲ့ရင်တော့ ကျွန်တော်လဲ ပျင်းပျင်းနဲ့ သခင့်ရဲ့ ပစ္စည်းတွေ ထိုင်ကိုက်နေလိုက်တော့တာပါပဲ။

တခါကတော့ သခင့်ဆိုဖာလေးကို တစစီ အရသာခံပြီး ကိုက်လိုက်မိကထဲက အဲ့နောက်ပိုင်း သခင့်က ကျွန်တော့်ကို အိမ်မှာ မထားခဲ့တော့တာပါပဲ။

ကဲ... ချစ်စရာကောင်းလွန်းတဲ့ သခင် မဟုတ်ပါလား။

ဒါ့ကြောင့်လဲ ကျွန်တော်က နေရာတကာ ပါခွင့်ရပြီး ဟိုဒီလျှောက်လိုက်ရင်းကနေ ကျွန်တော့်ကို အရမ်းဂရုစိုက်ပေးတဲ့ သခင့်ချစ်သူ အစ်ကို ဂျောင်ကု နဲ့ ပိုမို ချစ်ခင်ရင်းနှီးလာသလို

သခင့်ရဲ့ သူငယ်ချင်းတွေဖြစ်တဲ့
အစ်ကို ဟိုဆော့ ၊ အစ်ကို ဂျီမင်း ၊ အစ်ကို ယွန်းဂီ တို့နဲ့ကတော့ ပြောမနာဆိုမနာ ငယ်ပေါင်းကြီးဖော်တွေလိုမျိုး တယောက်အထှာ တယောက် ပိုနားလည်ပြီး တကပ်ကပ်နဲ့ မခွာစတမ်း ကပ်လို့ ကောင်းခဲ့ပါတော့တယ်။

သို့သော်ငြား

သခင်နဲ့အတူ နေတဲ့အတောအတွင်း သခင့်ဆီမှာအခုလို ပျော်စရာတွေပဲ ရှိနေမယ်လို့ ကျွန်တော် ထင်ခဲ့မိပေမဲ့ တစုံတယောက်ကြောင့် သခင့်က စိတ်ရှုပ်စရာ ၊ စိတ်အနှောက်အယှက် ဖြစ်နေတဲ့ဟန် ရှိတယ်လို့ ကျွန်တော် ခံစားမိခဲ့ရချိန်မှာတော့