Wicked Hearts

Chapter 20

Chapter 20: Date

Tumulong ako sa pag-organize ng gymnasium dahil dito gaganapin ang Mr. and Ms. Riverside University pageant mamayang alas singko. That's two hours from now.

After helping with the flower arrangement, I stood up to stretch my arms. Kinuha ko ang scrunchie sa bulsa ko ay tinali ang buhok sa isang messy bun. Patingin-tingin ako sa entrance ng gym dahil baka biglang may sumulpot na lalaking tinakbuhan ko.

I still think that was an unwise move. I could have easily denied it, but instead... I ran away. Saka... ano naman ngayon kung crush ko siya? It's not that serious!

Still... I haven't admitted that. Hindi ko pa rin alam kung crush ko talaga siya. But he makes me feel things... also blush. He also has this audacity to make me stare at him unconsciously!

"Tubig po, Miss Rizaline?"

Napatalon ako sa gulat nung may sumulpot na babae sa harapan ko.

Nginitian ko ang babae bago kumuha ng bote ng mineral water. Habang umiinom ay ginala ko ang tingin ko sa gym. Halos nakahanda na ang mga lighting. Maayos na rin ang stage, maging ang table ng judges. Nagulat pa nga ako nung makita ang pangalan ni Chester doon.

I asked one of the organizers why Chester was involved. I found out he was once the titleholder of this pageant— Mr. Riverside Univeristy.

"Hello, President. Tubig po?"

Nanigas ako sa kinatatayuan nang marinig 'yon sa likuran ko. Hindi ako lumingon. Hindi rin naman ako gaanong uhaw pero nagawa kong ubusin ang tubig na hawak ko.

"Nakita niyo ba si Miss Villete?" tanong ni Ulrich na ang tinutukoy ay ang SSG Adviser namin.

"Hindi po e."

"Gano'n ba? Nasaan kaya siya?"

Nahagip ng mga mata ko si Miss Hailey, papasok siya ng gym. May hawak siyang mga props. Nagkumahog akong lumapit sa kanya na bahagya pa niyang kinagulat.

"Miss Hailey, pwede ba akong umuwi sandali? Maliligo lang ako," pagpapaalam ko dahil maghapon na ako rito. Nanlalagkit na ang pakiramdam ko.

Ayoko namang manuod ng pageant na nanggigitata ako habang ang mga contestants ay tila mga kumikinang na ginto. I still want to look presentable.

"Sige lang. But make sure you will be here before the event even starts."

That's my go signal.

"Miss Hailey..." Narinig ko ang boses ni Ulrich sa likod ko.

Tumikhim ako. Yumuko ako at paalis na nung tinawag uli ni Miss Hailey ang pangalan ko.

"Miss Chavez, pwedeng pakilagay muna ito sa SSG Office bago ka umalis?" ani Miss Hailey.

I bit my bottom lip. Nakayuko akong humarap sa kanila. Tinanggap ko ang mga props na hawak niya. Bago ako tuluyang makaalis ay napatingin ako kay Ulrich... na nakatitig din pala sa akin.

His stares were dark... and cold.

Shit. What was that?

Nilagay ko sa SSG Office ang mga props na pinahatid ni Miss Hailey. Naabutan ko roon si Raechelle na nakaharap sa salamin at naglalagay ng lipstick.

I ignored her. Pinatong ko sa ibabaw ng desk ni Miss Hailey ang mga props.

"Makakabalik na ang dating SSG Secretary after ng Foundation Week," bigla niyang sabi.

"Really? Good for her, then."

"Enjoy your last moments..." Humarap siya sa akin. May tagumpay na ngiti sa kanyang mga labi. "Tama na ang pagpapakitang-gilas, Riza. Your time is over."