اسكريبتات سليم ومسك

اسكريبت ٣

"أحبني بطريقة تليق بنرجسيتي، لا تزهد بي"

_بس ياسليم ابعد عني ومتكلمنيش تاني
-ياحبيبتي والله انا ذنبي اي وبعدين انتي عارفه انها فري شوية وانا ملحقتش اصدها
عيطت بصراحه من قهرتي ادخل المكتب على البيه اللى المفروض ظابط قد الدنيا طول بعرض بعيون ملونه وقمر كده  .... انا مني لله بفكر ف اي دلوقتي اشوف واحده لبسه ومش لابسه وبتبوسه لا اسكوزمي بقى  بصتله بقهر ودخلت اغير هدومي عشان انزل شغلي
طلعت اتفاجت بيه محضر فطار وحططلي ورد الياسمين اللى بحبه وبيبصلي زي الاطفال الصغيرين  ااه مني لله على قلبي اللى شبة الشبشب الاحول ده بس لازم اتقل وخدت المفاتيح ولسه هنزل سمعت صوته اللى كهربني
_راحه فين يا مسك
رديت عليه ببرود الدنيا وانا مدياه ضهري : راحه الشغل عندك مانع
لف وشي نحيته وقالى بغمزة هتركبي المترو
_ ابتسمت للذكري اللى جمعتني بيه وحضنته جامد
__________________________________________
من سنتين
كنت نازلة الصبح ومعايا شبكتي وكل حاجه خطيبي قصدى اللى كان خطيبي معيد عندنا ف الجامعه وللاسف طلع بتاع بنات ومش يبطل الخلصه دى كان لازم افسخ خطوبتي رغم اني كنت بنهار  وصلت لمحطه المترو اللى هتوصلني للجامعه ولسه هطلع عربية السيدات اللى كالعادة زحمه لقيت حد خبطني وزقني لدرجه كنت هقع على وشي
_انتي يا بنتي غ..  بصراحه معرفتش اكمل الجمله لان العربية كلها عملوا زي السحالى ف موسم التزاوج راجل راجل
_ معلش والله اصل خطيبتي زعلت مني عشان مش قادر اكمل حق الشبكه انا اسف ياجماعه
اتفاجت بكمية ردود فعل من الستات والبنات كمان اللى هو حرام عليكي   متتبطريش  دا ياي مسمسم وامور  واللى تقولى يابنتي دا شكلو ابن حلال وبيحبك  لا لحظة بس كده ف ايرور انا بيتوجهلي الكلام ده ليه   لسة هفتح  بؤقى واتكلم لقيته بيقولى بصوت واطي وكان شبة بيترجاني
_ لو سمحتي كملى معايا التمثلية دى للاخر لحد ماطلع من هنا
رديت عليه بنفس نبرة صوته _ متخفش الغرامه مش غاليه وبعدين انزل المحطه الجاية واركب عربية تانية
_ انا اسمي سليم الحسيني ظابط مخابرات وكنت ف مهمه واتكشفت وفى امر يصفوني
_بمنتهي التلقائية والعفويه قولتله احيييييه
_حط ايدة على بوقى وقالى اهدي انا بس عايز منك خدمه
_براءت جامد وقولتله خدمه مني انا
_ هتكملى معايا تمثلية انك خطيبتي لحد ماطلع من محطه المترو
_ اه عشان اموت انا كمان ياخويا لا مش لاعبه سوري اتفضل مش يمكن تكون قتال قتله
الشهادة لله منطقش ولا كلمه وبعد عني فعلا واستني عشان ينزل من المترو فضلت افكر فيه ياتري اي هيحصلو يعني وبعدين هيجرلي اي وبعدين دا مش منظر قتال قتله شكلة بالرغم انو مبهدل بس وسيم دقنه متحددة شعرة البني عينو الخضرة يخربيت حلاوته  الله يخدني ياجدع منك لله انحرفت بسببك روحتله
_ بص انا هساعدك ماشي ومتنطقش ولا كلمه
بصلي بصه مفمتهاش ومتكلمش ولا كلمه كل اللى عملوا لقيته حط ايدي ف ايدو  ف اللحظة دى حسيت اني اتكهربت ونسيت الدنيا و وشي احمر
_  بتمسك ايدى ليه
_دا لزوم الدور بس وبعدين وشك احمر كده لية انا يدوب مسكت ايدك هو انا بوستك وبعدين انتي مخطوبه وشاور بعينه ع الدبلة يعني اكيد مسك ايدك قبل كده
_فوقت من العالم اللى كنت فيه لما فكرني بالدبله وصاحبها قولتله بصوت على وشك العياط :ميخصكش ويالا قربنا ننزل
ونزلنا وقابل هو الناس اللى مستنياه وانا روحت كليتي وقابلت خطيبي واديته حاجته واليوم انتهي وحكاية سليم خلصت او افتكرتها خلصت
__________________________________________
بعدها بأسبوع قاعدين فى كافيه جمب الجامعه
_هتجنن يا بسمه هتجنننن
_يابت اهدى هتلاقيها
_منه لله منه لله هو اليوم الشؤم ده بقالى اسبوع ماشية من غير البطاقه تغور البطاقه السلسة بتاعتي اللى جدو كان جيبهالى هديه كانت ف المحفظه بتاعتي
_يابنتي فكري طيب اخر مرة شوفتيها فين
_ اخر مرة شوفتها كان يوم المترو ابتسمت لمجرد الذكري موقف مكملش دقايق بس كل مافتكرو ابتسم وقلبي بحسه طاير
_حبيته
_اخرسي ياعرة احب مين لا طبعا تلاقيه عيل توتو
_يابت بطلى كهن الفلاحين ده
_ يووووه على زنك منكرش انو كاريزما ف نفسه  هادى كده وطول بعرض وشعرو وعينه الخضرا كان مز السنين
سمعت صوت جاي من ورايا صوت حفظاه كويس خلاني شبة الكتكوت المبلول 
_عارف اني مز طبعا ومحدش يقدر يقاومني بس مش لدرجه التحرش
فضلت مبرقه وفاتحه بوقي بتاع دقيقتين تلاته مش مستوعباه هو بيهبب اي هنا يخربيته دا زايد حلاوه عن المرة اللى فاتت انا مني لله بفكر ف اى دلوقتي
_الحمدلله ربنا كرمني وعرفت اتكلم وقولت انت عرفت مكاني ازاى وجيت هنا لية  وبعدين هو حد جيه عند سمنتك ياعم الحلو عشان تقول نتحرش
_بس بس هو مين فينا الظابط اولا جيت ارجعلك المحفظة وحاجتك اللى فيها
_خدت المحفظة وانا فرحانه وعيوني كانت بتطلع قلوب لما لقيت السلسلة قولتله :بجد مش عارفه اقولك اي ميرسي انك جبتهالى انت لقيتها فين
_ احم انا اللى خدتها
_خدتها ازاى يعني قصدك سرقتها ياخي منك لله مفكرتش هروح ازاى وانت معاك المحفظة وفيها فلوسي وكل حاجتي
_ لا متتغبيش اولا انتي كنتى راحه كليتك يعني ممكن تاخدى فلوس من اي حد من صحابك ثانيا يا استاذة انا حططلك فلوس ف الشنطه عشان تقدري تروحي
_لحظة ابكي تراني تاثرت لا لا فيك الخير ظلمتك قد اي انا انسانه ظلمه  وبتاخدها ليه يا استاذ يامحترم
_معجب بيكي بصراحه وكنت عايز اعرف عنك اى حاجه
_ ياخي اللهي تعجب بيك جنيه عانس محدش رباها
_بسمه : ياجماعه اهدووا شويه
_انا وهو ف وقت واحد :ملكيش دعوة انتي
_بسمه : اولعوا ف بعض انا ماشية
_خدي يابت ياعرة بصتله بغيظ وقولتله عملت معاك موقف حلو وانت رديت مشوفش وشك تاني بقى يا لطيف
_اتعودي هتشوفيني كتير و ااه الواد المايص المعيد اللى عندكوا ده تحضري محضرته ولا سكشنه وتطلعي من سكات حتى لو مش فاهمه حاجه متساليش فاهمه
_بصراحه اتغظت : وانت مالك كنت من بقيت عيلتي
_طيب ابقى اعمليها ياليليان وانا وعزة وجلاله الله هبيتهولك ف المستشفى
سبني ومشي هو سبني ومشي  ياخي منك لله نشفت دمي بصوت اللى شبه الجعورة ده يارب انا المصايب عايزة مني اي
__________________________________________
عدا كام يوم بعد ماقبلته ف الكافيه وطبعا كان زى ظلي شبة بيستناني اول مانزل من البيت لحد ماطلع تاني اهتمامه حلو وحبيته  بس خايفه اجرب تاني كفاية جرح واحد

واقفه ف الصيدليه اللى بتدرب فيها ف امان الله وحاطه وشي ف الورق اللى قدامي لقيت البية داخل بمنتهي التناحه وابتسامه سميجه مرسومه على وشه وبيقول
_عندكوا شااامبوو
بصتله بقرف ومهتمتش باللى موجودين  وقولت
_ لا عندنا دتباتشيب
_صاحب الصيدلية بصوت عالى :دباديب اي يامسك  متركزي
لسة هرد على البني ادم ده لقيت الحمش اللي بيرد بغيظ وبيقول
_انت مالك بتعالى صوتك عليها لية يابني ادم انت ومسكه من قميصه وقال صوتك ميعلاش عليها تاني
صاحب الصيدلية : انت مين اصلا
_ الرائد مراد الحسيني خطيبها
_احييية هو قال خطيبها دا انا هولع فيه انا اتحط  ف الموقف ده انا يتعمل فيا كده انا مبسوطه ليه يحرقني بقى
_صاحب الصيدلية :خطيبها بجد
_تحب ابوسهالك من بؤقها دلوقتي عشان تتاكد انها بتاعتي وتبعي وخطيبتي
_سيبتهم هما الاتنين وطلعت بره يارب يموت بقى هه عبوا شكلوا قليل الادب
طلع برا ورايا اول ماشوفته ابتسمت وبعدها افتكرت اللى حصل فكشرت
_ هرموناتك مجنناكي بتضحكي وتكشري ف وقت واحد
_انت ازاى ياقليل الادب تقول كده تخطبني وتبوسني اي القرف ده
يرد عليا بمنتهي السماجه
_اي ضا اي ضا انتي متعرفيش اني هتجوزك كمان
_اه انت اهبل بقى
قرب مني اوي وقال
__متعودتش احلم حلم ومحققهوش وانتي حلمي اللى هيتحقق قريب اوي  وااه هتسيبي الصيدلية دي وتنزلى الصيدلية اللى جمب بيتكوا وقبل ماتنطقى انا اشترتها وهنزل فيها دكتورة امل تدربك فاهمه

_________________________________________
_فى اي يابسمه واخدني ف الاوضه وقافله الباب هتغتصبيني ولا اي
_بصي
_بصيت
_بصي
_ماقولت بصيت
_ماهو ياعني
_متخلصي ياروح امك
_مصطفي خطب رضوى
فضلت متنحه خمس دقايق مصطفى اه نتن وزبالة وانا عارفه وفسخت الخطوبة عشان كده بس رضوى مين
_رضوي مين يا بسمه
_رضوى صحبتنا وبعتت لينا الدعوة
ضحكت ضحكت لحد ماعيطت صحبتي تعمل كده صمت وسكوت حبيت اقطع الصما وقولت
_تمام هننزل نجيب فساتين منين بقى للفرح
_انتي هبلة ولا شاربة حته ب ٢٠٠
_هبقى هبلة لو قعدت ف البيت وتفتكر اني ياحرام اتاثرت وبعيط هنزل وهتمكيج وهلبس واتشيك وانزل اي رايك ودا قرار نهائي
وفعلا عملت اللى ف دماغى ورحت الفرح انا وبسمه بصراحه زعلت اوي اما شوفته وشفتها  بس افتكرت سليم و محاولته كذا مرة انو يكسب قلبي انو دايما جمبي ابتسمت لمجرد انو جيه ف خيالى بصراحه اتمنيت يبقى جمبي اوي ف الوقت ده
قومت وروحت ناحيتهم هسلم عليهم الذوق برضوا سلمت على رضوى وانا قرفانه منها وعايزة اديها قلمين  لسة هسلم على مصطفي  لقيت الايد اللى سبقتني بصيت لقيته سليم عيني لمعت من الفرحه وفرحتي زادت لما قال
_سوري بس مبحبش مراتي تسلم على رجاله 
وخدني وطلعنا الجنينه برا
عملت نفسي مقموصه طبعا وقولت
_ اى التصرف الوقح ده ازاى تقول اني مراتك مرة خطيبتك مرة مراتك اي ده
_متبطلوا محن بقى يابت اتلمي عينك كانت هتطلع قلوب جوا  وعشان ميكونش تصرف وقح انا قبلت باباكي النهاردة وهاجي بكرة اخطبك وبعد اسبوع هنكتب الكتاب

__________________________________________
_بقولك اي هنزل معاكي ونروح سوا بالمترو
_هتركب عربية السيدات برضوا
بصلي جامد وضحك وقال
_بس المرة دى هقولهم مراتي مش عايزة تديني بوسة
_قولتلك قبل كده انك قليل الادب
_بس بحبك
  "لندى الصالح""ليل"